الوجبات السريعهـ وضررها بالجنين

[ياليتهم يشعرون]

السلام عليكم ورحمه الله وبركاتهـ


يعطيكم العافيه
بغيت أسألكم عن الوجبات السريعة صج انها موزين للحامل والله انا حملت وبالاسابيع الاولى ورفيجتي قالت لي انها موزينه عالجنين تسويه منغولي بلييز ابي رد يشفي القلب لان انا وحده احب الوجبات ومااستغنى عنها بس مؤ بشكل مفرط ? ثانيآ ابي شي للإمساك كرمكم الله حبايبي شنو الشي الي يسهل بطني بالحمل وأكون لكم شاكره

 

[كتالونيه]

استغفر الله العظيم
حبيبتي ماله شغل منغولي
الله هو الي يخلق مو الوجبه
في بنات يتوحمون بالوجبه
لاتحاتين انا بعيالي اربع وعشرين ساعه
مطعم والحمدالله ماصار شي

 

[كتالونيه]

اما عن الامساك
كثري ماي وشرب السوائل

 

[q8 83]

المطاعم بشكل عام مرضه بس مو لي درجه منغولي عاد وايد بالغت

كل هالناس تاكل بالحمال و ما على عيالهم الا العافيه

 

[محتاره بدنيتي]

والله حبوبه الكل المطاعم مايخلي البيبي منغولي انا باول حمل لي كنت كلا وجبات سريعه لاني ماكنت امجهزه مطبخي عدل اهيا بس اتسبب نقص في اشياء ثانيه لان قطعت الفواكه والسلطات فصار فيني نقص املاح حطولي ادرب وقالولي لمن اتردين البيت اكلي مووز زين وعدلت اشوي اكلي اكل اشويه من المطاعم واشويه من البيت وماصار شي الحمدلله ... واللي كاتبه الله بصير في ناس مايكلون إللا اكل بيت بس يطلع الياهل منغولي مو من الاكل في وايد مسببات بس رب العالمين اللي كاتبه لج بصير وتوكلي على الله ولاتصدقين كل شي ينقال بالمخ حبوبه اشولون بالاكل الياهل اصير جذي وعلى الامساك في حبوب آقيوليكس علبتها اتصير صفره انا اخذ منها لان كلا فيني امساك وانا الحين حامل بعد اخذهم عاجي قفشه وحده مرات اخذ ومرات قفشتين وثاني يوم لمن اقوم من النوم إللا بطني ماشي وهذي تنفع بعد مع الرضاعه هالحبوب ماتضر كللش وان شاءالله فدتج

 

[c a t w o m a n]

بلى حبيبتي شلون ما تاثر اكلي بس لا تكثرين منها لا تاكلين بشراهه انا ما اكلت فاست فود الا يوم دشيت الثامن

بعيني شايفه اعلان ماكدونالدز انه بطاطهم سمالله عليج ياثر عالحمل و يسبب تشوه اجنه وانهم يخلون مسؤوليتهم من هالشي

الله يتمم ويسهل عليجو تقومين بالسلامه انتي و البيبي

 

[ياليتهم يشعرون]

مشكورين عالردودصج انا استغربت من موضوع الوجبات عن جد اصدمتني

 

[yasmin10]

اغلب الحريم اللي ييبون طفل منغولي يكونون فوق الاربعين
الوجبات مالها شغل بس الاحسن ان تاكلين وجبات صحية وتقللين من المشروبات الغازية لان كثرتها مع العمر تسبب هشاشة

 

[زين ودلال]

والله انا بهالحمل واللي قبله اكل من مطاعم والحمدالله ماكو الا العافيه

 

[tbola]

الله الحافظ حبيبتي

 

[امواج الكويت]

شكو ماله شغل اصلاً ما نستغني عن المطاعم

وبالنسبه للامساك اكلي برتقال وشربي عصير فرش

 

[auoma]

حبيبتي الطفل المنغولي خلل في الجينات
مو من الاكل وماكو احد ما يأكل الوجبات
بس للأمانه ما منها فايده
راح تزيد وزنج على الفاضي وبعدين تتعبين على ماينزل وتضعفين
وكثرتها تسوي ضغط وسكر وامراض انتي بغنى عنها
الاعتدال حلو منو منا ماتاكل وجبات بس مو كل يوم*

 

[english muffin]

لا ماعليج منها تولي
انا ماكنت اكل وجبات سريعه الا ساعااات ومن حملت طحت فيهم واول امس قريت انهم زينيين للجنين لانهم يخلونه يدمنهم يعني لين انولد عقب لين بيكبر بيحب الوجبات السريعه وايد
حرام عاد انا متنت منهم

 

[مظلومة حيل]

الوجبات مالها شغل بس انا سمعت بنشرة ان وجبات ماكدونالدوز و من طقتة من هالمطاعم ممكن تسبب تشوهات بس انتي قللي و اكلي فطاير مشويات و الوجبات السريعه ملوت مطاعم الجمعية اتوقع اخف من المشهورات وعلاج الامساك و مجربتة اناااا اهو : تشربين على الريق ٢ كوب ماي بااارد بارد و شوفي النتيجة انا لما قالو لي انصدمت سهلة و تمشي وادعيلي

 

[خوووخه w]

شششكو اهوو اكل الله يهداكم ياالبنات كل شي يقولونه تصدقوونه شكوو

اصلن المنغولي مايصير جذي الا اذا وحده حملت وهي كبيره بالسن اهني يطلع الولد منغولي

 

[المسكـ]

والله محدة كثري كلا وجبات لوول ليل ونهار اكل والا من برجر كنج وجبيتن باليوم وولدي ماشالله الحين عمره 4 سنوات مافيه الا العافيه اسمالله عليه
الضرر الوحيد انها مو صحيه وممكن تكون بايته فطلبيها فرش من المطعم احسن من اوردر بالبيت

 

[AVE.NJ]

لا تخلين شي بخاطرج انتي حامل
بس لا تكثرين
والله يهون ويسهل على كل حامل

 

[ياليتهم يشعرون]

مشكورين بنات فديتكم والله ادعولي يثبت حملي

 

[ياليتهم يشعرون]

مشكورين بنات فديتكم والله ادعولي يثبت حملي