الهارد الديسك ( الكيس)

[العمر]

أبي أشترى هارد الديسك ( الكيس) لاستعمال الشخصي وليس لابتوب شنو أحس شئ ومن وين أشترى و شنو أحط برامج

بنات أنا حدي محتاج لا تطنشون ردوا علي ضروري

 

[موزة ام فارس]

حبيبتي روحي يوريكا انا شايفة عندهم اجهزة دسك توب زينة

ومن الأفضل بعد انج تقولين لهم عن احتياجاتج للكمبيوتر شنو اهي
علشان ينصحونج بالبرامج وينزلونها لج او انتي بنفسج تنزلينها بعد

الكيس خليه يكون نوعية زينة
وابتعدي عن الايسر
اما الملحقات من شاشة والماوس فعادي يكون ايسر

ويفضل تكون الشاشة LCD 19




الغانم بعدي عنه وخليه قد ماتقدرين



والله يوفقج

 

[عالي مستواها]

تقصدين تبين تجميع ؟ يعني تشترين كل قطعة بروح وتركبينها كيس ومذر بورد وهاردسك ورام جذي يعني

هو يعتمد على استخدامج للكمبيوتر شنو تبين له " تصميم " مثلا ً وملتميديا .. وخبرتج فيها لانه تصميم بسيط مثل الفوتوشوب والفلاش غير برامج التصميم البروفيشنل مثل الـ 3d max ... ولا تبينه " تصفح مواقع " وشغل مكتبي بسيط .. أو حق ألعاب وعرض أفلام وهني لازم تراعين أمور مثل حجم الرام ونوع كرت الشاشة يكون قوي وحجم الهارد ديسك وسعته

يعتمد على أمور كثيرة .. استخدامج ومستواج بالكمبيوتر أيضــًا أمكانتج المادية

ما نصحج تجمعين بنفسج إلا إذا عندج خبرة لانه مرات تختارين قطع حلوة بروفيشنل بعدين تنصدمين قطعة ما تركب على الثانية ما تتوافق معاها .. او تأثر على حرارة الجهاز فيبيله واحد شاطر يقوس الحرارة ماتوصل لمت معين عشان ما تاثر على القطع فيقصر عمرها الإفتراضي

هذا بشكل مبسط

إذا تبين تجمعين تقدرين تروحين لواحد خبرة وتخلينه يجمع لج على شطارته بس ما انصحج لانه استغلاليين فالأحسن تشترين شي جاهز إذا مالج خبرة حيل بهالسوالف لانه محلات الكمبيوتر بالذات صارت تجارة إذا شافوج ما تعرفين ينصبون عليج .. قليل ما تلقين واحد له ذمة

اني وي موفقه .. وقولي لي شيصير معاج