الى متى يا الكويت الحاضر ؟؟؟

[MisS *-* BMW]

السلام عليكم ورحمه الله وبركاته

بصراحه بدش بالموضوع على طوول وانا حدي متضايقه ومهمومه حيل من اللي قاعد يصير واللي قاعدين نسمعه وانشووفه ؟؟ من حقي من حقي ايه لانه هاذي ديرتي مني وفيني ولاني كوني مواطنه قاعده امثلها ..!

الى متـــــــــــــــــــــــــــــــــى ؟؟؟ يا الكــــــــــــــــــويت الى متـــــــــــــــــــــــــــــــــــــــــى ؟؟؟


للأسف كل ما اكبر سنه بعد سنه اشوف الوضع ببلادي الكويت الحبيبه قاعد يحبط ويحبط الى الاسفل ؟؟ ليش يا بلادي ليش

ليش كل الدول ما شاء الله قاعده تصعد واحنا قاعدين ننزل ليش ياكويت ؟؟

انلوم منو ؟؟ انلووم الديره والوزراء ؟؟ ولا انلوم الشعب ولا انلوم منوو بالضبط ؟؟

ليش يا الكويت كل شيء يمشي بالواسطه ؟؟ علشان هذا يعرف الثاني ويصير له او من قرايبه خلاه يصير مدير شركه او دزه علاج للخارج او خرجوه من الثانويه بالخش والدس او او او او او ؟؟؟؟ واللي مسكين ما عنده واسطه ويايب 4 نقاط وقعدوه بالديره وغير وغير وايد حالات انشوف ونسمع الى متى يا كويت هل ظلم ؟؟؟

وين كنا ووين صرنا ؟؟ وين اول ايام الكويت لمن الكل كان يشتغل ويتعب علشان هل الديره ويسوي ويعطي من نفسه وين كنا اول ووين صرنا ؟؟ ليش اول ما كنا انعرف هذا شيعي وهذا سني وهذا بدوي وهذا حضري ؟؟ ليش لمن صار الغزو كل كويتي ( سني - شيعي - بدوي - حضري ) وقف علشان هل الديره ؟؟؟

ليش جذي قاعد يصير فينا ؟؟ وليش اغلب الناس ودول الخليج وغيرهم يقولون عنا شعب الكويتي شعب مغرور ؟؟؟ ليش ؟؟

على شنوو مغرور ؟؟؟!!! علشان قاعد بالبيت نايم وما يداوم حاله حال باجي الموظفين لانه عنده واسطه قويه وساحب على الدوام ؟؟ هذا يدل على الغرور اصلا هذا فشل وكسل !!!!

((( يلي اتمثلون الكويت ))) >> تطلعون بالتلفزيون كل واحد شواربه تارسه ويه طول وعرض على شنو ؟؟ علشان بس تتهاوشون واتصارخون والكل يشوفكم وبضحك عليكم ؟؟ قالوا ديموقراطيه شنو هل ديموقراطيه اللي اتخلي الناس تضحك علينا ؟؟ !! شنو فايدتهم اصلا بس علشان واسطات ؟؟؟! ومعارف وقبايل وهيبه على شنوو ؟؟ سوو شيء مفيد حق الديره ما شفنا شيء ؟؟؟


ويييييييييييينكم يا وزاااره الاعلااااااااااااااااام تعالوا شوفوا المصيبه !!! دول الخليج وغيرهم قاعدين يتكلمون عنااا ويلووموناا بروحهم يشوفونا شعب مغرور بعد اتصير سوالف ومشااكل عزه الله محد حبنا عزه الله كرهوووناا ؟؟

باجر الله لا يقوول اذا صار شيء محد راح يووقف معانا ويفيدنااا ..!! باجر خل واسطااتهم وهيبتهم تنفعهم !!! على شنو هل الطل !!!!!!!!!!!!!!

قهررر والله قهرر اشووف الناس يتكلمون عن ديرتنا انتوا وانتوا يالكويت ؟؟؟ حتى اللي بره قاموا يقولون انتوا اكثركم شيعه وايرانيين وعراقيين وحاله ؟؟؟؟

منو خلاهم جذي يقولون منو اللي خلاهم يتماادون ؟؟؟؟؟ منو تدرون منو ؟؟؟؟ ((((((((((( احنا يالكويتين ))))))))))

واللي طلع علينا مره وحده وقال بره السور وداخل السوور بالله هذا شنوو منو هذيلا اللي قاعدين يدزون هل حثاله علشان
يفرقوون بينا ؟؟؟ يبون يهدموون الديره يبوون يكرهونا ببعضنا ..!!!

