النسخه الثانيه لتفسير الاحلام حياكم كلكم اهنيه

[Velvet Girl]

ولكم باك دلع

حلمت دلع اني كنت لابسه بدله يديده وكنت وايد مستانسه اني لابستها
حتى من كثر ما استانست على شكلي فيها وقفت نفس وقفت عارضات الازياء يوم يوقفون


من مواليد ٩٠ ، عمري ٢١ ، عازبه ، طالبه ​

 

[.]

عودا حميدا ..

قبل اقل من شهر حلمت انه خاطبيني لولد عمي اسمه عبدالعزير رعمره ٢٢ اصغر مني بجريب ٣ سنين المهم ماكنت مقتنعه بس كملت وشريت النفنوف ابيض شفته معالق جدامي عقب قلت لاختي مابيه بس مستحيه اقول وبعد جم اهما يوم يو قالوا فركشنا السالفه حدي انقهرت وبجييت وبعدين اختي الكبير يت وقعدت اتشكي لها بس جنه ماكانت مهتهم بعدين كنت بنفس اليمعه ياينها خوالي وبنات عمي وكنت اكل فيها تمر حتي كليت وايد وعطيت منها لخالتي وتميت اتشكي لهم وابجي , وعطيته لخالتي لانه كانت تبي تخش هدية بشي ماتبي بنتها تشوفها فخشت الهديه وعطتها لبنت عمي واذكر اذا ماخب ظني يدتي الله يرحمها كانت تقول اكل تمر لانه ماينحط فيه سحر شي جذي ..

ولاحظت شي من سنين كله احلم انه معاي شخص اسمه عبدالعزيز سوا ريل ولا زميل اكثر من 3 مرات :\

انا بنت مو متزوجه عمري 25 وخالتي مطلقه وعقب فوق ال20 سنه ردت لريلها و بنت عمي هم مطلقه واهي مثل خالتي ماطولوا بزواجهم ع طول حملوا وعقب الولاده تطلقوا وكلهم عندهم بنت 1 بس ..

بس بنت عمي عمرها 29 سنه وخالتي فوق 50 ..

 

[.¸¸۝❝الثـــريــا❝۝¸¸.]

يعطيك العافيه يا الغاليه ،.،

ومنورة القسم بوجودك ،.،



اتمنى تفسرين لي هالحلم ،.،


انا حلمت ان خصله عريضه من شعري طاحت ومسكتها بايدي ورفعتها لشعري ولميته كله وحطيت شباصه تثبته .


وبس ...



/


​

 

[زهره الجلنار]

الحمدلله على سلامتج ونورتي المنتدى حبيبتي

 

[دلع العتبان]

السلام عليكم اختي والله تحبك في الله ومن المتابعين للك أنا متزوجه وعندي ثلاث بنات ولله الحمد والمنه ربة منزل افكر بالحمل حلمت بنت عمي فيني قبل يمكن ٤ اشهر اني تزوجت وانهم هي وأهلي جايين يستقبلوني بالطار جايه من شهر العسل وابوي كان يقول لي بالحلم ليه تتزوجي وبنتك صغيره.


هلابج حبيبتي الزواج مسؤؤليه والمطار تغيير حال مؤقت الي هوه حمالج وبنتك صغيره بالقصد حمالج جا على بنتج مبجر والله اعلم وادرى


والحلم الثاني حلم زوجي قبل يمكن ١١ شهر وقتها كنت حامل لبنتي الثالثه بالشهر التاسع انه اشترا من شخص يبيع بالبر غنم بسياره اشترا منه خروف كبير حدا يقول طوله مترين واكثر وكان لونه ابيض و اسه احمر واشتراه ٢٥٠ ريال وكان مستغرب بالمنام كبر حجمه ورخص ثمنه


الله اعلم راح تحملين بولد والله يوفقج والله اعلم رخص ثمنه جاج بسهالات ان شاء الله


