الوفاء للأشياء ..

[مغربية قلبها كويتي]

السلام عليكم ورحمة الله

الإنســـــان يحمل في داخله بحرا من المشاعر تتقلب أمواجه بين مد وجزر فاما أن ينساق لتيار عاطفته واما أن يوصد بابه ويعيش مرتاح البال
حياتنا أيضا في تغير مستمر ومع هذا التغير ينجذب الانسان للجديد ويترك القديم
وأعني بالجديد والقديم هو الأشياء المادية المحسوسة أو المقتنيات مثل ...المنزل ..الأثاث..السيارة أو المقتنيات الشخصية الصغيرة
ولكن....
ماذا لو كان الشئ القديم يرتبط معك بعلاقة روحية؟ فمثلا المنزل الذي عشت فيه ذكريات جميلة بصحبة ذويك ومن تحب هل تفضل العيش فيه طوال العمر وفاء للذكريات؟
وتنسى أن تستمتع بحياتك في بيت أجمل وأجدد؟..
هل لأن هذه الأشياء ارتبطت بذكريات جميلة عشتها في ظل وجودها في حياتك
ستحرم نفسك متعة اقتناء الجديد؟
هل هناك ما يسمى بالوفاء للأشياء؟
سأسعد كثيرا بابداء آرائكم وتجاربكم أيضا

 

[أم حوور]

اي في وفا اذا كان الانسان نفسه وافي لنفسه وصادق مع الغير

 

[قلبين وسهم]

جنج داريه فيني انا فيني هالشغله الوفاء للأشيااااااء

مثل موبايلي مووراضيه اغيره ومتمسكه فيه مع انه انتهى عمره الافتراضي وبلش يسكرب وشريت غيره جديد وعالموضه لـــــــكن ماارتحت

ورديت لجهازي القديم اللي احبه والكل يتشمت فيني يبووني اغيره بس مايهون علي وهالشي يتعبني لاني اذا تعودت وحبيت شي ما اقدر اهده بسهووله

مادري اذا هالشي زيييييييين ولا شييييييييين لـــــكن صج صج شعوور يتعب


يعطيـــــــج العافيــــــــــــه عـ الموضووع


موفــــــقه

​

 

[أمواج البحر]

تــــنــــبــــيــــه هـــــــــــــام

تم حذف جميع الردود الغير لائقة والخارجه عن الموضوع الأساسي

نرجو من الجميع احترام وجهات النظر والالتزام بأدب الحوار

 

[عالمة_جيولوجيا]

صراحه انا عندي وفاء لدرجتي اني لما بعت سيارتي ولابتوبي القديم بجيت عليهم بس هم استانست علي الجديد واذكر القديم بالخير ههههههه

 

[blue ocean]

نعم نعم هناك شيء يسمى الوفاء للأشياء ..

بصراحه انا اعتبر نفسي وفيه لأبعد درجه لأشياءي ويمكن يكون فيني مبالغه احيانآ احاكي الاشياء القديمه وأودعها
عندي علاقه قويه مع الاشياء وعن نفسي ما احذف اغراضي احب احتفظ في كل شيء وهذا طبع متعبني
واعتقد ان هالطبع بسبب عاطفتي الزايده ونتج عنها هذه التصرفات ..

يسلمووووو عزيزتي استمري بتألقك ..

 

[مرااااحب]

اكيد انا وفيه للاشياء بشكل كبير
مثلا موبايلي من خمس سنوات موقادرة اغيره تعودت عليه
احس فيه بيني وبينه ارتباط روحي ودايم يذكرني اني كلمت
اغلى الناس علي وسمعت احلى كلام بسماعته راح تضحكين
بس احساسي فيه جذي وسمعت احلى الاخبار بواسطته فعشان جذي ما ابي اتركه
وفي بعد عندي بجامه من عشر سنوات محتفظة فيها مو قادره استغني عنها مع اني
شريت جدد بس هذي لها معزة عندي وعندي اشياء كثيرة قديمة بس موقادرة اقطهم او استغني عنهم
مع اني نادرا ما استعملهم بس الوفاء لهذه الاشياء تخليني احتفظ فيهم .

عسل والله يا مغربية
دايم تحطين مواضيع تلامس احاسيسنا
الله يوفقج يارب

تقبلي مروري
اختك
,
,
,
مرااااحب

 

[Athwaq]

وفاء مو طبيعي بعد

حتى لو شريت يديد .. ماابيع القديم احتفظ فيه

موبايل المستشار جان تذكرونه للحين عندي

لاب توبي القديم للحين عندي

حتى ملابسي مااقط منهم شي الا نااااااااااااادرا جدا و اذا كان شي ماكو امل ولو 1% اني البسه

حتى غراش العطور بعضهم مااقطهم

لو بعد مااخلص

بس لاني مااشتري الشغله الا وانا حابتها حييييل فـ مو سهل اني اتخلى عنها

 

[katko0ota]

بييييييه تعالواا داري راح تعرفوون شكثر انا وفيه هههههه

 

[الكويت غالية]

حيل وفيه خصوصا

للشقة اللي سكنت فيها انا وزوجي اول ماتزوجنا

مع ان صارلي بيت شكبره ما شاء الله

الا اني دايم احن لها وكل ما مريت من قدامها ترجعلي كل ذكرياتي فيها

 

[احبج يا الكويت]

انا صعب اذا تعودت على شي افارقه حتى لو تلفون ولا اي شي اخليه واشتري غيره اكون محتفظه بالقديم وانا طبعي ما احب اغير وايد عندي وفاء حق ممتلكاتي لوووووووووووووول