- إنضم
- 23 أكتوبر 2010
- المشاركات
- 112
- مستوى التفاعل
- 0
- النقاط
- 0
هالكلام موجه للامهات للي عندهم بنات وخصوصا البنات الصغار من واقع تجربة مريت فيها واحاول اني ما اعرض بنتي الى هالشي وهو مدى اهتمامها بشكلها...يمكن تحسون انه الموضوع ماله داعي او تافه بس صدقوني الموضوع جدا مهم ويأثر على النفسية الى حد ما البنت تكبر وتتزوج...
اتذكر يوم كنت صغيرة كان امي مهتمة انه لبسي دائما يكون نظيف وشعري ممشط فقط لا غير وماكان عندي سوالف اكسسوارات وانه الجوتي لازم مناسب للبس(هذا من ناحية اللبس)
من ناحية الشكل عمري ما حسيت اني حلوة او فيني ش يجذب يمكن لانه الل حولي من عايلتي ما نمو فيني هالشي غير البنات اللي من عمري وكانت كل وحدة فيهم اعوب من الثانية وعوابتهم تطلع على الطوفة اللي اهي انا
وخصوصا طنازتهم على شكلي او لبسي وانه ما عندي ذوق...
كبرت ونما عندي هالاحساس والثقة في شكلي زيرووو وكنت استغرب من بنات المدرسة اذا مدحوا شكلي وقالوا اني حلوة كنت اقول في نفسي اكيد يجاملون او يتطنزون ...الى حد ما تزوجت وكان عندي هالاحساس حتى وزوجي يمدحني كنت استغرب منه اقول امبيه الظاهر اني فعلا حلوة وانا ما ادري ...انا مو ملكة جمال وجسم مخصر وشعر لنص الظهر ولا كيم كارديشيان زمانها هههه..عندي عيوب في جسمي وشكلي حالي حال غيري بس ما كنت اعرف اغطيها او اعالجها او اني اطلع الاشياء الحلوة اللي فيني بس زين اني تدراكت نفسي وبديت اهتم بنفسي بس على كبر...
اللي قررته اني ما اخلي بنتي تعيش هالشي كنت من صغرها واهي بعدها عمرها شهور اهتم في ادق التفاصيل في لبسها وشكلها لازم كل شي متناسق علشان اعودها والحين كبرت وصار عمرها 10 سنوات وبديت اعودها على سوالف البنات اللي تكون مناسبة لعمرها وهذا اهم شي علشان تعيش طفولتها وبرائتها يعني مثلا تعودت على الاكسسوارات والشنطة اللي لازم تطلع فيها غير نظافتها الشخصية اليومية وهذا جدا مهم لازم البنت تتعود عليه مع العطر الخاص فيها...والنقطة الاهم اني اعزز ثقتها بنفسها حتى لو فيها عيب مثل شعرها مسكينة اهي مو ناعم شعرها بس ما خليتها تتعقد من هالشي بالعكس كنت اسوي لها بطريقة حلوة واغطي عليه بالشباصات والشرايط اللي تلفت النظر وتخليها مميزة وهذا فعلا اللي صار...
تصدقون اكثر من وحدة تقول لي ياريت بناتنا مثل بنتج في نعومتها وانوثتها...بس في شي حبيت انبهكم عليه وهو ان يكون حدود الى هالشي يعني مو كل شي تطلبه يخص البنات اعطيها اياه خصوصا اذا هالشي اكبر من عمرها ولاحقة عليه.
اخر شي وادري قرقرت وايد والاهم من هذا كله واللي لازم نسويه هو التربية على الاخلاق والالتزام في الدين يعني ما اربيها على الاهتمام بالشكل بس وانسى التربية الدينية والاخلاق لانه كل هذا ما بينفعها اذا كبرت وصارت وحدة من بره شكل حلو ومن داخلها مجوف لادين ولا تربية ولا اخلاق..
الله يخلي بناتكم ويحرسهم من كل عين :eh_s(8):
اتذكر يوم كنت صغيرة كان امي مهتمة انه لبسي دائما يكون نظيف وشعري ممشط فقط لا غير وماكان عندي سوالف اكسسوارات وانه الجوتي لازم مناسب للبس(هذا من ناحية اللبس)
من ناحية الشكل عمري ما حسيت اني حلوة او فيني ش يجذب يمكن لانه الل حولي من عايلتي ما نمو فيني هالشي غير البنات اللي من عمري وكانت كل وحدة فيهم اعوب من الثانية وعوابتهم تطلع على الطوفة اللي اهي انا
وخصوصا طنازتهم على شكلي او لبسي وانه ما عندي ذوق...كبرت ونما عندي هالاحساس والثقة في شكلي زيرووو وكنت استغرب من بنات المدرسة اذا مدحوا شكلي وقالوا اني حلوة كنت اقول في نفسي اكيد يجاملون او يتطنزون ...الى حد ما تزوجت وكان عندي هالاحساس حتى وزوجي يمدحني كنت استغرب منه اقول امبيه الظاهر اني فعلا حلوة وانا ما ادري ...انا مو ملكة جمال وجسم مخصر وشعر لنص الظهر ولا كيم كارديشيان زمانها هههه..عندي عيوب في جسمي وشكلي حالي حال غيري بس ما كنت اعرف اغطيها او اعالجها او اني اطلع الاشياء الحلوة اللي فيني بس زين اني تدراكت نفسي وبديت اهتم بنفسي بس على كبر...
اللي قررته اني ما اخلي بنتي تعيش هالشي كنت من صغرها واهي بعدها عمرها شهور اهتم في ادق التفاصيل في لبسها وشكلها لازم كل شي متناسق علشان اعودها والحين كبرت وصار عمرها 10 سنوات وبديت اعودها على سوالف البنات اللي تكون مناسبة لعمرها وهذا اهم شي علشان تعيش طفولتها وبرائتها يعني مثلا تعودت على الاكسسوارات والشنطة اللي لازم تطلع فيها غير نظافتها الشخصية اليومية وهذا جدا مهم لازم البنت تتعود عليه مع العطر الخاص فيها...والنقطة الاهم اني اعزز ثقتها بنفسها حتى لو فيها عيب مثل شعرها مسكينة اهي مو ناعم شعرها بس ما خليتها تتعقد من هالشي بالعكس كنت اسوي لها بطريقة حلوة واغطي عليه بالشباصات والشرايط اللي تلفت النظر وتخليها مميزة وهذا فعلا اللي صار...
تصدقون اكثر من وحدة تقول لي ياريت بناتنا مثل بنتج في نعومتها وانوثتها...بس في شي حبيت انبهكم عليه وهو ان يكون حدود الى هالشي يعني مو كل شي تطلبه يخص البنات اعطيها اياه خصوصا اذا هالشي اكبر من عمرها ولاحقة عليه.
اخر شي وادري قرقرت وايد والاهم من هذا كله واللي لازم نسويه هو التربية على الاخلاق والالتزام في الدين يعني ما اربيها على الاهتمام بالشكل بس وانسى التربية الدينية والاخلاق لانه كل هذا ما بينفعها اذا كبرت وصارت وحدة من بره شكل حلو ومن داخلها مجوف لادين ولا تربية ولا اخلاق..
الله يخلي بناتكم ويحرسهم من كل عين :eh_s(8):