حلمي الثالث الله يعطيك العافيه قبل شهر حامت اني كأني بمنا الجامعه واني دخلت علا احد الدكاتره الي يدرسوا بالجامعه وكنت أحاول اتحرش فيه واغازله وهو كان فرحان بس خائف احد يكشفه فكان يتمنع شوي بعدين رن جرس الهاتف ورد قال الاداره تبغاك قلت له وفي نفسي انهم كشفوني لو يسالو ليه أنا عندك قول تسال عن الماده وقال طيب وخرجت وانا خائفه اتهرب من الاداره واتخبا منهم بعدين شفت نفسي بغرفه غريبه اصلي صلاة. وفي شي مهم الدكتور الي بالحلم اتحرش فيه هو بالواقع ممثل ما ادري كويتي اوبحريني اسمه صلاح الملا انتهت وويااااارب بهذي الساعه المبااااركه يرزقكي ماتتمني بالدنيا والاخره واللهم صلي علا محمد

صلاح حالج حبيبتي الزوجيه والله اعلم والصلاه طلب منج لله عسى الله يوفقج وييسر امورج اللهم امين والله اعلم

مسموحه اختي

حلمت ان امي ولدت ولد اصغير توه مولود ولابس كله ابيض وكنت فرحانه
فيه واااااايد وكنت شايلته بين ايديني وماخلي احد يقربله
امي جبيره وانا حامل

الولد بشاره لكم والله اعلم وادرى

السلام

اختي انا حلمت ان بنتي اللي عمرها 3 سنين اتولد وكانت منسدحه على سريري وكنت انا واختي اللي اصغر مني قاعدين عندها واهيا منسدحه لا تتالم ولا شي ولا اذكر اني ما دقيت على الدكتوره جان ادق على دكتوره ولما سديته قلت ياليتني داقه من زمان الحين بتولد والدكتوره ما راح تلحق وانا بالحلم حيييل خايفه ومتضايقه على بنتي وبعدين نزلت من الدرج على اساس اني بنطر الدكتوره من كثر ما احاتي بنزل تحت وانطرها وما امداني انزل من الدرج ولا اسمع صوت صيحة اللي خلاص طلع البيبي واصعد ولا اشوف اختي وخدامتنا مطلعين البيبي من بنتي مع ان بالحلم ان بنتي بس ما شفت شكلها عدل بالحلم وانا اقعد ابجي من الفرحه واحضن بنتي واقول في نفسي الحمدالله ولدت بسرعه وافتكت ولا اختي تقولي شوفي جابت بنت ولا اطالع في عضو البيبي ولا صج بنت ورجعت احضن بنتي وانا ابجي من الفرحه


اتمنى انج تفسرين لي

الولاده فرج لاختج كبير ويجيها بسهاله والله اعلم وادرى والبجي فرح والحضن امان نفسي لكم والله اعلم والعضو فرج كبير والبنت حياه جديده والله اعلم

ياهلا باللي نوووووووووووور القسم بوجوده​

تحلمت بإن كأني بصاله افراح كبيرها وفيها طاولات وفيهن دفايات قهوه وشاي وكيكات ....ورحت انا وقعدت بالجهه اللي مقابله للجهه الثانيه ..وشفت وحده من صديقاتي..وبنفس النومه والحلم بإنا كنا بننقل للشرقيه سنه واختي اللي اكبر مني بكت وانا بعدها حطيت يدي على جبهتي وكأني بكيت وكنت اقول خلاص ذاك المره آآآآآآآآآآخر مره اشوف ((اسم مجمع سوق عندنا بالسعوديه)) ​

وانتهى الحلم على كذا ​

الكيك عرس معروف والجاي والقهوه عرس والبجي فرح واخر مره انتقال لهم وتغيير بحياتهم والله اعلم

###################################################​

الحلم الثاني ::::::حلمت بإن عمي المتوفى قبل 12سنه قبل اسبوعه بإن محكوم عليه بالقصاص وكنت اقول يارب تفرج له ,,,وانتهى الحلم ,,,والواقع هو توفى بالحكم عليه...​

ادفعوله ديه او صدقه والله اعلم وبالاحرى اسالي شيخ في هالشي والله اعلم

هلاااااااااااااااا واالله منوررررره

حلمت ان امي وخواتي عندهم شنطه سفر يحطون فيها اغراض وحلويات وكاكاو وشغلات جديده وكانهم بيعطونها احد المهم ولقيت امي حاطه شنطتي الشخصيه الي حاليا استخدمها بالشنطه وقلت لها لا ابيها شريته ب 196
وكاني اقول لامي لاتاخذينها حقتي وتو جديده وخلص الحلم

