الوحم وما ادراك مالوحم

[#الخشف#]

السلام عليكم ورحمة الله وبركاته
شلوونكم كروشات

انا حامل بالشهر الرابع وللحين الوحم ذابحني ترجيع تكرموون ولووعه ولا اقدر اكل شي وبس طايحه بفراشي لا اداوم ولا اسولف مع احد بس بغرفتي وصاكه على نفسي الباب :eh_s(11):

ابي كل وحده تقولي جم قعد معاها الوحم ؟؟ واذا راح هل يخف شوي شوي والا يروح كله مع بعض :eh_s(10):


وبالاخير الله يسهل علي وعليكم ويرزق كل محروم بالذريه الصالحه عاجلا يارب غير اجل :yaaaaaarb:

 

[انوار المحبه]

الله يسهل عليج حبيبتي حاسه فيج الله يعينج جربي حبوب اوندا يمدحونها ان شالله انتي على وشك يختفي منج تدريجيا

 

[*Pink Girl*]

زي وحمي لما كنت حامل بولدي لدرجة جتني انيميا لما سويت تحاليل في الشهر الخامس

الله يهون عليك ويرزقك حسن الخلق

 

[جوري الكويت]

بالشهر الخامس يخف و يختفي باذن الله

و ترجع شهيتك تنفتح على الأكل

 

[لؤلؤةالكويت]

وعليكم السلام ورحمة الله وبركاته


بتهون ان شاء الله اختي باذن الله ع الشهر الخامس بيخف ان شاء الله

 

[ashwaq1]

اخذي درب وابره اوندا واستمري على حبوب اوندا وخلاص اخر الرابع يختفي تدريجي

 

[#الخشف#]

جربت حبوب اوندا والدرب كللللش مافادت معاي


يعطيكم العافيه عالردود

 

[New_bride]

الغالب لين الرابع ويختفي
عادي تقومين من النوم مافيج اي شي طبيعيه ١٠٠٪

انا ماكنت اتوحم بداية الحمل
يبدا معاي من الرابع ويتم شهرين قوي بعدين يخف لين وقت الولاده لكن مايروح نهائي
وماكان يريحني غير الليمون

 

[غلا جم جم]

الله يعينج باذن الله على الشهر الخامس يختفي وحاولي تقسمين وجبات الاكل عشان ماتكرهين الاكل وتلوع جبدج

 

[نجمه السيد]

اني عكسش تماما اول ثلاث شهور خفيفه وحليووه غير الموالظهر كنت مره تعبانه منها عدل وتالي بعد الثلاث يدا الوحم الحقيقي الله وكيلش الترجيع ذبحني ذباح حتى انام وجنبي الفاين وووووالزباله والشيء الاكان يخفف عني اللوعه العلج وادا اكلت وقمت فرشت اسناني بالمعجون خلاص اموت ريحه المعجون توصل لمخي وارجع الا بطني تقريبا ظل معاي الترجيع الرابع والخامس على عكس الاوادم اني والشهر التاسع جتني حراره في حلقي من احط راسي انام شهر الله وصيام تبدي معاي الحاروق ماولدت واني مصدقه