الينسون الصيني

[نادره في وجودها]

انا كل ما رحت الحواي سألته عن الينسون الصيني يقولي ما فيه

بس اللي استغربت منه يا بناعت اني يم لحيت على جان يجي العجمي يعني الايراني

قلتللااا دورلي مني مناك قالي جم واحد يبي قلت واحد بس قال اوكي صبري

صبرت جان يجيبه لي خاشه مادري ليش يعني حاطه بكيس واهو داخل علبه ليش مادري بس طعمه يوم ذقته كأأأأن دوااا

بس ليش يخشه وليش يقول ما فيه يوم لحيت عليه طلعااا هاااه تكفون يا بنات فيدوني العلبه شريتها بدينار ونص

 

[DLOOOO3a]

و الله ما ادري الله يستر بس اتوقع ان هذاك كان ما يدري ان فيه يعني ليش ما يمشي بضاعته !!

 

[نادره في وجودها]

مشكوره حبوبه على الرد

 

[o-2ansa candy-o]

شكله مشكوك فيه!!

ليش ما تاخذين الينسون العادي اللي بالجمعيه
أضمن

 

[نادره في وجودها]

يو يو يو
شربته طعمه مشبه عليه دوااا بس ما دري شنو اهو حق الكحه

شكل الحبه مثل النجمه نقعته وشربته والله السااااتر بس ابي اعرف بنات المنتدا ليش قالوا الينسون الصيني ما قالوا الينسون العادي

شكرا حبوبه على الرد

 

[كويتيه رزتها ملكيه]

جربى تودينا عن عطار ثاانى شوفى شيقولج

 

[immortelbk]

والله ماعندي فكره ياليت البنات يفيدونا

 

[نادره في وجودها]

يا بنات فيدونا الله يجزاكم خير

شكرا يا الغواااالي ع المرور

 

[فيونكة_وردية]

استغربت من كلاامج امره عجييب ليش التخشش وسويت سيرتج
شكله جذي؟؟؟

بكين / يطلق على اليانسون الصيني اسم اليانسون النجمي لأنه فعلاً يشبه في شكله النجمة، ويشبه في طعمه نكهة عرق السوس، وهو من أحد مكونات خلطة البهارات الصينية الخمس, حيث يستعمل هذا النوع من البهارات منذ قرون بمختلف أغراض الطهي الصيني خصوصاً الوجبات ذات الصلصة الحمراء.
وازداد الطلب مؤخرا على اليانسون الصيني الذي يعتبر المصدر الرئيس لحامض شيكيميك، المادة الفعالة في العقار الموصوف لأنفلونزا الطيور مما أدى إلى ازدياد أسعاره إلى أكثر من الضعف.
وبعض شركات الدواء في الصين حصلت على مئات الأطنان من هذا البهار العجيب وذلك لصنع نسخة محلية من العقار المضاد لأنفلونزا الطيور أو تطوير علاجات أخرى له، الأمر الذي دعم زراعة اليانسون الصيني وأنقذه، إذ أن المزارعين بدؤوا يفكرون في إزالة شجيراته من أجل زراعة محاصيل أكثر ربحا.</H2>

 

[نادره في وجودها]

اى صح هذا الينسون ابو نجمه بس ليش يقول ما في الريال يوم لحييت عليه يابه بعلبه داخل كيس مشكوك بمره هالينسون الله يستر

 

[سلمى الخير]

لان عقار التامفلو مستخرج منه
والصينين قالو الي يشربه ع الريق يحميه من انفلونزا الخنازير

 

[الله يخليني]

الينسون الصيني على شكل نجمة وطعمه وريحته عجيبة حيل حلو ....
وكاني اكتب لج الرد وانا اشربه واستمتع بريحته ...

 

[الصعيريه]

بالعكس حلوو اليانسون الصيني ...

وهو يعتبر وقايه من انفلونزا الخنازير

 

[توته وااااااااو]

والله ما دري

 

[irresistible]

توني ادري ان اهو تصدقون انا شريتة من جمعية الجيش مكتوب علية بهار النجمة يعطي الاكل ريحة حلوة بالصدفة لما شفت صورتة عرفت ان اليانسون الصيني