زواج والله اعلم وادرى

السلام عليكم والرحمه

ابغى تفسير حلم صديقتي
صديقتي تحلمت ان اهلها يدفنونها بالقبر ومعها مريول الثانوي البني
اهي تقول اتوقع بالحلم ان اهلي يشرونلي مريول الثانوي عشان البسه وانا اموت وماالبسه ويدفنون المريول معي مع العلم ان صديقتي بثالث متوسط وبس تنجح السنه هاذي تروح لاول ثانوي رجاء فسرولي الحلم

الموت توفيق وجايز زواج لها والله اعلم

انا حلمت اني مغيرة السرير حقي واستبدلتة بسرير كبير حيل وحلو شكلة كثير الغطا ابيض وفيه نقشات حلوة وشريت هالسرير ب 16000

وابغى اعرف تفسير هالحلم ؟

الحمد لله ملتزمة نوعا ما
عزباء

زواج لج قريب والله اعلم

وعليكم السلام .. وصباح الوورد أختي دلع ماقصرتي على فتح موضوع رقم 2
في ميزان حسناتج والله يحقق مرادج ..

حلمت اني مع سعاد (للعلم حرمه كبيره ) في محل وهي كانت تحاسب ونقصتها فلووس وطلبت مني 100 وكان عندي 150 قلتلها عندي 50 بس لان كنت محتاجه ال100

سعاد من سعاده الشي والله اعلم الفلوس الي تصرفينها مهرج والله يوفقج والله اعلم

 

[دلع العتبان]

نورتي يادلع والله فقدتك مرررررره بس قلت يمكن ظروف وانتظرت طلتك ودخلت ملفك قبل كم يوم بس ماقدرت ارسل لك
اهم شي اني شفت انك متواجده وتطمنت والله
المهم اني حبيت اتطمن عليك وخليك معانا ماراح نغثك بأحلامنا مره ثاني يالغلا
وآسفه ادري مو مكان هاللرساله هنا بس اعذريني

حبيبه قلبي تسلميلي ياحياتي دعواتج لي حياتي وعساج على القوه ومشكوره على السؤال :eh_s(17):

يا رين هالطله منوره المنتدي بقوة فاقدناج والله

اول شي تعجبني تفسيرج وكله تجي صح
حلمي الاول
السلام عليكم ورحمته الله وبركاته

حلمت اني انا ورفيجاتي المتزوجات والي مو متزوجات جالسين بيت جديد ماني عارفة منو بيته هذا وكان معانا اطفال بعد
مطشرين بالبيت كنت انا ورفيجاتي ناخذ فره علي البيت واشوف البنات والاطفال يطلعون من باب الخروج انا اقولهم مافي باب خروج شلون طلعتوا قالوا امبلا فيه بس ضيق حيل الباب اما انا ما اقدر اطلع منه كنت اطلع من باب المطبخ وشفت البيت من برا كان عمارة كبيرة واهو عبارة عن شقة ارضية والاطفال اللي كانوا داخل البيت يلعبون برا

شكله عندكم ظروف شوي والفرج قريب ان شاء الله والله اعلم



الحلم الثاني حلمت ان بالمدرسة دخلت الابلة قلتلها ابلة ابي الحمام قالت اوكي بس تهاني روحي معاها تهاني وحده تدرس معاي ايام الثانوي كنت مصدمة شمعنه تهاني تروح معاي كملنا نمشي انا وياها مرت ابلة كانت تدرسني بالمتوسطة اسمها حنان سلمت عليها ردت علي هلا بنفس شينة كملنا نمشي انا. وتهاني اسلتني تهاني انتي من عايلة المخلد قلتلها لا انا اصلي اظنج تعرفينه قالت شكلج وملامحج وطول شعرج من عايلة المخلد مستغربة ليش تقول اني من المخلد وصلنا الحمام دخلت وطلعت وكملنا مشي وصلنا الصف قالت تهاني ما نبي تدش الصف قلت راح تشتكي علينا قالت خليها تولي وبس هذا الحلم



للعلم مو متزوجة عمري 22 صج وايد انخطب بس ما صار نصيب


حلم امي حلمت ان ان خالتي ومرت عمي وام مرت عمي يشربون من ماي البرداه مالتنا ويقولون مايكم حلو كل شوي جايه وحده تشرب وتقول يا حلو مايكم

الحلم الثاني راح تتزوجين من عايله المخلد والله اعلم وادرى والله يوفقج
الحلم الاخير الماي سمعتكم الحلوه او حياتكم الحلوه والناس منبهره فيها والله اعلم

