الى أمريكا في رأس السنة

[أزهار البنفسج]

السلام عليكم ورحمة الله وبركاته
خواتي الغاليات انا ناويه ان شاءالله اروح لوس انجلوس في اواخر شهر 12 الياي لمدة 23 يوم مع زوجي وحابه اعرف شلون الجو راح يكون .. برد وايد ولا معقول اخاف اروح وانصدم بعواصف وثلوج وما استانس .. وناوية اروح فلوريدا بعد يعني نص المدة في كاليفورنيا ونصها في فلوريدا لان بنحجز كروز بس خايفه وايد يكون الجو بارد وصقيع ومانستانس
وعندي استفسار ثاني بعد .. اذا كانت روحتنا من الكويت الى لوس انجلوس والردة من ميامي الى الكويت يعني التذاكر مو ريتيرن كل حجز بروحه .. يفرق علينا السعر وايد؟ ولا نفس الشي
مشكورين على طولة بالكم واسفه اذا كثرت اسئلتي بس والله حدي متخوفه لاني هذي سفرة شهر العسل واول مرة اسافر مع ريلي :tek:

 

[CuTiE PiE]

هلا حبيبتي الجو في اورلاندو علي نهايه شهر 12 يكون عجيب ربيعي بس بالليل يبرد اشوي بس بالنسبه للحدائق فراح تكون مروره زحمه لأنو يصادف اجازه المدارس والجامعات بس ان شاء الله راح تنبسطين لانو عروض الكريسمس عجيبه وبالنسبه للوس انجلوس فالجو نفس الشي مو بارد كثير وماينزل فيها سنو*