النساة واللوعة اللي تصير قبلها ساعدوني

[Lady-_-fushia]

قوة بنات
شلونكم عساكم بخير
حابه استفسر من اللي عندهم خبره
الحين في الشهر الثاني ما اقدر اكل وللا شي من غير ماتلوع جبدي
غير الفاكهه و حليب كاكاو
اي يدام تلوع جبدي منه
الا ساعات فجاه اقدر اكل دياي و عقب ترد اللوعه
الحين ادري ان النساة بتصير بالشهر الثالث و يصير ترجيع و جذي
بس الحين انا خايفه هذا يعني شهرين و ما اقدر اكل شي
اكل باليوم مفرق اقل من وجبه وحده
و خايفه ان هالشي ممكن يكون مضر للبيبي
يعني انا اللي اعرفه اني لازم اكل زين عشان يتغذا و تتطور الاعضاء عدل
المهم
مادري شسوي حاسه باكتئاب و حالتي حاله مره جني البخت و عقب احس بضيقه و تعب
وحدي خايفه الحين اذا بقعد باول اهم شهرين في تكوين الجنين وانا ما اكل مثل الناس
شسوي!!!


في انواع اكل ماتسبب لوعه في وحده من اللي حملوا و مروا بهالشي قدروا يتغلبون على هالشعور
و ان في انواع اكل ماتسبب لوعه

اقدر اني بس اكل فاكهه و خضره و ان عالاقل بس تمر هالفتره على خير انا حيل خايفه مابي اضر الجنين
وماني قادره اكل شي من اللوعه و هذا وانا مادشيت النساة لي الحين


ابي اي شي يفيدني - نوع اكل ما يسبب لوعه - شغلات تشيل اللوعه انا جربت جوس العلج و رينيه مايسون شي عشان اقدر اكل بس تر وح اللوعه و اقطه عشان اكل ترد من اشم ريحه الاكل


والله ييسر حمال كل وحده فيكم ان شاء الله وولادتها

 

[c a t w o m a n]

الله يسهل عليج

عادي هالنساة لا بد منها أنا وايد تعبت بالنساة لله الحمد ما هديت إلا على حبوب أوندا مالت اللوعة جربت غيرها ما نفع

أنصحج فيها ممتازة


و هم ابتعدي عن الدهون والدسم وكثري فواكة والله يسهل عليج وعلى كل حامل يا رب

 

[Lady-_-fushia]

بسال عن الحبوب كات ومان مشكوره

بس يعني مادري شنو اقدر اكل مافيه دسم
وبيت حماي مايطبخون زين كله عيوش و يدام واليدام زفر
يعني حدي متوهقه مادري شسوي بروحي يا اروح بيت امي اكل و حتى ماقدر اكل يعني مثل الناس قفشتين و بس
ولا اطلب من مطعم وايد تعبت ابي اكل احس اني يوعانه بس ماقدر احط شي بحلجي

 

[sweeta77]

حبيبتي انا بعد بالشهر الثاني بس لوعه خفيفه وقاعده انطر الجاي......... الله يستر
انا الدكتوره عطتني حبوب حق اللوعه بس ما اخذتهم لاني قادره اتحمل

 

[sweeta77]

حبيبتي انا بعد بالشهر الثاني بس لوعه خفيفه وقاعده انطر الجاي......... الله يستر
انا الدكتوره عطتني حبوب حق اللوعه بس ما اخذتهم لاني قادره اتحمل
بس انا اللي اذكره ان لما كنت ادش الرابع ارتفع واصير احسن

 

[Lady-_-fushia]

sweeta77

انا اول حمله صراحه مادري
بس لان يعني الدرب طويل جدامي
ابي اعرف لما كان يصير فيكم جذي يعني عادي ماتاكلون اكثر من وجبه وحده باليوم؟
مايصير شي بالجنين؟

لان انا اوكي ممكن اتحمل حق نفسي
بس خايفه عالجنين عرفتي قصدي
يعني ضميري مانبني ابي اكل عشان اغذيه
وامي تقولي اكلي خفيف عالاقل 6 مرات باليوم
انا يعني اذا طلبت صمونه اكل نصها الظهر و نصها بالليل متاخر متى ماقدرت اكل
وهذي حالتي يعني متخيله تقريبا وجبه وحده باليوم و اخربط بالفواكهه شوي و قاعده اشرب حليب كاكاو وايد لان يروح لوعتي
يعني اليوم شربت 3 قواطي و بحاول اكملهم لاربع قواطي باليوم عشان الكالسيوم
بس احتاج اكل اكثر؟ عشان هالمرحله بس الحين ولا عادي هذا اللي بعرفه مايضر الجنين؟


حدي خايفه من هالشي انا اول شهر كانت شهيتي حيل مفتوحه زاد وزني وايد تقريبا كيلوين ونص
والحين قاعد ينزل احسه فبس ابي اعرف بهالفتره عادي اذا اكلت وجبه وحده باليوم؟؟

وبعدين اذا ارتفعت ان شاء الله اكيد بترد شهيتي وايد

 

[المكسيكيه]

بنات انا بالثاني احيانا اقعد الصبح احس بلوعه واستفرغ
شنو هذي بداية نساة؟؟

 

[Lady-_-fushia]

المكسيكية
اي اتوقع انها بدايه نساة
في ناس نساتهم طول الحمل و اهو اتوقع بهالفتره يبين اعراضه
ومادري هذا رايي بس ماعندي خبره بالموضوع
ان شاء الله يفيدونا البنات

 

[Lady-_-fushia]

شدعوا بنات محد يقدر يفيدني
اذا كليت شويه باليوم ممكن اضر الجنين في فتره النساة ولا عادي ؟

 

[انسام الكويت]

