الولاده في الشهر السادس ( استفسار)

[لولو الكندي]

السلام عليكم ورحمه الله وبركاته
لي رجاء عندكم ابغاكم تدعونلي والله محتاجه للدعاء

انا ولدت قبل كم يوم وتوي بنص الشهر السادس

جبت توأم بنات

وحده توفت بعد يوم وكم ساعه ربي يجعلها شفيعه لنا ويصبرنا انا وابوها

وبنت في الحضانه ابغااااااكم تدعونلها ربي يقومها بالسلامه وتقر عيني وعين ابوها بشوفتها

(دعوة المسلم لأخيه بظهر الغيب مستجابة)


وعندي بعض الاسئله

- مين ولدت بالشهر السادس او تعرفو احد


- وكم وزنه لما انولد

- ومتى بدو يعطونه الحليب

-ومتى قدرتي ترضعيه طبيعي

- وكم جلس بالحضانه ؟؟؟

- وهل نموه وذكاءه زي الاطفال العاديين والا اقل


والله للآن مش مستوعبه اللي صار كل شي جاء بسرعه وفجاءه


اتمنى الرد والله يجزء كل وحده ترد ماتتمنى في الدنيا والاخره​

 

[ام نوونه]

الله يعوضج حبيبتي انشالله

وكل شي بيد رب العالمين انشالله بتطلع من الحضانة ومافيها الا العافيه

وتفرحين فيها عروس يارب

اعرف وحده ولدت بالسادس وماشالله ولدها مافيه الا العافيه كل شي رب العالمين

 

[tota q8ia]

الله يقر عينج فيها واللله ادعيلج من قلبي وياجرج على اللي صار

 

[^q8ia^]

الله يعوضج خير انشالله

انا تصير لي وحده ولدت بالسادس كان فيها توام بنات ماتت وحده والثانية عاشت

والحين عمرها 6 سنوات وماشالله شحلاتها

وشاطرة بدراستها

يعني لا تحاتين بنتج انشالله مافيها الا العافية

بس يمكن راح تاخذ وقت في الحضانة

وهالشي اكيد الدكاترة يحددونه

 

[WoNdErFuLL]

الله يعوضج خير أختى وتشوفين بنوتج بحضنج يارب
لا تحاتين همن أنا اعرف وحده ولدت بالسادس ويابت ولد
والحين أسمله عليه بالأبتدائي ومتفوق بعد

 

[nab'9 7abeeby]

الله يعوضج حبيبتي ان شاء الله

 

[لوكي 22]

الله يعوضج ان شاءالله\
ويطلع بنتج بالسلامه

 

[توته سعوديه]

الله يعوضج خير ويجعلها شفيعه لوالدينها
ويعافي بنتك ويخليها لكم
انا اعرف وحده انولدت بالسادس والحين هي بالجامعه ومتزوجه وعندها 3 عيال وقمه في الجمال والذكاء ماشاء الله
واخذت وقت بالحضانه
وولد اخوي انولد باول السابع اول يوم بالسابع
والحمدلله الحين هو 5 سنوات ويهبل وشيطاني بسم الله عليه
خلي ايماك بالله ولاتوسوسين

 

[دآنة آلرشآيده]

الله يعوضج وان شاء الله تكون شفيعه لج
وان شاء الله البنت الثانيه تطلع بالسلامه والله يبلغج فيها

 

["*آآآنؤؤؤقهـ*"]

الله يشهاافيهاا ويخليهاا لكم وتقر عينكم بشوفتهاا

وتملا البيت علييييييييييييييكم

والله يرحم بنت وتكون شفييعه لج يوم القياامه يارب

وطيوور من طيوور الجنه

 

[*Little**Angel*]

الله يشفي لج بنتج ويعوضج خير باللي ماتت
والله رفيجتي بالدوام يابت ولدها بالسادس والحين اسم الله عليه عمره 10 سنين وشيطون ومطلع عينها الله يخليه لها
لا تحاتين ان شاء الله تاخذ فتره بالحضانه وتطلع ان شاء الله

 

[أميرة طفولتي]

الله يقومها بالسلامه انشالله وتفرحين بشوفتها عروس
قدر الله وماشاء فعل

 

[Yummy Suger]

أولا الحمدلله على سلامتج ...
وثانيا الله يخليلج البنوته وتشوفينهآ أحلا عروس ..
بخصوص استفساراتج انا ولد اخوي انولد بنص السادس طبعا تأخر عن الي بسنه من حيث المشي والكلام
يعني مشى بعد السنة ونص ولا زالت مشيته مو موزونه لازم يرفع ايده لمى يبي يمشي والكلام توه بادي يقول كلمات وبعده ما يكون جمل
مثل الي بسنه علما انه عمره اللحين تقريبا سنتين وجم شهر وبخصوص ذكاءه اممم ما اقدر احكم بس اهو زين يلعب ويشارك اليهال باللعب
عموما يمكن طفل عن طفل يختلف وان شاء الله مافيها الا العافيه بنوتج

 

[حلمي اكون ام Q8]

الحمدلله على السلامه ..

واتقر عينج بشوفتها وان شالله طبيعيه مافيها الا العافيه

 

[من حقي أغير]

الله يخليها ويشافيها اب اب

 

[كـ غلا ــلي]

والله ما عندي فكره بس الله يخليلج بنيتج انشءالله

 

[عيش و ملاس]

أعرف واحد انولد بالشهر السادس وألحين هو مهندس بالطيران المدني بس فيه نقص أوكسجين خفيف وللعلم هو متخرج من جامعة بريطانيه و ما شاالله عليه ذكي ومتزوج وعنده بنت بس شكثر ظل بالحضانه ووزنه ما عندي علم

 

[برنسيسة 17]

انا ولدت ولدي بالسابع واهوالحين بعد 3شهور يكمل 6سنين شاطر ويمشي وطبيعي لا وسبحان الله طلع احلى من اخوانه المولودين كاملين هههههههه ولي وحدة تصيرلي جابت بنت 6 شهور اتوقع وزنها 500 وماشاء الله عليها الحين عمرها ستة بالمدرسة

 

[الليدي فراوله]

الله يستر
الله يرحم بنيتج ويخليلج الثانية وتشوفينها عروس

 

[mrs.perfect]

يارب تشوفين عيالها وعيال عيالها بعد
عليج بالدعاء