الى متى يا وزاره الاعلام اللي قاعده اتشوه صووره بلادنا جداام خلق الله !! واتخرب من عاداتنا واخلاقنا كبير وصغير واسره قاعده اطالع هل تلفزيون ...! وينكم نطرنا سنه سنتين 3 و4 وماكو فايده ؟؟

الى متى يا قناااه سكوب ؟؟ شنو هل قنااه اللي مالها غير المشاااكل والتفرقه ؟؟؟

منو المسؤوووول ؟؟ احنااااااا يالشعب ؟؟؟ ولا منوووو وينكم ؟؟؟؟؟؟؟؟؟؟؟؟؟؟؟؟؟؟ ولا علشان واسطه وخليتووها

يلعن اممممممممممممم الواااسطه محد قاعد يهدم ديرتنااا علشااان هل واااسطه ...

تدروون اقولكم شيء تبوون تستاانسون بمطااار قطر كااتبين ..

(( كويت الماضي ودبي الحاضر وقطر المستقبل ))

الله يرحم اياام اول لمن كانوا يقولون الكويت ارض الخير والنعمه والكل كاان يتكلم عناااااااااااااا والحين شنو ؟؟

ولو بتكلم بعد مراح اخلص والله وغير وزاره الاعلام ووزاره التربيه !! ديره خير ونعمه الحمدالله .. ! مكيفات بالمدارس والكليات الحكوميه نصها خربانه ؟؟ وتسريب الامتحانات وغير وغير هذا بروحه موضووع ثاني ..

ووزاره الصحه ؟؟؟ اعيالنا ومرضانا قاعدين يموتوون وسبه هل دكااتره اللي حااطينهم وين المسؤوولين عنهم ؟
وين المشرفين ؟؟؟؟؟؟؟؟؟؟

حتى بحرنااااااااا تغير ..! وصار ملوث والواحد ما يقدر يدشه ؟؟؟ ليشششششششششش منو المسؤووول بعد ؟؟؟؟

والحوادث اللي قاعده تكثرررر بالديره والسرقه والجراايم اللي قاعده اتصير ؟؟ هم ليش ؟؟؟ منو المسؤوول وين وزير الداخليه ليش لمن اسافر امريكااا ولندن واستراليا وغيرهم اشوفهم اهناك كلهم ملتزمين بالقانون ليش احنا لأ ؟؟ ليش فيه تهور وتشفيط وسرعه وسباق بالشارع ..! ويييييييييينهم ؟؟؟؟ نايمين ؟؟؟

شنو اللي قاعد يصير بالضبط ؟؟ كل ماله والامور تسيء اكثر واكثر !! حتى بالشوارع ومواقع الانترنت كويتين !! يعايرون بعض هذاك يقوله انت بدوي وصخ وهذا يقول روح يا حضري يا الناعم ؟؟ وبعدين يعني ؟؟؟ وهذا يقول روح يا سني وهذاك يقوله ..... اقصاك شيعي ؟؟؟ ليش

حتى بمنتداانا كويتيااات ..! اشوف ساعات مواااضيع بصراحه انقهر منهاا حيل ويعورني قلبي والله تدرون ليش ؟؟؟

لاني اناا بعد منكم وفيكم كلناا وااحد بدوي حضري شنو يعني يمكن امي اتكون بدويه وابوي حضري او العكس ويمكن امي شيعيه او ابوي سني ؟؟؟ وهذا من عايله وهذا من عايله ؟؟ شفيييييييييييييييييييييكم ؟؟؟؟

((((((((((((( احناااااااااااا اهل والكويييييييييييييت صغيييييييييييييره وكلنااااا واااحد اذا احنااااا ما حطينااا حد حق نفسهاااااااا الناااس كلها راح تتكلم عنااااااااااااا ولازم نووووقف بويه عدووناا اللي يحااول يفرق شعب الكويت ويحاول يفرق الكويت مع الدول الثااانيه )))))))))))))


لازم انسوي شيء لانه كل وحده اتمثل ديرتهاااا ونبي اتكون ديرتناا احسن دييرررررره مو بس بالكلام احنا نفتخر ومادري شنو ومن هل كلام نبييييييييييي قوووووول وفعللللللللللل وانا معااااكم واولكم لانه قلبي قاااعد يحترق هل ديرتناااااااااا والله
ولااااااااااااازم انكون ضد الواسطه وضد اللي يفرقووون بيناااا وضد الاهمااال اللي قاعد يصير بالديره ...!

