النقـــــــــاب ممنـــــــــوع بالكويــــــــــت اثناء القيــاده ...!!

[دلوعه ناعمه]

مساء الخير ..

بناااااااااات انا مو مصدقه صج النقاب صار ممنوع بالكويت ...؟؟

انا ريلي يشتغل بالمرور وقالي ان اليوم يت وحده بتدفع مخالفه قيمتها 5 دنانير وسبب المخالفه ارتداء النقاب اثناء قياده السياره ..!

اوكي في وااايد بنااات منقبات موظفات وطالبات وحتى رباات بيوت ويسوقون سياره شلووون يعني يفصخون النقاب عشان يحق لهم يسوقون؟ ولا كل وحده اتحط لها سايق؟

والله مستغربه حدي شلون دوله عربيه خليجيه مسلمه تقر مثل هالقرار ويوووم فرنسا هالدوله الاوربيه الكافره منعت النقاب قومو الدنيا :eh_s(4):

 

[Velvet-RoseQ8]

مادري غريبه أول مره أسمع
؟؟؟؟؟؟
ذاك اليوم كان في تفتيش و ماخالف أمي عادي
وبعدين مستحيل يمنعون النقاب والله مايخلونهم مجلس الامه

 

[bent mahoma]

مستحيل يصير هالشي ليش وين قاعدين حشى :eh_s(10):
​

 

[a7la-banoota]

شكوو
مستحيل يمنعونه
نص اللي يسوقون منقبات
انا اول مره اسمع هالقرار

 

[الدره الصافي]

راح صدمكم

موجود قانون يمنع منقبات عن قياده للسياره

بس محد يطبقه.اذا وحد طبقه عادي حالها حال اي مخالفه*

 

[نسكافيه بالحليب]

هالقرار موجود من زمان بس مو قاعد يتطبق بحزم يعني ساعات يخالفون المنقبه وساعات يطوفونها

وهالقرار وضع من الأساس لمنع امور التخفي والتستر وغيرها اللي يقومون فيها بعض الاشخاص واللي يمكن يكونون مطلوبين مو القصد منه التحرر

 

[مــ_ــا مــ_ــي]

انا منقبه ومد قالي شي ولا احد يقدر يقول شي .. ان قالو النقاب ممنوع البس بوشيه واسوق ههههههههههههههههههههههههههه

 

[دلوعه ناعمه]

مـــ_ــــامــــــ_ـــي لوووووووووووووول حدج خطيييييييييييره

 

[دلوعه ناعمه]

هالقرار موجود من زمان بس مو قاعد يتطبق بحزم يعني ساعات يخالفون المنقبه وساعات يطوفونها

وهالقرار وضع من الأساس لمنع امور التخفي والتستر وغيرها اللي يقومون فيها بعض الاشخاص واللي يمكن يكونون مطلوبين مو القصد منه التحرر

اي عدل هذا الحجي اللي قاله لي ريلي وانا استغربت منه معقووول صج لاني اليوووم اول مره ادري عن هالقرااااااااار بس ريلي قالي اشدعوووه راح يطبقووونه اكيد محد بيرد عليهم

 

[احساس ملكه]

انا الى قريته قبل فتره ان فى عضو من اعضاء مجلس الامه حسبى الله عليه خاطب اداره المرور عشان تفعل هالقرار والظاهر وزاره الفساد الداخليه استانست على هالشى

صج بنات ترى مو شرط يخالفون المنقبه مباشره عندهم المخالفات الغير مباشره تنصدمين لى تبين تسوين معامله بالمرور انه عليج مخالفات مادرى من وين طاالعه والظاهر هى نفسها للنقاب

 

[فلنتينو]

عشان اعضاء مجلس الامه يقومونها ومايقعدونها
مستحيييل

 

[am_kshaa]

هذا قانون قدييييييييييييييييييييييييم طبقو بعد الغزو لما صارت فى جرايم وايد وكل من لصقها بالمنقبات بس القانون مومفعل

 

[يرخصلك كل غالي]

سمعت بالتدريب ممنوع

اذا صج حسبي الله ونعم الوووكيل صرنا ايران الثانيه

الحمدالله والشكر بس

 

[ام خالد 78]

هالقرار موجود من زمان لكن مايطبقونه اغلب الشرطه

 

[ساندريلا]

رفيجتي منقبه وتسوق عمرها ماخالفوها
لا يبا لايمكن يتطبق بالكويت ماتوصل لهدرجه
يمكن كقانون موجود بس مايتطبق واذا واحد طبقاه بصراحه يا لعانه يا انه بغى يتحرش فيها وماعطته ويه ههه

 

[ScarletteO'Hara]

امبلا انا سامعة بهذا القانون من بعد الغزو مباشرة
بس ما اشوفهم يطبقونه الحين
بالعكس وايد منقبات يسوقون سيايير

 

[شارليز ثيرون]

امبلا انا اختي لما جت تبي تدفع مخالفاتها لقت عليها مخالفة عالنقاب بس مو دايم يطبقونها

 

[Googleya]

القرار موجود بس مو مفعل لأن اخوانا بالمرور عسى الله يخليهم لأهلهم مايبون يحرجون المنقبه
فديتهم والله
أما بالنسبة للقرار ياليت والله يتكنسل ماله اي فايده

 

[::كيك وعسل::]

يااا خرطي !!!

 

[فديت منورة]

اي فيه مخالفة نقاب بس محد مطبقها