الى اهل الكويت طالبتكمـ \\ ادري مراح تخيبون ضني قبل يوم السبت ..

[فووشي]

السلام عليكم ..

اخبااركم ..؟ وش مسوين بالاجازهـ ..؟

\\

صرآآآحه راح نروح الكويت وهذي راح تكون اول زيارهـ لنــا ..
وربي مرررررره مبسووطه كثيـــر:ggdw: مرات نبي نروح للكويت بس ماتترتب ونغير راينا لبلد ثاني ..
وراح نروح الأحد ابغى همتكم ومساعدتكم لي ..
لاسسيما انو مانعرف شي فيها لا طرق ولا شقق ولا مجمعات ولا مطاعم كويسسسه ..

\\

وهذا عشمي فيكمـ وادري مراح تخيبون لي ظني فيكم ..

اولا : نبغى شقق فندقية كويسه ماتكون مرره غاليه يعني اسعارها معقوله في حدود 600 ريال ..
مع العلم انو نحن عائله كبيره :eh_s(6): ربي يحفظنــا ..
وتكوون في منطقهـ زينه قريبه من المجمعات << عشان ما نضيع :dddds:

ثانيا : ابغى تدولني ع احسسسن المجمعات و المجمعات الي فيها ماركات عالميه ..
و ماعليكم امر لو تعرفون محلات كشخه تصلح ملابس للعيد والجامعه للمقاسات الكبيره تدلوني عليها :eh_s(22): ..

ثالثا : المطاعمـ الحلوهـ يعني ما نبي ندخل مطاعم يكون اكلها مو حلو خبركم اول مره نجي الكويت ..

رابعا : واهم شي هذا ابغى خرريطه للكويت عشان مانضيع ..

وووو اذا فيه مدينة ملاهي كبيره وحلوه تصلح يلعبون فيها كبار << ناويه تلعب :ggdw: ..

\\

وربي اني واثقه انكمـ مراح تخيبون املي ..
ضروري تردون علي قبل السبت عشان خلاص راح نحركـ يوم الاحد ..

 

[فووشي]

معقوول 13 مشهاده ولا رد يجبر الخاطر !!
لو تردون علي انكمـ ماتعرفون اهون علي ..

وربي مرهـ فرحانه اني بروح الكويت ..
بس شكلنــا مراح نروح لان مانعرف شي ..
عشان كذا انا طالبه مساعدتكمـ ..

 

[شوشوا]

حياااكم الله وبتنور الكويت

بالنسبه للشقق ماعندي فكره بس انصحكم بمنطقة السالميه لان فيها اغلب المجمعات والاماكن السياحيه
فيها مجمع مرينا والفنار والبستان ووايد
وقريب منه سوق شرق

وبمنطقة الري مجمع الافنيوز مجمع كبييير فيه تقريبا كل المحلات الموجوده بالمجمعات الي قلتها قبل شوي
وفيه العاب ومطاعم وسينما بيعجبكم

وفتحوا مجمع يديد اسمه 360 بس مافيه محلات الا جم محل توه يبيله وقت وفيه سينما وجمعيه جيان

والملاهي في بشارع الخليج منتزه الشعب في العاب وايد واذا تبين اكبر في المدينه الترفيهيه كبييره بس قديمه شوي

اممممم والمطاعم الاكثريه نفس المطاعم المعروفه تشيليز وفرايديز والامريكيه ..

بس انصحج تجربين الاكل الكويتي

مطعم فريج صويلح ورا مرينا بالسالميه
ومطعم ايام زمان عند منتزه الشعب وعلى الخليج فرع ثاني

اممممم ومطعم اشاز هندي موجود بمرينا والافنيوز
وجوكليت بار بمرينا وافنيوز


ممممممممممممم

ومادري !
انتي سالي واحنا نجاوب

 

[فووشي]

شوشوا ..

مشكوورهـ اختي مررهـ ..
حمستيني زياده للكويت ..
واكيييد راح ناكل الطبخ الكويتي بس يعني مره يفرق عن السعودي يعني خخخخخ ؟
خلاص ان شاء الله راح ابحث عن شقق بالسلمانيه ..

\\

بسألك وش هذا سوق شرق ..؟!
يعني حلوو ..؟!

\\

سؤال ثاني << زودتها ..
امم فيه فندق بس ع شكل منتجع مثل منتجع فريج شرق الي بقطر ..؟!

\\

و كمآآن اخر شي ..
ابغى محلات تبيع ملابس للمقاسات الكبيره لو تعرفين ..؟!

\\

ومررررره مررررررررره مشكوره خيتو ..
وربي مو عارفه كيف اشكرك ع اجابتكـ لاسئلتي ..

