الى الاخت عبير ممكن التفسير جزاك الله خير

[نجمة كويتية]

اختي حلمت ان بيتنا فيه عزيمة وكان زحمة من الحريم نصهم اهلنا ونصهم اهل طليقها وكان بيتنا صاير في الحلم جميييل جدا والصالة كبيييييرة وواااسعة وكانت في غرفة فيها طليق اختي وكان يتدلع في الحركات وفي الكلام مثل المزح وكانت اختي معاه بس كانت تفكر بزوجته اذا درت انه موجود عندنا بالبيت واكتشفت ان هذا الامر ما يهم زوجته اذا زوجها عندنا او لأ , فجأة قال حق اختي وديني الحمام وودته اختي لكن وجدت متاهات كثيرة وكله ابوااااب ووصلته الحمام لكن عند عودتها رجعت لوحدها لكن ضيعت البيت من كبر حجم البيت وطلعت للشارع فوجدت رجل امريكي لابس كوت ابيض ( شكله دكتور) سألته وين باب بيتنا وقالها روحي من الخلف ويوم راحت لقت صالة كبييييييييييييييرة وبيضة وكلللها اضاااءة قووووية وكان في درج ( سلم) عرييض وكبير من رخام ومخطط بذهبي وكان باب الصالة ابيض كبير ومزخرف بذهبي ودخلت اختي هذه الصالة . انتهى

الحالة الاجتماعية مطلقة
موظفة وطالبة اخر سنة دراسية

 

[دلع العتبان]

هلا حبيبتي ،،،،


اليوم التفسير لي باذن الله واخت عبير راح تمسك يوم الجمعه والسبت واانا الاثنين والاربعاء وبعد اذنج انا بفسر الحلم




بالاول البيت الكبير وجماله تدل على تغيير الظروف عندكم ووسع حالكم وتغييره وتحسنه وزوج اختج يتدلع امر ومومهتمه مرته له جايز لسوء حاله مع مرته الثانيه الحين وحاليا والله اعلم والعزيمه مناسبه لكم كبيره حيييل وراح تصير وجميله باذن الله

الحمام الي وصلته لها جايز حياتها الشخصيه اهي بنيتها يردلها زوجها ؟؟

والمتاهات مشاكل او امور متازمه تسبق هالشي !


وضاعت بالبيت الكبير جايز راح تنشغل بامر لها خاص اختج ويخصها والرجل الامريكي شخص غريب راح يدلها على حل واضح ومعقول لها والباب الخلفي المشكله راح تحلها عكسيا اي حل مشكلتها عكس ماتبي والله اعلم وادرى


ربي ييسر اموركم ويكتبلكم الخير ،،،،




،،،،،​

 

[بنت ًَالأدآريهً]

رفع رفع نفسي كله احلم بمتاهات

 

[نجمة كويتية]

مشكوووورة جزاااج الله خيير يا قلبي ما تقصرين وكلكم وااحد يا حياتي الله يفتحها بويهج ياارب

بنت الادارية شلووونج يا حيااتي وشلون البنات معاج الله يعينج وينصرج عليهم يوووه ع المتاهات هههههههههه الله يفتحها بويهج ياارب ​