الحمدلله على السلامه

نورتي المنتدى

أنا حلمت أن بنت اختي الصغيره عمرها سنتين او ثلاث تهز نخله بس لأنها صغيرها ماقدرت عليها ورحت انا واخذت النخله عنها وهزيتها وتساقط رطب كثير ,, شنو التفسير

يسلمج ربي
النخله رجل صالح حافظ القران وبشاره لكم بعد بعد التمر رزق واسع راح يجيكم والله اعلم

فسريه الله يرضى عليك

على لسان امي
حلمت انا صديقة كلمتني بالتلفون وكانت تبكي بس ماتكلمت وبعدين نصحتهآ
بقراة سورة البقرة يوميا وقلت لها ان لايفترض قراتها كل يوم في نفس الوقت

وفلت لها اقريها صباحا اوظهرا او اي وقت اخر

انتهى قمت من النوم

مع العلم انا امرآة متزوجة
واقرا سورة البقرة يوميا

واصلي بقراءتها حبيبتي عين والله اعلم

السلام عليكم ورحمة الله وبركاته
هلا وغلا بدلوعتنا هلا بك
الله يجزاك خير أختي
ابيك تفسيره لي رؤيتين الله يجزاك خير

الرؤيا الأولى رأيتها انا : و هي رأيت دخلت بيتنا القديم و معـــي بنتين من بنات عمي و كأني باغتسل حتى ألبس

الفستان و بنات عمي كأنهم يقولون أنه ما في دولابنا ( كبتنا ) فستان أو فساتين ما ادري بالضبط شنو قالوا ، ثم بعدها

شفت نفسي لابسه كعب عالي لونه بيج في رجلي اليمين و أقول أول مره ألبسه و كأني أطالع في نفسي وأنا أمشي فيه

انا بالواقع ما أحب البس الكعب العالي . بنات عمي غير متزوجات اللي كانوا معـــي الرؤيا .


زواج لج من رجل غريب وغني والله اعلم

الرؤيا الثانيه لبنت أختي رأتها فيني : رأت أنها كانت نائمه ثم دخل أخويه اللي هو خالها و جلس وسمعته قال لي

واحد من أصحابي تقدم لك تقول ماني متأكده من اسمه خالد أو عبدالله و هل قال مهندس أو دكتور ، و تقول أخويه

الصغير اللي هو خالها جالس وأمي انا يافوفو جالسه و تقول شفتك تمشطي شعرك و ابتسمت ثم قلت اشوف أمي و

أمي ما قالت شيء ، ثم انا يافوفو جيت عندها و قلت لها قومي أبي أخذ رايك بموضوع و هي تقول قلت في نفسي

تحسبني ما سمعت . كانت مو نائمه بالرؤيا و إلا لم تكن لتسمع و إحنا بالرؤيا نحسبها نائمه .


فتاه عمري 28 سنه غير موظفة وغير متزوجه

و جزاك الله خير
*

حديث نفس والله اعلم وادرى

هلا والله دلع الحمدلله ع السلامه فقدناج
كنت ناااطرتج نطرررره ههههه

حلمت احلام ورا بعض بس هذا اللي اتذكره عدل .. حلمت اني شفت وحده ماسكه بدله نفنوف حيل حلو وراقي وخامته تلمع ( وقصير وضيج ) لما شفته تذكرت انه عندي مثلها جان اروح حق كبتي بغرفتي ببيتنا القديم ( حالياً احنا ساكنين ببيت جديد من 7 سنوات ) واختي اللي اكبر مني كانت قاعده جان اقول : اوف ملل جان ابطل الكبت والقى البدله نفسها بس اللون احلااا واستااانست لما شفتها وطلعتها ووريتها اختي قلت : هذي بدله ولا مره لبستها تهبل تهبل وغاليه مو رخيصه ( جان اطالع ورقة السعر مكتوب 47 ) وقلت لأختي : ب 50 ، 47 يعني 50 وأرد اطالع بدلتي واقول : هي لمعتها فضيه ذهبيه او نحاسيه حتى امي قالتلي وبتشتري عليها شي تحتها بهالالوان ..
واختي بالحلم جنه مو عاجبتها البدله وشايفتها عاديه أو جنها مالها خلق لي كلللش ( وكانت البدله قصيره حيل وماعلقت كلش مع انه مستحيل نلبس قصير جذي جدام الناس ) .. وبس

