الين موعد الولاده جم بيوصل وزن الجنين؟؟؟؟

[زبيـده]

:eh_s(16):

الدكتوره اليوم هاوشتني وانا توني بنص الثامن وقالتلي في اسبوعين زاد وزنج وايد طلع انه الجنين اهو الي وزنه ايزيد

توني نص الثامن وصار 2500 يعني الين موعدي حق الولاده قدام شهر ونص كم يووووووصل ...عارفين في اخر الاسابيع يزيد وزن الجنين بسرررررررعه

وش امنع حالي منه من اكل ووش اسوي؟؟؟والرياضه تفككت اعظاااااااااااامي وانا امشي وراس الجنين بعده ما ينزل في الحووووووض

والله خايفه ومكتووووومه

تجاااااااااااااااااربكم يابنات

 

[++MesK++]

حبيبتي تو الناس ليش تبينه ينزل بالحوض الحين !


بالنسبه للأكل ابتعدي عن الحلويات و السكريات


وزن الجنين لين موعد الولاده يختلف من طفل لي طفل ،، في أطفال ينولدون كيلوين و نص و بعضهم ٣ و بعضهم يوصلون ٤


أنا عيالي اوزانهم ما تعدي الـ ٢.٨٠٠

 

[Meeesh]

عادي الى 4 كيلو طبيعي
لاتخافين ووسعي صدرك

 

[زين ودلال]

عادي لا تحاتين يمكن يوصل ٣،٥٠٠ وعادي طبيعييييييي وزنه بنص الثامن مو كبير الحمدلله

وتو الناس على هالسوالف لا تجهدين نفسج حيل

 

[بنت الفوزان]

عادي انا نفس الشي الدكتوره قالتلي كله سهالات من رب العالمين

 

[أم يوسف وأمونة]

الوزن الطبيعي للطفل ٢،٥٠٠ لي٤ كيلوات


عشان لا تعبج الولاده والله يسهل وبالنسبه للراس لازم يكون نازل اصلن بالحوض

 

[kuwaitiya_84]

لاتحاتين عادي والله يقومج بالسلامه انا عيالي الاثنين وزنهم اربعه ونص والولاده سهالات من الله قبل الدكتوره بس بالتاسع امشي وباقي الاشهر مريحه نفسي الا هالحمال تعبني مدرسه عيالي ولاتحاتين

 

[غـرامـي أنـت]

عادي حبيبتي انا بنتي ولدتها وزنها ٣ ونص ..

 

[عذبة الروح..]

لا تاكلين وجبات سريعه ولا تاكثرين كاكو وحلويات والببسي يترس الياهل غازات فيزيد وزنه
الله يتمم على خير

 

[ghadeeeer]

عليه بألف عافية شالمشكلة
البيبي ينولد طبيعي لي 4 كيلوات ومرات أكثر شوي
والتساهيل من رب العالمين

 

[فاطمه محمد]

عادي التساهيل من الله انا يبت ولدي 3.750 ماشالله عادي اكثري من الاستغفار وامشي وايد بالتاسع

 

[كل دنيتي امي@]

عادي حبيبتي لاتحاتين وتعبين حالك

زوجة اخوي شافها الدكتور ببداية الثامن
وجلس يهاوشها وزنك زايد مره
ولازم تخفين
الله لايجزاه خير
وهي سمعة كلامع ماعاد تاكل الا وجبه وحده
وتعبت ونفسيتها انعدمت
ولما جت الولاده تعسرت عليها لان الطفل مافيه حيل يدفع ضعيف
وبغت تخنقه
ولما انولد الا وزنه 1200
كانه دجاجه
وهي ولدت بمستشفى ثاني لما قالت للدكتوره جلست تهاوشها تقول الدكتور اللي قالك كذا موب دكتور ومايعرف

وانتي وسعي صدرك
بس خففي حلويات ووجبات سريعه
خلك ع السلطات والاشياء المفيده

تقبلي ودي

 

[أم عزيـز]

يا قلبي لا تحاتين وكل وحده على حسب جسمها في ناس البيبي عندهم حده 2 كيلو ونص
وفي ناص ما شاء الله يوصل 4
محد مثل الثاني

بس انتي اهم شي لا تاكلين من اكل المطاعم وخففي عيوش ودسم وحلويات
وخليج على الخضروات والفواكة والاكل المفيد
يعني الدياي اكلي الصدر من غير جلد
واللحم حاولي كله يصير مشوي بالفرن من غير دهون وقلاي
والخضروات فوحيهم وايد مفيدين عندج مثل البروكلي وايد مفيد

والروب والالبان والحليب اكلي خالي الدسم واو قليل الدسم

 

[english muffin]

عادي انزين
توكلي على الله
اكو حريم يولدون 4 كيلو وفوق طبيعي

 

[زبيـده]

والله قاعده امنع حالي من السكريات قد ما اقدر

بس فيه احد سمع انه اللبن يزيد من وزن الجنين؟؟او منتجات الالبان بشكل عام

انا سمعت اللبن يتفخ الياهل ....وقاعده احاول اني ما اشربه بس الدكتوره عطتني حبتين كالسيوم في اليوم عشان عندي الام في عضمه العانه ذابحتني....وخايفه اخذهم ....مابي ثقل زياده والله تعبت