اااااااااااااخ يا قلبي عليييييييج يالكويييييييييييييييييييت والله اني احبج حب ومستعده افديييييييييج بعمررري والله
واتمنى اني اموووووووووت شهييده علشاان هل وطن الغالي واحب شعب الكويت كلهم
كلهم واللي اقصده بدوي حضري سني شيعي كلناااااااا للكويت ..............


الى متــــــــــــــــــــــــــــــــــــى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بليز بنات ردوا علي

لي متى بنظل ساكتين لي متى ؟؟؟؟؟؟؟؟؟؟؟؟

واسفه اذا طولت عليكم او قلت كلام ما اقصده بس بصرااحه شيء يحزن حيل على اللي قاعد يصير وساامحوووني ويعطيكم العاااااااافيه بناات قواكم الله :eh_s(7):

اختكم
MisS *-* BMW

 

[MisS *-* BMW]

Up Up

 

[ROZE]

اي والله عزالله انج صاجه بكل كلمه .. والله ان هالواسطات اللي تمشي عليها الديره يا انها ابتطلع علينا باجر اغلى من بيع السوق اشتسوى علينا يعني ...

وربي وانا اقرى موضوعج كش شعر جنبي من هالكلام لانه جد يضيق الصدر وحسساااافه حسسااافه صارت جذي الكويت .. قبل كانت كل دول الخليج خاصة اتحب الكويت وحتى شعبهم يحبون شعب الكويت وكانو على ايد وحده وقلب وااحد انا ابي اعرف شاللي خلاهم جذي يقلبون وبدو يكرهونه ... ولا بعد اللي يزيد الطين بله هالبرودكاسات اللي هابين فيها وقمتو ادزدزون فيها بدال ما اتوقفونها عندكم علشان ماتصير شوشره .. والله قهر قاعده اتكلم وانا مرتفع ضغطي صراحة اشوف جذي الكويت ينقال عنها وكلن قام يغير نظرته للكويت على اشياء وربي ما تسوى .. بس ما اقول الا حسبي الله ونعم الوكيل عاللي سوا جذي بالديره وعكسوا صوره مو حلوه لدول الخليج الباقي .. وحسبي الله عالاعلام اللي مو مقصر قاعد يزيد الطين بله بدال ما يخلون الطابع مستوور ..

سلمتي يالغاليه عالموضوع اللي يعور القلب صراحه

 

[MisS *-* BMW]

:eh_s(2)

اي والله عزالله انج صاجه بكل كلمه .. والله ان هالواسطات اللي تمشي عليها الديره يا انها ابتطلع علينا باجر اغلى من بيع السوق اشتسوى علينا يعني ...

وربي وانا اقرى موضوعج كش شعر جنبي من هالكلام لانه جد يضيق الصدر وحسساااافه حسسااافه صارت جذي الكويت .. قبل كانت كل دول الخليج خاصة اتحب الكويت وحتى شعبهم يحبون شعب الكويت وكانو على ايد وحده وقلب وااحد انا ابي اعرف شاللي خلاهم جذي يقلبون وبدو يكرهونه ... ولا بعد اللي يزيد الطين بله هالبرودكاسات اللي هابين فيها وقمتو ادزدزون فيها بدال ما اتوقفونها عندكم علشان ماتصير شوشره .. والله قهر قاعده اتكلم وانا مرتفع ضغطي صراحة اشوف جذي الكويت ينقال عنها وكلن قام يغير نظرته للكويت على اشياء وربي ما تسوى .. بس ما اقول الا حسبي الله ونعم الوكيل عاللي سوا جذي بالديره وعكسوا صوره مو حلوه لدول الخليج الباقي .. وحسبي الله عالاعلام اللي مو مقصر قاعد يزيد الطين بله بدال ما يخلون الطابع مستوور ..

