النجده النجده .. قانون الجذب جنني ,,

[أ.العتيبي]

السلام عليكم ورحمة الله وبركاته

شلوونكم بنااات ان شاء الله كلكم بخير وصحه نفسية ممتازة مادري ليش اهتم لصحة النفسية اكثر من الجسدية

ماعلينا بنااات فديتكم انا عندي استفسار بسيط ومحتاجه مساعدتكم ..

انا عندي قناعة سلبية في موضوع معين ما كانت عندي من قبل وابي اغيرها لأنها راح تسبب لي مشاكل كثيرة انا في غنى عنها لو غيرتها


يعني شلووون ؟؟


انا اقولكم يا طويلات العمر

انا تزوجت وزوجي خاني وانفصلنا :eh_s(13):
اللحين انا مستحيل اتزوج لأن عندي قناعه اني كلهم جذابين وخداعين واني بتطلق لو تزوجت مره ثانية :bbbiu:
وبناءا على قانون الجذب هذا اللي راح يصير لو ما غيرتها :denya:
واللي خلاني افكر بهالموضوع اني شفت اثنين اعتقد انهم معاريس كانوا معانا بالمطعم انا كنت اسمعهم جان اسمعه يقولها ووعود ومش عارفه ايش ضحكت بيني وبيني نفسي وقلت جذابين كلهم نفس هالكلام اموت واعرف الكتاب اللي ياخذون منه هالكلام شنو ؟؟
وبس .. لما فكرت بيني وبين نفسي قلت انا ماكنت جذي بالعكس كنت اقدس الزواج والحب كنت اثق في الناس عادي طبعا مو ثقه عمية بس مو نفس اللحين نهائيا ما اثق في احد ولو 1%

ادري طولت عليكم بس والله مالي غيركم انقذوني ..​

:s141:

 

[نغم الكويت]

حبيبتي روحي مكتبه جرير واخذي كتاب المارد الذي بداخلك عقلك الباطن

وحبي هذي نصيحه لك اكثري الاستغفااااااااااااااااااااااااااااار واقري سوره البقره يومياااااا والله والله والله تتغير حياااتك

وبيني وبينك التجربه

 

[أ.العتيبي]

نغم

مشكووورة ياقلبي

والله يجزاج خير ماقصرتي حبيبتي

 

[أ.العتيبي]

شدعووووه بناااات وينكم

 

[حور العيون]

رد : رد: النجده النجده .. قانون الجذب جنني ,,

حبيبتي روحي مكتبه جرير واخذي كتاب المارد الذي بداخلك عقلك الباطن

وحبي هذي نصيحه لك اكثري الاستغفااااااااااااااااااااااااااااار واقري سوره البقره يومياااااا والله والله والله تتغير حياااتك

وبيني وبينك التجربه

صحححح كلامهاااااا والله والله والله انا جربته ونفع معااي حيييييييييل
وهذي نصيحه مني لج واهم شي تكونين واثقه ان الله راح يستجيب دعائج
والله يرزقج بالرجال الصالح اللي مايشوف غيرج:eh_s(9):
لاتنسينا بالدعاء :eh_s(15):

 

[أ.العتيبي]

حور العيون

الله يجزاج خير ياقلبي

صحيح انا جربت الاستغفار والتسبيح ونفع معاي في اشياء كثيرة

بس الله يهديني واياكم لهيت وقطعت هالعادة

جزاكم الله خير نبهتوني

الله يسعدكم ويوفقكم وينولكم ما تبون امين يارب العالمين

 

[om MaRyooM]

معاج حق .. هالشعوور موبيدج
بس لازم تصيرين اقوى وتقاومين هالشعور .. و لوخليت خربت

وداومي ع الاستغفار واقري دعاء تيسير الزواج .. واذا احد تقدملج سوي استخارة ..
مالج غير ربج بهالحالة لأن الناس مارح تقدم ولا تأخر

 

[واثقه خطاي]

البوم قانون الجذب لصلاح الراشد,وبعدين حاولي تركزين على النماذج الناجحه للزواج

 

[أنا Top أنا]

والله انا نفسج

متعقده من الجذب بس شنسوي مو منا منهم اللي خربوا عقولنا

ما اقول الا حسبي الله عليهم

واستغفري ربج قد ما تقدرين ~~

 

[جبنة بيضة]

لازم تتعوذين من ابليس ادعي انه من رب العالمين يسخر لج الزوج الي في بالج و الحي في الدعاء اكثري استغفار

مثل ما قالو البنات ركزي على حياة الازواج الي حياتهم سعيدة و تذكري اي شي تفكرين فيه بينعكس على حياتج

فخلي تفكيرج ايجابي و قبل لا تنامين تخيلي انج اشلون عايشة مع ريال طيب يحترمج و يحبج