إذا يت على جذي كل شي يهون أنا كنت. أبجي وأرجع من النساة والله أبجي من كثر


ما أنا تعبانه كل ما احط شيء بحلجي علطول استفرغ وأرجع لدرجه ماقمت أكل إلا خفيف


عصير ونص توسته واطيح من التعب واروح الطبيب ويحظولي درب عشان تردلي عافتي وجم يوم


وارد نفس الموال لمن دشيت الخامس خفت النساة وبديت أكل وارتاح ترإ الأيام تمشي حبوبه


إنتي قسمي أكلج 6 وجبات خفيفه مثل توست وخبز وفواكه وحليب وتمر لمن تعدين النساة تألي يهون كل شيء

وموفقه والله يسهل عليج الحمل والولاده

 

[اجتياح الصمت]

رد : النساة واللوعة اللي تصير قبلها ساعدوني

اذا على ضرر البيبي جان الكل تضرر لان 70% من النساء يسحون بالنساة ان شاء اللة ماكو ضرر ع البيبي بس روحي الطبيب عشان يعطيج فيتامينات وحديد حق بداية تكوين البيبي
وان شاء اللة ماتشوفين شر يالغالية :eh_s(7):​

 

[om_saleem]

شربي ماي زموته .. وحليب بارد .. وخيار .. وفي حبوب حق لوعة الجبد انا شريتهم من الحين لان اخاف تبلش نساتي واتوهق .. كوني جربت النساة من قبل ومابي اجربها مره ثانيه ..

وفي علج خاص حق لوعة الجبد اشتريهم من الصيدليه .. الحبه قبل النوم والعلج طول اليوم علجي ..

وبعدين الحمدلله تشربين حليب وتاكلين فواكه .. اساسا اللحم ومنتجاته تسوي زلال يعني خففي منه .. وياتلج فرصه لي عندج ..

الله يتمم لج حملج ويسهل ولادتج بامر ربج .. امين

 

[*peace*]

انا العن منج بعد

ماراحت عني اللوعه الا لمن طلعت من غرفة الولاده تذكرت شنو شعور الوحده لمن ماتلوع جبدها هههههههههه

اكلت تبن بحمالي النساة شقتني شق

اهم شي لاتجوعين

اكلي كل نص ساعه بسكوت ساده او شابورا او خبزه لانها تخفف اللوعه

اذا جعتي تلوع جبدج ترى

لاتحاتين صج ان موزين انج موقاعده تتغذين

بس انا ماطب حلجي الحليب كللللش ولا اي اكل مفيد والحمدلله طلعت بنتي زينه ووزنها حلو الحمدلله

الله يعينج يارب

 

[متيمه بهواه]

رد : رد: النساة واللوعة اللي تصير قبلها ساعدوني

من جد الله يكون بعونج يارب

انا وحامي خفيف ولله الحمد

ان شاء الله البنات يفيدونج

 

[Lady-_-fushia]

انسام الكويت

ويه الحمدلله انا وايد اهون وان شاء الله كله اجر للحوامل
مشكورة حبيبتي انا بحاول اكل تمر ماحبه وامي تحن تقولي اكله
الله يسلمج و يحققلج مرادج شاء الله مشكورة عالدعوه الحلوة

 

[Lady-_-fushia]

اجتياح الصمت

الحمدلله اشوا انا هذا اللي احاتيه ان اللي اعرفه بهالاشهر يتكون الطفل ويحتاج يتغذا
والشر ماااييج يارب بشوف بروح بموعدي الياي اسال الدكتوره عن الاضافات اللي اخذها انا اخذ فولك اسيد
مشكورة على ردج حبيبتي

 

[Lady-_-fushia]

om_saleem

ان شاء الله حبيبتي مشكورة الحين قاعده اسجل كل شغله تقولولي عليها

الله يثبتلج حملج انتي بعد ويسهل عليج النساة والولادة يارب

 

[Lady-_-fushia]

*peace*

يدتي صار فيها جذي قبل بحمالها كله تتنسى وترجيع و بنت عمي بعد
الله يستر ان شاء الله ما اطلع انا بعد جذي
الحمدلله بنتج الله يخليها لج طلعت زينه حمدلله

 

[Lady-_-fushia]

حلو البنات

مشكورة حبيبتي عالدعوه و المرور
الله يسهل عليج ان شاء الله و على كل الحوامل

 

[om MaRyooM]

ميخالف يمعوده قولي الحمدللللله في ناس نساتهم كله بالمستشفى


رفيجتي تخيلي من كثر الترجيييع وقوته المشيمشة نزلت ولازم اول اربع اشهر كله منسدحة وترفع ريولها وماتجهد نفسها



بس انا مثل حالتج محتارة شسوي بعمري

بدت معاي النساة من اوول ماحللت والحين كله بالفراش واخاف من اي شي اكله


اليوم كليت سلطو فواكه لاحظت اني ارتحت شوي من اللوعة

والخيار زييين

وتلماي شربيه على دفعات لان اذا شربتي كمية بنفس اللحظة بترجعين

والحليب اخذي الفرش الي مدته بو ثلاث ايام عشان مايكون مبستر نفس طويل الامد واقيدلج اصلا


والروب حسبالي زين بس اخذه عقبها بربع ساعة تشب اللوعة


بسكوت تك المالح ياااي رهيب كل شوي اكليلج وحده وايد وايد يهدي مستحيل استغني عنه

المقالي والوجبات والككاو وخري عنهم
لان مامنهم فايدة واييبون الحارج واللوعة اصلا


اذا عندج خدامة وخايفة من اكل حمولتج لايثقل عليج خليها تسويلج خضار بالفرن ودياي بالفرن او ييبي دياي مشوي

يعني هالنوع من الاكل لا دهن ولاعمات عين ومفيد بنفس الوقت



وووووسلامتج