سلمتي يالغاليه عالموضوع اللي يعور القلب صراحه

الله كريم شقوول غير حسبي الله ونعم الوكيل وكل ما صار شيء قالوا عنا احنا سوينا لكم بالغزو ووقفنا معاكم نسيتوا

!! وهم الكويت سوت سوت حقهم وحق بره الكويت !!!! بس عيب الواحد يقووول ويذكرررر ويتمنن على خق الله

شقول ااخ ياااقلبي !! خلوها على اللله :eh_s(2)::eh_s(2):

 

[ذكرى الفراق]

رد : الى متى يا الكويت الحاضر ؟؟؟

معقووولة كل هالكلام ومااافيه ردود !!...اجل لاتستغربين ..؟...حنا مابيدنا الا الكلام ...والدعاااء ..شنسوي..بعد؟

 

[فجوره99]

قهر الناس يتقدمون و احنا نرجع

مشكوره قلبي .....

 

[taylee]

رد : الى متى يا الكويت الحاضر ؟؟؟

والله إنج بجيتيني من كلامج ما أقووول إلا حسبي الله ونعم الوكيييل,,ىنا بحااول أنشر موضووعج عن إذنج حبيبتي

 

[منوووووله]

احنا قبل 20 سنه كان ينضرب فينا المثل وكانو يسمونه عروس الخليج و

كانت الدول المجاوره مالها حس شوفي التطور الي صار من بعد الغزو الي يمنا كلهم تطوروو وحنا بالنازل

تقولين عين ماصلت عالنبي ؟!!

 

[جننها السعودي ]]

اسم الله ع الكويت .. بتظل عروس الخليج ~
سحآآبة صصيف وتعدي ربي يحفظها ويحفظ شعبها من كل شر
وان شاء الله كل خليجنا يتقدم اكثر واكثر

 

[وحشني شوف الكويت]

رد : الى متى يا الكويت الحاضر ؟؟؟

* إن آية حب الكويت أن نحافظ على وحدتها وأن نعمل على تقدمها

حقيقة رغم كل الكلام اللي ذكرتيه النابع من قلب يخاف على مستقبل وطنه ويتمنى لديرته كل خير ومزيداً من التقدم والازدهار

لكن حبيبتي تطمني

الكويت كانت ولا زالت و سوف تظل للأبد هي "عروس الخليج" رغم كل الظروف

ورغم كل الحاجات الموجوده التي طرحتيها سواء واسطه او غيرها

صدقيني بإذن الله

الكويت ستبقى شامخه

الكويت ستبقى حره أبيه

الكويت ستبقى مرفوعة الرأس

الكويت ستبقى في العلالي رغم انف الحاقدين

الكويت ستبقى بلا شك بشعبها المخلص الوفي الطيب اللي كلهم على قلب واحد وهالقلب هو الكويت والشعب دار مادارها

ربي يحميها ويحفظها من كل شر ويحفظ اهلها وناسها ومحبيها

وعساها دوم ياربي في تقدم ورقي وحضاره وإزدهار

* إخواني أهل الديره سلمت الكويت وسلمتم من كل شر وعاشت الكويت وعشتم حماة لها وأبناء برره لترابها ومثلها ودامت ودمتم متمسكين بمبادئها الخيره مدافعين عن سيرتها الإنسانيه الطيبه وعقيدتها الإسلاميه السمحاء

رحمك الله ياجابر الخير وأسكنك فسيح جناته

وحفظك الله ياشيخ صباح وأطال الله في عمرك ووفقك لما تحب وترضى

في أمان الله وآسفه ع الإطاله

​

 

[الكتكوته]

الله كريم خليج متفاءله

 

[توووحهـ]

رد : الى متى يا الكويت الحاضر ؟؟؟

الله كررررررررررريم

بس صدقيني العيب مو فينااا العيب في الاعلام الفااااسد للاسف اللي يثير النعرات بين الشعب

ويعطيج العافيهـ اختي .. على الموضووع الراائع ..

