الهم يجي من الاهل

[*ام حودي*]

السلام عليكم ورحمه الله وبركاته
ماكدر اتكلم همي لاحد خارج بيتي
حبيت افضفض لكم خواتي في هذا المنتدى
قبل حوالي خمس سنوات اختي طلبت مني بناتي الاثنين للزواج من اولادها انا فرحت لان احب اولادها بحسبت ابني
بنتي الكبيره حاليا عمرها 21 سنه والثانيه 17
على مدى الخمس سنوات تقدمو عده لخطبت بنتي الكبيره وعندما افتح الموضوع مع اختي اقول لها تقدم فلان تقول لي قولي لهم اختي اتريدهن مع العلم ماكو شيء رسمي كخطوبه لكن فقط كلام شفت المده طالت ونحن فقط بالكلام
قبل اربع ايام جاءت امراه تخطب بنتي قلت لها عدها ابن عم
فتحت الموضوع مه اختي قلت لها مايصير ارد قسمه بنتي وانتو من يمكم ماكو شيء رسمي قالت حقج اردلج الخبر شيكول ابني
ثاني اتصلت بيه وقالت يقول ابني احس بها مثل اختي وابنها الاخر يريد الاخرى
قلت لها اعتبري الموضوع منتهي من اثنينهن
هي اختي علاقتنه قويه ابيناتنه واحبهه لكن بقيت مقهوره من هذا التصرف
اريد منكم خواتي اتهونون عليه لان كلش مقهوره

 

[جوري - q8]

ميخالف هونيها وتهون انتي وبناتج علي نيتكم ويمكن خيره ربي اعلم الزواج قسمه ونصيب والحمدلله مافي شي يضيع عند الله وسعي صدرج ونصيحه اخذي الموضوع عبره واحترسي من اي كلام لاتصدقين

 

[OH HA NI]

مـا تدرين يمكن الي تقدمولها قبل و ترفض خيره !
والبنت مو كبيره توهـا , وماعليه هذي اختج =)
والله يرزقهم ب الازواج الصالحين إن شاءالله

 

[قليبوني:$]

آنتي حـطي فبـآلج آن اللـه آللي كـآتبـه بيصـير !
وآلـزوآج بحطهـآ لـج بيـن قـوسيـن [قســـمة ونصيــب ]
كـل إنسـان بيـأخذ نصيـبه بهـالدنيـا ..وخـلي ألأمــور تمشـي بسـهولـه ويسـر ..
سـواء كـانت آلظـروف أقـوى منــنا أو لآ ريـحي بـالج لآن ربنـا إذآ أبـعـد شـيء عـنج وعـن ببنـاتج
تـأكـدي أن بيـعوضهم بـاالللـي احـسن منــهم مـاتـدريــن
يمـكن خيـره !!

وحـمدي الله علـى كـل حـال >> قـال تعـالى :[ لَئِنْ شَكَرْتُمْ لَأَزِيدَنَّكُمْ ]

 

[brettey]

هونيها وتهون والله يعوضهم
وخلاص زوجيهم من الخطاب الي يتقدمون لهم مالج شغل من اختج تزعل ولا كيفها

 

[el.mlkaa]

ممآعلييه كل تأخييرره فييهــآ خخيره ومهمآ يككون هآذي إختتج مشششيلـهآ مآعلييييييه

 

[*ام حودي*]

حبيبتي جوري
الله ايفرحج ريحتيني بكلامج اشكرج
فعلا مو كل شيء نسمعه نصدقه

 

[*ام حودي*]

حبيبتي oh ha ni الله يرزقح كل خير وتفرحين بحياتج ريحتيني بردك الطيب

 

[*ام حودي*]

حبيبتي brettey
شكرا على استجابتك لي هذا من طيبتك الله ايفرحك بايامك

 

[*ام حودي*]

بعد قلبي حبيبتي قليبوني
اشكرج على كلامج الطيب الله ايريحج دنيا واخره

 

[*ام حودي*]

حبيبتي el mlkaa
شكرا جزيلا على ردك الطيب الله ايهنيج دنيا واخره

 

[dalo0oa121]

البنات ماقصروااااا

 

[emankuwaiti]

ماشاء الله عالبنات ماقصروا وردودهم بردت القلب

 

[Patcholli]

واضح انج وايد تحبين اختج ومتعلقه فيها وواضح بعد انج حيل على نياتج وطيبه

حبيبتي اهي صح تكلمت بس هذا مو معناته انه صار شي رسمي

تقولين انها كلمتج قبل 5 سنوات وبنتج الحين عمرها 17 يعني وقتها بنتج كان عمرها 12 سنه ..!!

معقوله بذاك الوقت مافكرتي ان اختج ممكن قالت هالكلمه مجامله .. او معقوله مامر فبالج ان ممكن بنتج تكبر وماتعجب ولدها ؟؟

ومعقوله مافكرتي ان ممكن اهي قالت جذي من باب حبها لج بس انتي تدرين ان اولادها مايدرون عن شي ولا سمعتي رايهم بهالخصوص ..

الغلطه الي مريتي فيها انج وقفتي نصيب بناتج على كلام وهمي ماكان في شي ملموس على ارض الواقع

المفروض وقت الي ايون خطاب حق بنتج اتخلينهم يشوفونها وتعطين اختج خبر ان في خطاب يايين حق بنتج عاد بذيج الساعه اذا تبيها صج بتتحرك واذا ماتبي راح تماطل وتقول صرفيهم انا ابيهم بس ماكو تحرك فعلي ..

الحين حبيبتي لاتزعلين من اختج على هالسالفه خلاص الزواج قسمه ونصيب ويمكن صج ولدها احرجها وكسر فيها وقال مايبي بنتج ..

انتي المفروض تمشين نصيب بناتج وماتنطرين احد ^_^ حتى لو كانت اختج

وهم ماتدرين يمكن خيره ان ماصارلهم نصيب مع الخطاب السابقين يمكن كانو مو زينين

الخيره فيما اختاره الله ويمكن سالفة اختج مجرد سبب الله وخر عن بناتج ناس موزينين فكري جذي دايما

 

[*ام حودي*]

شكرا daloooa

 

[*ام حودي*]

شكرا
eman

 

[*ام حودي*]

شكرا patcholli
كلامج كله صح
اتي الي قهرني كل مايجون خطاب لبنتي اختي اتقلي اصرفيهم اني اريدهم
الحمد لله على كل حال