اليهال والسفر

[((بومبو))]

شلونكم بنات شخباركم؟؟

انا قررت ان شاالله اسافر النمسا بس بغيت
اخذ رايكم بشغله واسمع تجاربكم عندي ولدي
صغير عمره تقريبا6شهور وانا كلللش ما اقدر اخليه
واسافر وريلي ماوده ناخذه بس مشكلتي متعلقه فيه
ويعور قلبي لو اروح واخليه واهوا اسم الله عليه
الله يحفظه هادي نوعا ما فشرايكم اخذه ولا اخليه
ودي اشوف البنات اللي خذو عيالهم تأذوا؟؟
وانا ادري لو بخليه كلش ماراح استانس
شرايكم بنات؟؟

 

[هونها يارب]

اب اب لعيوناولدج انا لو منج اخاذا

 

[((بومبو))]

حبيبتي تسلم عيونج

 

[((بومبو))]

رفع
رفع
بنات وينكم شدعوه محد يرد؟؟؟

 

[قناديل الخير]

اذا تبين تستانسين وما تفكرين ولاتحاتين اخذية يكون بين عيونج احسن هذا رايي وانتي براحتج

 

[اسرار70]

نفس كلام قناديل الخير
انا لما اسافر واليهال مو معاي كلش ما استانس علي طول تلفونات لا والسفره حدها يومين او ثلاث
الامارات بس
السفرات الطويله اخذهم
مدام مشالله الله يخليه لج هادى اخذيه
سفره سعيده

 

[خــلــود]

عمر 6 شهور مايزعج بالسفر مثل الي عمره سنه وفوق يمشي ويبهذلك
هذا بس قطيه بالعربانه وخلاص وخذي معاج العاب صغيره وطبعا الادويه الضروريه والماميات وغلاية الماي حق الرضعات وبسكويت وخلاص
موفقه اتمنى لك سفره سعيده

 

[ام وحش]

اخذيه وتوكلي على الله انا اخذ كل عيالي معاي لا احاتيهم واحمل غيري مسئوليتهم ،،،بالذات انها سياحه يعني انا استانس وامي والا اختي تتبهذل مع عيالي ،،لا كلش مو حلوه وبعدين هذيل امانه عندي لين اكبرهم وعسا الله يحفطهم ،،،انتي وسعي صدرج بس وكل الامور سهالات

 

[شذى الدعوه]

الله الله يا أم وحش
فديتج كلج حلى كلامج سنع والله
ربى يعافيج ويخليج لعيالج


علما انا قلتها لأنها شجعتنى على سفرتى لتركيا مع عيالى كنت احاتيهم

 

[نـعـومـه]

انا قبل لا اييب ياهل كنت اقول اسافر ومااخذ بنتي اخليها عند امي او اختي بس لما يبتها حسيت صعبه اخليها مااااااقدر

اخذيه احسن حتى لو تعبج شوي عالاقل مرتاحه نفسيا ومطمنه

 

[((بومبو))]

مشكورين بنات ريحتوني بردودكم
بس ادعولي ان ريلي يوافق ناخذه

 

[أغلى حبيبه]

اخذيلج عربانه من سنتر بوينت الخفيفه وتنسدح

واخذي الالعاب اللي تتعلق فيها عشان يلهى البيبي

واخذي بعد التور عشان اتقطينه عن الحشرات

كلهم من سنتر بوينت

واهم شييي روحي المستوصف وقولي حق الدكتور ابي اسافر واصرفلي اهم الادويه حق عمر ولدج

عشان ما تتاذين هناك

 

[ام مهاوش]

والله انا اقول اذا امج او اختج ماعندها مانع تخلينه عندهم خليه وروحي استانسي اما اذا ماكنتي تقدرين تخلينه عند احد اخذيته النمسا اغلب رحلاتها بالتلفريك ماراح تقدرين تروحين الرحلات وانتي معاج بيبي او غيري روحي لندن او باريس روحي عاصمه مو مدن وارياف وبجذي تقدرين تاخذينه معاج

 

[فوفو البنوته]

انا اقول اخذي ولدج
دامه هادي ما راح يزعجج
واقصاه قاعد بعربانته حتى احسن اذا بتشترين له هدوم يكون موجود عشان مقاسه بظبط^^
واصلا سفرته ما راح تكلفج لانه ياهل ما يكلف مثل الكبار
وما اظن اذاخليته راح تستانسين

 

[$حبيبة عبودي$]

من رايي تخلينه لانه في اماكن ماتقدرين تدشينه مثل مغارة هتلر بفينا
ثلج ماتقدرين تدخلينه فيها وهذا احلا مكان بفينا ..

 

[randomy]

اخذيه معاج ترى مايتعبج ...انا خذيت ولدي وعمره ٣شهور ياحلوه كله نايم بالعربانه

 

[العيون الناعسه3]

اااب