 

[MisS *-* BMW]

الحمدالله على كل حااال والله بناات كلامكم على عيني وراااسي

ويالله يااارب الله يخلينااا لبعض ويحفظظظظظ ديرتناااااااااااااااااا من كل شر وحساااد اللهم اميييين

والله لو كل وااحد يسوي اللي عليه لو اقل شيء والله بناات انه يحاافظ على نظاافه هل الديره ويصير قدوه لا تضحكون على كلامي والله جد

ولو كل وحده تلتزم بدواامها مو علشان المدير ولا مسؤولها لا اول شيء علشاان رب العالمين يحلل المعاش وثاني شيء علشان هل الديره الغاااليه

فكروا اي شيء اتسوونه بحيااتكم ايجااايبي ما يفيدكم انتوا بس كشخصكم انتوا لأ علشان خااطر هل الديره الغااااليه

عسى ربي يخلينا لبعض ويحفظ ديرتناااا من كل مكروه اللهم امييييييييييييييييييييين :yaaaaaarb:

ومشكورين بنااات ع المرور :eh_s(7):

 

[تذكر خافقي رمحك]

والله انا عندي أمل بسيييط ان الكويت اترد مثل أول وأحسسن
بس لو نفتك من هالمجلس ونوابه وانييب نواب صج قلبهم عالديرة واتهمهم مصلحتها
ويارب مايخيب ظني​

 

[ســتارز]

لو كل مسؤال حط مراقبة رب العالمين فوق راسه وبضمير وبذمة ادى شغله وعامل موظفينه على حسب شغلهم وشطارتهم

بدون تدخل الواسطات والمحسوبيات بيغدي شرنا باذن الله

 

[Un!QuE G!RL]

وين نتطور ولا نصعد مشاريعنا كلها راحت بره لانه اهني كل ما قدمو مشروع رفضووو ياخذون ربعهم بس
وبس شاطرين الكويت انترست مطاعم ومجمعاااات شووفووو دول بره والمجاوره ماشاء الله شنو قاعده تسوي
احنا بواليع صارهم سنين واقفه والفلوس تتوزع بس خلينا ساااااكتيييين
والله كريييم ​

 

[MisS *-* BMW]

لو كل مسؤال حط مراقبة رب العالمين فوق راسه وبضمير وبذمة ادى شغله وعامل موظفينه على حسب شغلهم وشطارتهم

بدون تدخل الواسطات والمحسوبيات بيغدي شرنا باذن الله

كلامج عين العقل صااجه والله ..

والله كريم ان شا ءالله

مشكورين بنات ع الردود قوااكم الله :eh_s(17):

 

[ScarletteO'Hara]

انا معاج ببعض النقاط و ضدج بنقاط ثانية
كلنا نتمنى ان عجلة التنمية تدور عندنا
بس ما يوصل فينا الحال ان نقارن ما بيننا و بين الدول المجاورة
شدعوة هذا بدال ما نفرح حق غيرنا نندب بحالنا؟
انا ضد اسلوب التذمر
بتضحكون الناس علينا
ما مر عليج مثل " لو دامت لغيرك لما وصلت اليك"؟
الواحد لي وصل فوق شنو جدامه غير انه يرد بنزل؟
الحمدلله املي بالكويت كبيير مع جيل الشباب الواعي و عارف خماجير نواب مجلس الامة
راح نرد بالقمة ان شاء الله
و نظرة الغير كويتيين لنا ما تهز فينا شعره
لان احنا شعب مكروه لو سوينا خير فإلي يكره و يقول عنا مغرورين ما يهمنا
القافلة تسير......
و على اي اساس تم تحديد الكويتي على انه موظف ربادي؟
هذا ظلم للموظفين
اذا في جم وزارة مسيبة موظفينها
عندج وزارات ثانية ضابطة موظفينها و اهم امشين الديرة
الحمدلله بالكويت عندنا الامن الي ما تحصلينه بمكان ثاني
و كلنا بغنيننا و فقيرنا عايشين عيشة الملوك الي غيرنا ما يحلم فيها
جان ما شفتي كل من متشفق على الجنسية الكويتية للمزايا الي توفرها لمواطنينها
الكويت مو ضروري تنترس ناطحات سحاب عشان نموت بترابها
عادي عندي اني اعيش فيها على حصير و لا راح تيي ديرة ثانية بعيني بعد ديرتي و ديرة اهلي
اسمحيلي الغلط مو من الكويت
من النواب الي انتوا يا كويتيين مختارينهم
الحمدلله صوتي ما عطيته لأي واحد فيه الله لا يغير علي لان محد يستاهل
الواسطات و المحسوبيات ما يت الا من ورا اصواتكم
فلا تتذمرون على اختياراتكم
لو كل واحد حط الكويت جدام عينه قبل ما يصوت جان ما شفتي هذا حالنا
الغلط من الكويتيين
لا تركبون الكويت الغلط و احنا من طلعنا على هالدنيا من بعد الله سبحانة و تعالى ما خلتنا نحتاج شي
عموما حبيبتي ادري فيج قلبج محترق على الي قاعد يصير بالكويت
بس ما قدرت ما رد و اقول لج وجهة نظري و ان شاء الله تتقبلينها بصدر رحب
:eh_s(8):

