الهايد بارك وجوله من تصويري ..

[اوركيدا]

جولة فالهايد بارك

للي مازار لندن ويتسائل شلون شكل هالحديقه اللي كل سياح لندن يتكلمون عنها
للى راح لندن ووده يسترجع الذكريات
حاولت بهذي الصور اني انقلكم في جوله لقلب الهايد بارك

اولا
اذا كنت في Oxford Street
وانهكك السوق
او بدت المحلات تسكر ابوابها فأول الخيارات لقضاء باقي اليوم جولة فالهايد بارك لحين وقت العشى

فالداخل من الـ Subway
اسهل الطرق للوصول للبارك
(مع اني كنت اتواحش واحس في اي لحظه احد بييني وبيسحب شنطتي!)
بيطلع وبيتمشى درب ليس قصير للوصول للبحيره ..
والاشجار اشكال او الوان .. كل جذع ماشاءلله اكبر من الثاني

فهالطريج .. بتشوف الناس كلن يقوم برياضه
والناس فهالجمله اقصد فيهم الانجليز او الاجانب فقط .. وعلى الرغم من كثرة الخليجين في لندن نادر اللي تشوف احد قاعد يستفيد من وقته
ويمارس اي رياضه ..
اهم .. منهم اللي يركض

واللي يتمشى بالدراجه الهوائيه

او بالرولر بليد (الحذاء المزود بالعجلات)

او حتى يمشي على اقدامه

مجموعات تلعب كره

وناس نايمين

وغيرهم الله يستر عليهم!

 

[اوركيدا]

المهم
مايكون الهايد بارك .. هايد بارك! ولاتكون لندن لندن اذا ماشفت الاخوان

وطبعا اللي ظاهرين فالصوره الاصيلين او اغلب الظن يكونون سياح .. اما بعض الهنود اللي عايشين في بريطانيا
لما تسأله انت من وين يرد عليك انه بريطاني .. ويحسسك انك اذا قلت عنه هندي كأنك سابه
على الرغم من انهم من اكثر الشعوب اللي عندهم اعتزاز بوطنيتهم لكن صادني اكثر من موقف اثبت لي هالنقطه!
والغريب ايضا انه البريطانيين معروفين انهم شعب عنصري! .. فشلون اقدرو الهنود ينصهرون معاهم بهالصوره
اللي حتى شعلة الاولومبيات تسلمت لطفله هنديه تمثيلا لبريطانيا!
بعكس هنود امريكا .. ودودين وخدومين ودايما يسألون الناس انتو من وين ويفرحون لما يعرفونهم بأصلهم وانهم من الهند

المهم نرجع للهايد بارك
هالبنت كانت تلعب Hide And Seek

هالولد عجبني فيه اصراره .. جدامي في اقل من 10 دقايق طاح اكثر من 4 طيحات متتاليه
وفي كل مره يقوم يوقف ويكمل ويسوي حركات استعراضيه بعد ويطيح مع كل حركه ويستمر ..
مصر والاصرار اهوا اللي يعلم الانسان

كان ودي اصور طيحاته لكني احتراما له خصوصا انه لاحظ كاميرتي وقعد يستعرض لها فكسر خاطري

وفي العاب حلوه للاطفال ..

Typical British Old People

لو ماكان السبت جان قلت اكيد توهم طالعين من اشغالهم .. لكن بعدين طلعو يايين بس يتمشون
كل واحد في ابهى حله ..

نرجع للهايد بارك

يلعبون بالطبق الطائر

*ملاحظه للي خاطره يلعب هاللعبه لاتلعبون قرب الاشجار
شفت اثنين يلعبون وعلق صحنهم الطائر بين الشجر .. وستخدمو مكرم القارئ حذائهم وعلق هو الاخر!
ماعرف صاحب الحذاء شلون رجع البيت يومها!

هالطفل كان يتسلق الشجره .. ماقدرت اخذ صوره واضحه لأني اولا كنت مستعجله ..
ثانيا عائلته كانت قاعده وخفت يهاووشوني

 

[اوركيدا]

كان للقراء حظور فالهايد بارك

وللمصوريين حضور ..

وللخليجين الحضور الاكبر

كراسي الهايد بارك ..

