الهواش والزعل <<<<< تصويت

[نـعـومـه]

السلام عليكم ورحمة الله وبركاته





اليوم بكتب موضوع طرا على بالي اللي اهوه موضوع ( الهواش ) :eh_s(2):

الله لاييب الهواش بين زوجين ....... بس طبيعي سالفه الهواش والزعل بس موضوع الهواش يتفاوت من شخص لي شخص او من زوج لي زوجه

بموضوعي هذا يسوي تصويت خنعرف شكثر الفتره اللي يكون فيها هواش بين الزوجين ؟؟؟؟؟؟؟؟؟

يلااااا كلكم صوتو واللي ماتحب ترد على الموضوع تكتفي بتصويت وترفع الموضوع

والله يبعد عنا جميعا الهواش والزعل :eh_s(8):

 

[مناير ...!]

عليكم السلام
هههههههههههههههههههههه مو ثابت
مرات يوميا مرات يوم وترك مرات مره بالاسبوع
مرات بالشهر مره حسب النفسيات والفصلات

 

[امـ خــزامـى]

^^^^
نفس الوضع

اوقات يمر شهر وفوووق وحنا كنناري


ومره يكوون شهر كله مشاااكل

الصدق متوقف على دورتي ونفسيتي
تقريبا دوره ورا دوره هوااااااااااش


احترت وش اختار كنت بحط كل 3 اسابيع توقيت دورتي
بس قلت لا خليني احط الجاانب الايجاابي اللي هو الشهر الروقااني اللخالي من المشااكل


بس المفرووض تحطين كم صارلكم متزوجين ؟؟؟؟؟ لانها تفررررررررررررررررررررررق

عن اللي مالهم سنه متزوجين اوسنتين

عن اللي لهم كم سنه

عموما انا تقريبا 5 سنين متزوجه وهذي مرحلة الهدووووء والامان بالزواج
الحمدالله عديت مرحلة القلق والتوتر


والله يعينا على مرحلة بعد مرور الزواج 10 سنوات وفوووووووق
لانها سنيييييييييييين الملل والخوف



^^
لازم اتفلسف خخخخخخ تحملوني

 

[أحلى البشر]

ببداية الزواج تكثر الهوشات والخلافات والشد لان مو عارفين بعض زين وكل واحد بيثبت نفسه

وعادة بعد الخمس سنوات الاولى يبدا الاستقرار النفسي والتفاهل ويترسخ الحب

 

[نـعـومـه]

مشكوووورين على الردود

عاد بغيت احط بالتصويت توقيت غير ثابت !

 

[M!SS.LOBY]

الله يعين

 

[Dalo3at Rayli]

الحمدالله ما يصير بيننا هواش و زعل عادي يمر فوق الشهر : " $


​

 

[ام كداوي]

صارلنا تلات سنين والهواش تقريبا مرة بالاسبوع هوشة بسيطة نرضا بعضها على طول ومرة في الشهر تقريبا هوشة كبيرة بس مو حيل يعني اظطر اني ابكي فيها ليلة كاملة بس انا الي عندي ماشالله عليه عاقل وكل الهوشات سببها انا وطيشي

 

[كليـ دلعـ]

صوت،،،،،



انا اتهاوش اذن انا موجوده

انا اذا ماتهاوش اعد نفسي ميته مافيني حياه!!!​

 

[RO0O7Y KUWAITYA]

ع حسسسسب


مرات مره بالاسبوع ومرات مرتين الى ٣ بالشههههر والحمدالله تعدي ؛)

 

[ليدي بجد]

امممم مدري شمفهومكم للهوشه. هل قصدكم انه يغلط على بالكلام او اغلط عليه فتسمى هوشه. اذا كذا فحنا ما نتهاوش ولله الحمد
بس نختلف ونتناقش او بالأحرى انا أتناقش لحالي لانه زوجي هادي ههههههه بس للامانه تحسن مستواه اخر سنه وصار يشارك بالصف

 

[M!SS.LOBY]

لا حول ولا قوة الا بالله

 

[اناظرك وكلي حزن]

تم التصويت ....

 

[جوري الصالح]

الحــــمدالله متفـــقين مع بعــــض
احيـــــاننا زعــــــل بســـــــيط وعـــتب

 

[نـعـومـه]

الله يدوم المحبه عليكم ويبعد عنكم الهواش وزعل



ليدي بجد

يعني زعلانين من بعض

 

[نوفآ]

يتوقف ع المره والله
انا من حملت وحسيت بالثقل قمت اطوف واشتري راحتي حتى هو لاحظ و قال عقلتي وكبرتي هههههه
بس الحين اخر الاشهر نفسيتي تعبانه و كل شوي متهاوشه معاه خخ
هو بعد الله يهديه يرفع ضغطي اكلمه وعيونه عالتلفون واحتررر واتهاوش
وارد ارضى من نفسي

 

[زوجة عزيز]

ماله وقت الهواش والزعل على حسب افعاله ساعات بالاسبوع وساعات بالشهر

 

[شادن33]

يوم وترك نتهاوش >>> ماكو شغل

الله يهدينا

 

[نـعـومـه]

الله يهدي الجميع يارب

 

[Om zayd]

بالفتره اﻷخيرة انا صايره وايد عصبيه وافتعل مشكله
من ولا شي نفسيتي تعبانه وكله ابجي
قاعد احط ضغط الحمال فيه المسكين واهوا
ساكت وبالعني وساعات يطفر الله يخليه حقي
انا ادري وايد صايره اوفر