 

[النوالنو]

هلا يالغاليه بمنطقة الفراونيه للي هو سوق الفراونيه عندهم شقق الضيافه اشوف ناس يطلعون منه كثير سعودين وسمعت انه موغاليه وعلي العموم الشقق بسوق تروحين مشي ( العربيد داريع والمغاتير والحمراء مول والعربيد بلازا هذا كله هناك) \
الافنيوز كل شي فيه وشرق وفيه المدنيه الترفيهيه المدينه المائيه وبعد مطاعم فريج صويلح فطاير الزعيم المشلت ومغل محل وبعد اي شي انا حاضر ومدنية المعلم يهبل ورخيص مقاسات كبيره عندهم وحياج الله

 

[النوالنو]

منتجع الشيك

 

[النوالنو]

فيه فنادق وشقق بالسالميه كثير وحياكم الله وتعالي تقهوي عندنا انتم من السعوديه والا من قطر

 

[شوشوا]

ولوووووووو حبيبتي ماسويييت شي

الاكل الكوييتي بييعجبج انا مجربه فريج صويلح حلو طلبو برياني ولا مجبوس ولا مرقوق واللقيمات وكل شي حلو

سوق شرق حلو بس فيي احلى يعني محلاته موجوده بالافنيوز وغيره اهوا صغير فيه مركز سلطان مثل سوبر ماركت

والعاب فوق وسينما ومحلات وقعده برا حلوة

والفنادق سوري ولله مادري كلش

بس فندق مرينا حلو قريب من كل شي

واذا تبين محلات رخيصه يعني مو العالميه المعروفه في سوق السالميه القديم واسواق الفروانيه حلوة للدراريع والعبي

ممممممم شنو في بعد
في المركز العلمي بعد بلسالميه حلو وشارع المطاعم كله مطاعم سندويتشات وعصاير

وان شالله بتعجبج الكويت

 

[شوشوا]

انتي من ويين بلسعوديه

 

[احلى بنت بالدنيا]

هلا فيج أختي بالكويت وان شاء الله راح تعجبكم وااااااايد .. بس ميخالف يمكن عشان الوقت متأخر الحين ماحد له خلق يرد لاتزعلين

 

[فووشي]

خيتو فاعلة خير ..

لا والله انا من السعوديه ..
بس كثير روحاتنا لقطر بحكم قربها منـا خخخخخ ..

\\

مشكوره مشكوره مشكوره ع افادتكـ لي ..
ماقصرتي والله ..

 

[فووشي]

شوشوا ..

حيااكـ الرحمن مرحبا لطلتكـ الثانيه ..
اممم انا من السعوديه وبالتحديد من الشرقيه ..
لا ياخيتي ما نبي الا ماركات عالميه خلاص شكلنا بندخل الافنوز ولا راح نطلع منه هع ..
فيه سينما وكل شي بس حابه اعرف مجمعات كبيره ثانيه غيرهـ ..
عشان راح نزوركم اسبوع تقريبا لو عجبنا الجو جلسنا اكثر ..

ومشكوره مرره ياقلبي ..

 

[فووشي]

احلى بنت بالدنيا ..

اكيييد راح تعجبنا وانتوا اهلها فديتكم والله ..
بس يعني انا كنت كاتبه الموضوع ومتحمسه واخاف يجي بكرا ولا حد يرد ويضيق الوقت علي ..
ولا نروح الكويت خخخخخخخ ..
منوره ياقلبي ..

 

[ضحكه مستعاره]

حياكم الله بديرتكم الثانيه قلبووو تنورونا
بالنسبه للشقق الفندقيه انصحج بمنطقة السالميه والشعب البحري لانها قريبه من كل شي واذا تبين فندق ومنتجع عندج رشاشيك والموفمبيك بس غالي شوي
وبالنسبه للمطاعم عندج فريج صويلح وايام زمان
وللاكل اللبناني عندج ميس الغانم القعده فيه تشرح الصدر واكله حلووووو
وبعد مطعم عبدالوهاب على البحر حلو وايد
والمطاعم الاجنبيه والامريكيه تارسه شارع الخليج وافضلها ابل بيز وفرايديز واطلبي تشيكن فرايديز حددددددده لذيذ وسلطة سيزر لوووووول حدي مطيحه عندهم
والمجمعات
عندج الافنيوز كبير وحلو مع اني ماحبه بس الناس كلها طايحه فيه
والمارينا مول
وسوق شرق حلووووووو وهادي
والفنار بعد احب القعده فيه خصوصا بالنهار والسينما عندهم عجيبه احلاسينما بالنسبه لي
واذا تبين تشترين بدل حلوه واسعارها رخيصه روحي سيتي سنتر السالميه انا شاريه قميص طويل ب 30 دينار لقيته عندهم ب15 ونفسه بالضبط فس الخامه ونفس كل شي
واذا الوالده تبي صوايغ وسوالف الحريم عندج سوق المعلم بالري يعجبها
واتمنى اني افدتج وحياج الله

آللـه ?خــلقني عآإدي ليش ?كثروآ ?حــسآإديْ ؟!