زوج لج راح يكون صالح والله اعلم وادرى ربي يوفقج


حلمت اني كنت بمكان مفتوح ومكشوف يعني مثل شارع او شي جذي ، وكانت اختي الكبيره (( بالواقع متزوجه عندها ولد وحامل )) واقفين معاي هي وبنت خالتي (( بالواقع بعد متزوجه وعندها بنتين وحامل )) ، وكنت انا لابسه بدله عروس بيضا وحاطه مكياج بس ماركزت اذا كان كثيف او خفيف ، وبنت خالتي تقولي يلا يلا امشي اسوي شعرج واسرحه بتسريحه وتجرني من ايدي بشويش وانا ابجي بجي خفيييف حيل وخانقتني العبره واقولهم وانا ابجي شوي وادمع : حق ثامر انزين تكفون تكفين فلانه تكفين فلانه ( اقول اسم اختي ) حق ثامر مو واحد ثاني وانا محروقه وابجي خفيف ( اقصد بالحلم يعني زفوني لثامر مو غيره ) ،، وبنت خالتي تبيني اصعد معاها مثل الدرج بتص المكان عشان تسوي شعري وكانت مستعجله وراحت سبقتني فوق وجتني اختي تقولي يلا يلا بسرعه اصعدي واقولها تكفين تكفين فلانه حق فلان انزين تكفون واختي تقولي انزين ان شا الله شفيج يلا امشي وتطمنت ورحت معاها ..

انا طالبه جامعيه عزباء ، ثامر شخص بالحقيقه موجود .. وبس وجزاج الله خير والله يوفقج ويسعدج

حديث نفس والله اعلم

السلام عليكم

اانا حلمت اليوم بصديقتي انها تسوي لي حفلة بالبيت اللي كنا ساكنين فيه وكانها فرحانة فيني وتهنيني وتقول فلانة الف مبروك

وقامت تمد السفرة وفيها انواع واشكال من الوجبات ايدامات ورز وكلشي وسمبوسة وفضلتني على الاكل



وانتهى الحلم



انا 28 سنة غير متزوجة محافظة على الصلاة موظفة وصديقتي توها عروس

زوج لج من طرف رفيجتج والله اعلم وادرى

انا غير متزوجة
حلمت اني راكبه سيارة مع ابوي واختي ، وزوج خالتي اهو اللي يسوق السيارة وصعدنا بالسيارة على جبل كله وروود جميله والجبل فيه فندق راقي ورجال امن الفندق من الجنسية اللبنانية

اختي اسمها نورة - رجل خالتي اسمه سيد
ابوي اسمه ( مميز وغريب اذا ذكرته راح انعرف )

الورد عرس والله اعلم والله يوفقج والجبل تعب والله اعلم

يعطيج العافيه اخت دلع العتبان

حلمت اني صاعده لغرفة امي وابوي وشفت رجال ابيض شعره طويل
شكله اجنبي ، يخزني كان واقف عند علاقة الملابس
خفت منه ونزلت تحت لابوي خايفه وقلت له كأني شفت جني بغرفتكم.

انا موظفه ، وغير متزوجة، الحمدلله محافظة على صلاتي*

من الشيطان والله اعلم

السلام عليكم ورحمه الله وبركاته
الله يجزاج خير ع الموضوع
ما قصررتي


انا بقوول حلم امي

حلمت ان اباوي بنى بركه ماي وامي تضايقت قالت لها احنا عندنا براد ببيتنا ليش تبني
قالها لا هذا الذ واطيب عاد جت بنت جيرانا صغيره عمرها 5 سنوات وطاحت فيه ومااتت
وللعلم هالبنت وحيده امها من البنات

والحلم الثاني

تحلمت امي فيني ان وحده من بنات الصباح مرافجتني
وجايه لبيتنا وطالبتني
واخوي قعد امي من هالحلم
بس
والله يعطيج العاااافيه

الحلم الاول موت البنت زواجها
الحلم الثاني مرافقتج حظج ان شاء الله بيقوم والله اعلم

يَ هلا نور القسم حبيبتي :eh_s(7):


صديقتي حلمت فيني: كنا في المدرسه وانا قلت لها ولكل البنات يعني اني بروح وبترككم وماراح ارجع مره ثانيه بس هي ماتذكر وين كنت بروح يمكن لسفر او شي جذي.. فزعلوا بنات صفنا وهي صارت تبكي وراحت البيت وقعدت تبكي حيل وكان يوم اربعاء.. فلما صار يوم الخميس راحت صديقتي المدرسه وماكان فيه بنات كثار بس جمن بنت هناك والمدرسه هااديه.. وانا ما كنت موجوده والجو كئيب ..وانتهى الحلم ..