و حاولي كل ما يتلج فكرة سلبية عن الزواج تقولين

انا الحين متزوجة و عايشة احلى حياة مع زوجي باذن الله

او عشان العقل الباطن يتقبل انا الحين في طريقي الى حياة زوجية سعيدة

و انصحج بكتاب قوة عقلك الباطن

 

[tooofy81]

هلا حبيبتي اولا اشكر ثقتج فينا وبعطيج رايي على عجل

ثانيا سالفة الخيانة منتشرة بكثره لاسباب عديدة منها وعلى راسها بناااااااات ابليس هذا شي والشي الثاني ان الرجال يحب التعدد هاذي فطرته مثل مااحنا مفطورين على حب الاطفال ورعايتهم وعندي سؤال صغير يوضح لج مساله الفطرة واختلافها عند الرجل والمراءه لو انج في مركب محد يقدر يقودة الا انتي ومعاج زوجج وولدج وهبت عاصفه قوية ولان المركب صغير لازم اتضحين اما بزوجج او ولدج منو راح تختارين؟؟؟؟؟؟؟؟؟؟؟؟؟؟؟ اهني الفطرة راح تفرض نفسها !!!

المهم قانون الجذب قريت عنه وعجبني لكني افضل التوكل الحق على الله يعني مااخلي مجموعة افكار وترسبات نفسيه هي اللي تقود حياتي !!! عندي احاديث النبي وسيرته هي افضل من قانون الجذب فابحثي عن فن التعامل مع الحياة في حياة الرسول شرط بتسعدين بحياتج خصوصا ان حياة الرسول فحواها التفاؤل والتوكل على الله فالرزق ومقابله السيئه بالحسنة

اتمنى اني قدرت اوضح لج معيار السعاده وصدقني انا انصح نفسي وانصحج محد فينا كااااااااااااامل

وسي يوووووووووو يابنت عمي

 

[الحبوبه الطيوبه]

حبوبه اسمعي سلسلة دروس كن مطمئناً للدكتور صلاح الراشد حيل حلووو لانه فيه تمارين ان شاء الله تفيدج

 

[ابتسمامه]

احسني الضن بالله تعالى (( انا عند حسن ضن عبدبي بي)) اذا بتثقين ان الله يرزقج بالزوج الصالح راح يرزقج وحتى لو يتاخر نصيبج هم احسني الضن وقولي كله خيره وتوكلي على الله . الدعاء ثم الدعاء ثم الدعاء

 

[أ.العتيبي]

ام مريوم

جزاج الله خير يا قلبي ما قصرتي

فوز

هههههههه المشكله ما حولي نماذج ناجحه اوعدج بدور عليهم لو اتخيلهم

Top

الله يعينا حبيبتي شاكرة مرورج يا قلبي

جبنة بيضه

يامال العافيه ياقلبي ماقصرتي

جزاج الله خير وان شالله بروح اشتري اكيد موجود بجرير

توفي

هلابج يا بنت العم
جزاج الله خير ياقلبي كلامج يريح والله كريم

حبوبه

وين الاقيها هالسلسله
تتوقعين احصلها باليوتيوب ؟؟

ابتسامه

ونعم بالله
جزاج الله كل خير يا قلبي ما قصرتي

 

[الحبوبه الطيوبه]

هلا ياقلبي السلسه موجوده سوي بحث عنها تلقينها بس لازم الكراسه العلميه اسالي عنهم بالمكتبه

 

[أ.العتيبي]

مشكورة يا قلبي ما قصرتي

<< جاري البحث

 

[Loutes]

سلام يا سكرتي
خلي دايم تفكيرك ايجابي بالزواج ولا تقولين م خيانة وكذا
والله يرزقك بالزوج الصالح

 

[أ.العتيبي]

لوتس

تسلمين يا قلبي

الله يجزاج خير

 

[جود سعوديه]

رد : النجده النجده .. قانون الجذب جنني ,,

د\ راشد الصالح له مقاطع في اليوتيوب
موقفه

 

[نمله معصبه]

حبيبتي قانون الجذب مأخوذ من حسن الظن بالله ..(انا عند ظن عبدي بي فليظن بي مايشاء)
يعني اذا فكرتي ان حياتج بزواجج الثاني ناجحه وبتكونين مستانسه راح يصير جذي واذا فكرتي ان حياتج كلها خيانات وتعب بيصير اللي انتي مفكره فيه..
وفي مقوله كنت احسبها حديث عن الرسول (تفائلوا بالخير تجدوه) كل الاشياء هذي مثل قانون الجذب وانا شخصيا جربتها لاشياء كانت مستحييييييييييييييييييييله وصارت معي..
اخذي البوم صلاح الراشد اللي فيه شريط فديو وكاسيت ويتكلم عن قانون الجذب 14*21 فعلا راح تتغير حياتج ونظريتج للرجال 100%..
وموفقه ياقلبي والله يعوضج خييييير يااارب