الكراسي البيضه المخططه بالاخضر .. من اشهر الكراسي لانه اغلب زوار الهايد بارك لازم يلتقطون لانفسهم صوره على هالكرسي
الكراسي موزعه في مساحات كبيره من الحديقه
الزائر يلتقط كرسي ويقعد عليه وبعد مده من الوقت ايونه اشخاص ياخذون منه نقود قرابة الباوند ونص
كسعر للكرسي .. مرتين رحت الحديقه وقعدت مايقارب الساعه او نص وقمت ولااحد خذ مني اي مبلغ
لكن في احيان اخرى ياخذون ..

قوارب الهايد بارك
تأجر القوارب الزرق المنتشره في بحيرة الهايد بارك بـ باوند للكبار 6 ولاطفال 2 لمدة نص ساعه
تقاد مثل قيادة الدراجه الهوائيه تقريبا ..
يعطونك وقت محدد تتجول في انحاء البحيره على راحتك فيه ..
لكن للي يتعدى الوقت في طراد مخصص اييك عشان يناديك ..
سمعت حوادث كثيره وشهدت حادثه بعيني وللاسف ماكانت كاميرتي معاي لكثير من الناس اللي يطيحون فالبحيره واهما يحاولون ينتقلون من قارب للثاني
او يستعرضون
او واهما نازلين في ابهى حلتهم!
في مياه البحيره الخضراء نسبياً

ومايكون الهايد بارك بدون اما ايس كريم لندن فالحر
او
The hot chocolate
الشوكليت الساخنه لين غابة الشمس وبرد الجو

 

[اوركيدا]

كان للقراء حظور فالهايد بارك

وللمصوريين حضور ..

وللخليجين الحضور الاكبر

كراسي الهايد بارك ..

الكراسي البيضه المخططه بالاخضر .. من اشهر الكراسي لانه اغلب زوار الهايد بارك لازم يلتقطون لانفسهم صوره على هالكرسي
الكراسي موزعه في مساحات كبيره من الحديقه
الزائر يلتقط كرسي ويقعد عليه وبعد مده من الوقت ايونه اشخاص ياخذون منه نقود قرابة الباوند ونص
كسعر للكرسي .. مرتين رحت الحديقه وقعدت مايقارب الساعه او نص وقمت ولااحد خذ مني اي مبلغ
لكن في احيان اخرى ياخذون ..

قوارب الهايد بارك
تأجر القوارب الزرق المنتشره في بحيرة الهايد بارك بـ باوند للكبار 6 ولاطفال 2 لمدة نص ساعه
تقاد مثل قيادة الدراجه الهوائيه تقريبا ..
يعطونك وقت محدد تتجول في انحاء البحيره على راحتك فيه ..
لكن للي يتعدى الوقت في طراد مخصص اييك عشان يناديك ..
سمعت حوادث كثيره وشهدت حادثه بعيني وللاسف ماكانت كاميرتي معاي لكثير من الناس اللي يطيحون فالبحيره واهما يحاولون ينتقلون من قارب للثاني
او يستعرضون
او واهما نازلين في ابهى حلتهم!
في مياه البحيره الخضراء نسبياً

ومايكون الهايد بارك بدون اما ايس كريم لندن فالحر
او
The hot chocolate
الشوكليت الساخنه لين غابة الشمس وبرد الجو

 

[اوركيدا]

ومن احلى البرامج اللي احب اسويها فالهايد بارك اطعام البط ..
عادتا قبل مانيي نمر لأي سوبر ماركت على الطريج ونشتري خبز ونييبه عشان نطعمهم ..

ويتجمعون البطات والاوز والحمام بشكل جميـــل
في نهاية هاليوم طلعت من بوابه غير اللي دخلت منها البوابه اللي تنقلني لي النايتس بريدج

كانت المناظر فهالطريج رائعه ..

نصيحه اختتم فيها جولتي
استمتعو تمشو ولايهمكم احد ..

اخذو اكلكم ودلتكم او فرشو بساط فالارض وقعدا
الـPicnic مرتبه
فالـHyde Park
متعه ..

واتمنى انكم استمتعو فالجوله
جميع الصور من تصويري الشخصي ..
باستخدام كانون D400
ارجو عدم نقل او استخدام الصور بدون اذن

 

[ام كتكوت]

ماشاءالله روعه هيجتي ذكرياتي


رووووووووووووووعه عليج بالعافيه صج صج تصويرج روعه ماشاءالله

 

[Artya 【ツ】●]

مشالله تصويرج رووعه

لو حاطه نكج عالصور أحسن

خوووش صووووووور


يعطيج العافيه

 

[A. Fashion .Q]

مشالله نااااايس الصور


لو مستخدمه الفلاتر و Mood بهالكامره جان طلعوو الصور فنتتتتق


بس هم حلوين

يعطيج العافيه حبيبتى

^_^

 

[ع ــندك / خ ــبر]

تهبل الصور ماشاء الله عليج


تسلمين ..