 

[MisS *-* BMW]

انا معاج ببعض النقاط و ضدج بنقاط ثانية
كلنا نتمنى ان عجلة التنمية تدور عندنا
بس ما يوصل فينا الحال ان نقارن ما بيننا و بين الدول المجاورة
شدعوة هذا بدال ما نفرح حق غيرنا نندب بحالنا؟
انا ضد اسلوب التذمر
بتضحكون الناس علينا
ما مر عليج مثل " لو دامت لغيرك لما وصلت اليك"؟
الواحد لي وصل فوق شنو جدامه غير انه يرد بنزل؟
الحمدلله املي بالكويت كبيير مع جيل الشباب الواعي و عارف خماجير نواب مجلس الامة
راح نرد بالقمة ان شاء الله
و نظرة الغير كويتيين لنا ما تهز فينا شعره
لان احنا شعب مكروه لو سوينا خير فإلي يكره و يقول عنا مغرورين ما يهمنا
القافلة تسير......
و على اي اساس تم تحديد الكويتي على انه موظف ربادي؟
هذا ظلم للموظفين
اذا في جم وزارة مسيبة موظفينها
عندج وزارات ثانية ضابطة موظفينها و اهم امشين الديرة
الحمدلله بالكويت عندنا الامن الي ما تحصلينه بمكان ثاني
و كلنا بغنيننا و فقيرنا عايشين عيشة الملوك الي غيرنا ما يحلم فيها
جان ما شفتي كل من متشفق على الجنسية الكويتية للمزايا الي توفرها لمواطنينها
الكويت مو ضروري تنترس ناطحات سحاب عشان نموت بترابها
عادي عندي اني اعيش فيها على حصير و لا راح تيي ديرة ثانية بعيني بعد ديرتي و ديرة اهلي
اسمحيلي الغلط مو من الكويت
من النواب الي انتوا يا كويتيين مختارينهم
الحمدلله صوتي ما عطيته لأي واحد فيه الله لا يغير علي لان محد يستاهل
الواسطات و المحسوبيات ما يت الا من ورا اصواتكم
فلا تتذمرون على اختياراتكم
لو كل واحد حط الكويت جدام عينه قبل ما يصوت جان ما شفتي هذا حالنا
الغلط من الكويتيين
لا تركبون الكويت الغلط و احنا من طلعنا على هالدنيا من بعد الله سبحانة و تعالى ما خلتنا نحتاج شي
عموما حبيبتي ادري فيج قلبج محترق على الي قاعد يصير بالكويت
بس ما قدرت ما رد و اقول لج وجهة نظري و ان شاء الله تتقبلينها بصدر رحب
:eh_s(8):

بالعكس حبيبتي احترم رااايج .. وصااجه كلامج صح بس اناا ما عطيت صوتي حق احد ولا رااح اعطي توني دااخله 22 سنه ومو كل شيء على النواب صح النواب مسوين قلق عندناااا وعلى الفااااضي

بس اتكلم عن الكويتي نفسه لو كل وااحد يعطي من قلبه حق ديرته مو وااسطه ولا شيء ثااني والله يمكن انفيد الديرره ع الاقل ... وتسلمين حبيبتي ع المرور وبالعكس احترم وجهه نظرج يالغلاااا :eh_s(17): تسلمين ع المرور وقوااج الله

 

[بعد^الحب]

الله كريم
يعطيج العافيه اختي