 

[فووشي]

اختي ضحكه مستعارهـ

الله يحيكـ يا قلبي ..
والله شوفي لما تكون الشقق نظيفه وحلوه ولا الفنادق مو مهم السعر ..
بس انا حطيته تقريبي ولو صار فيه شقق احلا و اغلي مو مشكله نروح لها ..
اممم خلاص اجل نحط مجمع ستي سنتر بالقائمه الي نبي نزورها ..

ومشكوره مره مره ع افادتكـ لي ..
ويعطيكـ العافيه ..
ماقصرتي وربي ..

\\

بنآآت ابغى مجمعاات بعد غير الافنوز و ستي سنتر ..
مجمعات كبيره وحلوه وفيها اغلب الماركات العالميه ..؟

 

[miss thrba]

هلا والله حبيبتي ..

حيآآآج الله بديرتج الثآآنية وبتنور الكويت ..

وطلعت لج رابطين من المنتدى وما قصروا اللي كاتبين المواضيع ..


هذا اول رابط http://www.q8yat.net/showthread.php?t=415614

وهذا ثاني رابط مهم حييل لج كل شي فيه وما قصرت اللي نزلت الموضوع http://www.q8yat.net/showthread.php?t=272696

و اي شي تبين انا حاضره حبيبتي ..

 

[miss thrba]

واهم شي تروحين سوق المباركية سوق بالكويت كبير حييل وقديم بس انا حيل احبه

روحوله بالليل لانه حر ..

وان شاءالله تستانسون ..

 

[فووشي]

تم تسجيل سوق السلمانيه في القائمه ^^ ..
مشكوره خيتو افدتيني بالروابط ..

\\

بناااااااات بسألكم وين يعرضون المسرحياات ..؟!
وابغى مسرحيات حلوه تعرض عندكم ..؟؟

 

[ضحكه مستعاره]

تم تسجيل سوق السلمانيه في القائمه ^^ ..
مشكوره خيتو افدتيني بالروابط ..

\\

بناااااااات بسألكم وين يعرضون المسرحياات ..؟!
وابغى مسرحيات حلوه تعرض عندكم ..؟؟

بالصيف مافي مسرحيات يالغاليه
وبالنسبه للمجمعات في مجمعات وايد بس ذكرنا لج احسن شي
ولعيونج بقولج جم واحد بعد

عندج مجمع المهلب بحولي حلوووووو بس لاتروحين الصبح ماراح تدشين حولي من الزحمه

وبعد ليلى غاليري واغلبه محلاته بدل سهره وساعات

وعندج مجمع الكوت وماجيك حلوه القعده فيه وفيه العاب حق اليهال

ومجمع زهره مع انه هالمجمع انا ماحبه يصكني اكتئاب اذا رحت له بس تلقين فيه بدل حلوه وفيه بدل سهره راقيه بس اسعاره غاليه شوي

والمنتزهات
اكوابارك هذا مدينه مائيه ويوم الثلاثا يكون للحريم بس انصحج تروحين تبردين بهالحر
وفي قرية المسيله المائيه واعتقد يوم السبت والثلاثاء تكون للحريم

وعندج بعد شاليهات الخيران حلوووووه وايد منتزه كامل فيه كل شي تقدرون تروحون له يوم كامل تستانسون فيه بس ماكو شاليهات للحجز فل بس مو ظروري الشاليه روحو استانسوا وردوووو

وفيه المدينه الترفيهيه بالدوحه حلوه وتستانسون فيها انتووووو واليهال بعد

واتمنىا كون ساعدتج بشي وحياج الله حبيبتي

ورد

آللـه ?خــلقني عآإدي ليش ?كثروآ ?حــسآإديْ ؟!

 

[هجووورة]

يا مرحبا باهل السعودية
بما انكم راح تمرون علينا ترا جنوب الكويت حلو مثل
المنشر والكوت وسوق الفحيحيل وفيه سوق فيه تقليد ماركات وشغلات كويسه للهدايا اسمه بازار
وعندنا اسواق الفروانيه سوق الضجيج يبيعون سجاد وتحف والمترو وحمرا مول وفيه سوق متروس خياطين اسمة مجمع العربيد اذا تبين دراريع ويخيطون في ظرف يومين
سوق النقرة والمجمع الشمالي حلو وهو في منطقة حولي وفيه كذا مطعم بس ارشح مطعم حسني في مجمع زخرف
سوق المباركيه مالنا غناه عنه مجمع الصالحيه للماركات المارينا سوق شرق
المطاعم الكويتيه فيه بالفحيحيل في مجمع اجيال المجمع يهبل المطعم اسمه فريج عقاب وعنده مجمع العنود
بالسالميه فيه فريج صويلح
الاماكن الترفيهيه
مجمع كويت ماجيك في ابو حليفة في الجنوب منتزه الشعب الترفيهي المدينه الرفيهيه منطقه الدوحه المركز العلمي السالميه
انا تعبت والبنات ماراح يقصرون حياكم الله