 

[beauty]

يعطيج العافيه حياتي

تصوير رووووووووووعه وموضوع متعوب عليه تستاهلين الشكر

 

[m1979]

صور اكثر من رائعه الله يعطيج العافيه

 

[كندية]

مشاااءالله الصووور روعه....

 

[رزة الكويت]

اخ ياززززززززززززين هالمكان
له ذكريااااااااااااااااااااااات حلوه
تسلمين ياقلبي

 

[ShaGRa NoiSya]

رووووووووووووووعه الصور حدهم وانا اذكر رحت لندن وانا عمري 8سنوات كنت عنونه بس موصج

والله ذكرتيني بالهايد بارك اخوي كان يوكل البط وانا كنت اخاف منهم

 

[pineapple]

تقرير روعه


مشكورة يااوركيدا على هالجهد الرائع


تحياتي لج يالغاليه

 

[toot^o^mishmish]

اااااااه عورتي قلبي والله ياحلو هذيك الايام كانت احلى ايام عمري بلندن ....
تسلم ايدج يالغالية الصور اتينننننن والله العظيم .....


بس هم قلبتي المواجع علي :0bee2e8d89:

 

[q8**girl]

مشاء الله كلمه روعه شوي عليها ..

 

[اوركيدا]

مشالله تصويرج رووعه

لو حاطه نكج عالصور أحسن

خوووش صووووووور


يعطيج العافيه

الله يعافيج .. انا ماحب الصور اللي فيها توقيع احس تشوه الصوره! مع انه في ناس ماعندهم ذمه يبوقون وينسبون حق نفسهم ..

مشكوره بعد عمري

ماشاءالله روعه هيجتي ذكرياتي


رووووووووووووووعه عليج بالعافيه صج صج تصويرج روعه ماشاءالله

الله يردج لها ولهالجو الزين عاجلا غير اجلا وتسترجعين الذكريات ان شاءلله ..
الله يعافيج

مشالله نااااايس الصور


لو مستخدمه الفلاتر و Mood بهالكامره جان طلعوو الصور فنتتتتق


بس هم حلوين

يعطيج العافيه حبيبتى

^_^

مستخدمه كلشي حبيبتي ..
الله يعافيج

تهبل الصور ماشاء الله عليج


تسلمين ..

مشكوره حبيبتي من ذوقج

يعطيج العافيه حياتي

تصوير رووووووووووعه وموضوع متعوب عليه تستاهلين الشكر

الله يعافيج مشكوووره

 

[اوركيدا]

صور اكثر من رائعه الله يعطيج العافيه

الله يعافيج حبيبتي .. مشكوره

مشاااءالله الصووور روعه....

مشكوووره اختي

اخ ياززززززززززززين هالمكان
له ذكريااااااااااااااااااااااات حلوه
تسلمين ياقلبي

اي والله .. الله يعودج وتسترجعين الذكريات ان شاءلله ..
مشكوووره حبيبتي

رووووووووووووووعه الصور حدهم وانا اذكر رحت لندن وانا عمري 8سنوات كنت عنونه بس موصج

والله ذكرتيني بالهايد بارك اخوي كان يوكل البط وانا كنت اخاف منهم

ان شاءلله تروحين مره ثانيه وتسترجعين الذكريات ..
انا بعد اذا وايد قربو اخاف منهم! مادري ليش

تقرير روعه


مشكورة يااوركيدا على هالجهد الرائع


تحياتي لج يالغاليه

مشكووووره بعد عمري .. اسعدني مرورج

اااااااه عورتي قلبي والله ياحلو هذيك الايام كانت احلى ايام عمري بلندن ....
تسلم ايدج يالغالية الصور اتينننننن والله العظيم .....


بس هم قلبتي المواجع علي :0bee2e8d89:

الله يسلمج حبيبتي ويعل ايامج كلها حلووه ..

مشاء الله كلمه روعه شوي عليها ..

مشكووووووره حبيبتي من ذوقج

 

[وين انت عني أنا]

اي والله لو حاطه نكج عالصور ^^

مــــــاشـــــــاءالله الجو عجيييييييييب تحسينه طبيعي واي

عليج بالعافيه خيتوو ^^

والتصوير ماشالله حلو وايييد

بانتظار المزيد