وعندي سؤال: مثلا لو كان في الحقيقه مطر وحلمت انه فيه مطر غزير يخر وينزل من السقف تعتبر اضغاث احلام ولا لا؟؟

وجزاك الله خير...

الحلم الاول حديث نفس حبيبتي
وهلافيج
المطر اثغاث والله اعلم

السلام عليكم

مرحباا دلع حياتي اشتقناالج والله

حلمت اني راكبه اصنصير (( مصعد )) انا معاي ولدي وكان الاصنصير شفاف نشوف الي برى

وكنت قاعده انا وولدي داخله وحاطه ولدي بحضني وكان ينزل فينا الاصنصير بس بنات انا وولدي

كنا حيييل مستانسين تعرفون اللعبه الي طلقه الدبوس الي يصعد حييييل بعدين تنزل سريعه وبطئ

تعرفون شعورهاا؟؟ نفس الشئ انا وولدي كنا ننزل بالاصنصير ونشوف السماء كان بالليل وكنا مستانسين ...........

المصعد حياتكم والله اعلم وادرى شفاف انتي الامور واضحه عندج والله اعلم
--------------------------------------------------------------

الحلم الثاني شفت امي وبنت خالتي يحشون فيني وانا كنت حييل متنرفزه منهم وكنت اقولهم حراام الحشد

وكنت شاليه معاي بنت صغيره مولوده كانها بنتي بس انا ماعندي بنت بالصج

البنت حياه جديده لج والله اعلم وادرى
----------------------------------------------------------

الحلم الثالث >>>> شفت وحدة اعرفها توها متزوجة حلمت فيها انها فصخت عباتها وكانت عباتها حييييل شفافه


قطتها وكانت حااطه مكياااج بوجهها وكانت تمشي صوبي وتحااول تخزني بس انا كنت مغطيه وجهي عنها مابيها تعرفني (( هذه المراة سبب طلاقي من زوجي ))

-----------------------------------------------------------
معلوماتي مطلقه وعندي ولد ويوميا اقرا سورة البقرة والحمدلله

الله اعلم راح تتطلق هالمره والله اعلم ربي يوفقج

هلا والله باختي دلع الحمدلله على السلامه وحشتينا حلمي حلمته قبل كم يوم اني حلمت اروح البنك وكان موجود موضف جميل جدا وابيض جماله تبارك الرحمن حيل جميل طلبت منه اخذ قرض وكان التسديد بالف ونص بس كنت خايفه ماقدر اسدد وكاني اخذت راي ابوي ووافق الحمدلله وطمني قالي اخذي القرض وبنفس اليوم حلمت اني بغرفه ببيت مو بيتنا غرفه كبيرة وواسعه غرفه نوم وانا لابسه جلابيه بيضه فخمه وشعري كان اسود وحلووو وكنت واقفه جنب التسريحه واطالع روحي بالمرايه ومرتاحه وكاني واثقه من نغسي قاعده اقول ماعلي من اللي يقول اني مو حلوه انا حلوه وواثقه من نفسي طبعها كلهم الصبح حلمتهم طبعا انا مو متزوجه ولا موضفه ومحافضه على الصلاه وابوي متوفي الله يرحمه وعمري 25 ويسلمووو خيتووو

حبيبتي تسلمين
الموظف حظج حبيبتي والله اعلم قريب بيجيج نصيب والله اعلم

الحمد لله ع سلامتك ..والله يسهلك اموورك

..( دائما احلم باني انا ووزوجه خالي وبنتها في محلات فخخخمه وندور فساتين
وماشوف الا فساتين سودا وفيها فضي .. كأن المحل كله مافيه الا فساتين سوداء!!
بس كنت مبسوووطه
وباقي الاحلام عااادي .. بس نفس الشي ادور فساتيين وانا معهمم)

(هالحرمه تبييني لولدهآ .. وانا مووو موافقه .. ياليت اعرف تفسير هالحلم )

واضح الحلم خطبات لج ماتتم والله اعلم