اليوم الدكتور قال كلام جديد تكفون ريحوني

[الاهله]

السلام عليكم ورحمه الله

اليوم موعدنا عند الدكتور وطلعت نتيجه الحيامن مازالت صفر

وقال ان السبب هو كسل بلخصيه

وان حتى اطفال الانابيب احتمالها شبه مستحيل

وانا وربي تعبت من كلمه مستحيل ولا مافي امل تعببببببببت وربي تعبببت

ضاقت بي الدنيا

وش رايكم خواتي سمعتو عن كسل الخصيه من قبل وهل تعرفون احد فيه نفس الشي وانجب

 

[لعبير]

حبيبتي لا تيأسين من رحمت ربج الله يرزقج والله هادكاتره كلامهم واجد أهم شي لاستغفر وصلاه وقراة القران والله بيرزقج وكل ماضاقت تري الفرج قريب​

 

[ابدا يالغالي مانساك]

بقوولج كلمه يااااابعد قلبي الاهله
سمعي انتي لايكون ببالج الرزق من هذوللي الدكاتره
وان اذا قالوا شي بيصير ومراح يجيج عيال ومراح تحملين وبيكون مستحيل
غلطااااانه واستغرب منج وتتعب نفسيتج من كلامهم وتحطي كلامهم ببالج
هذا الرزق من ربج سبحاااااانه هو الرازق والمعطي
تركيهم وتركي زيارتهم
وتوجهي لله تعالي انتي وزوجج بالاستغفار والدعاء وسورة البقره وربي مايخيب من رجاه
وتوكلي علي الرحمان
وربي بيرزقج ان شالله

 

[فتون777]

ترئ الدكاتره ما وراهم غير وجع القلب

 

[الاهله]

اي والله وجع القلب شسوى لازم نفسيتي تتعب من كلامهم

لانهم كلهم متفقين على كلمه وحده

جزاكم ربي الجنه لردودكم ونصايحكم


لعبير

ابد يالغالي

فتون

الله يجزاكم الجنه

 

[لاجل عينه]

الله يرزقج ياقلبي ويفرح قلبج...

 

[e7nayyeena]

لا تيأسين وماكو شي اسمه مستحيل هذا كلام غير صحيح

الله سبحانه هو الرزاق هو الشافي المعافي

وعليكم بالأستغفار يا جماعه

سوفو الأية الكريمه

(فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا)


أستغفرالله
أستغفرالله
أستغفرالله
أستغفرالله
أستغفرالله
أستغفرالله

 

[خاشعة للرحمن]

ترا يأختي كلام الدكاترة كله خرطي يأختي مافي شيء مستحيل كل شيء بيد رب العالمين
وأنت وزوجج كثري من الاستعفار بنية الحمل والصدقة وصدقيني راح تبشرينها يأختي
لاتياسين من رحمة رب العالمين يأختي وأقري سورة البقرة يومياا وادعي بثلث الاخير
من إليل. وخلي زوجج يحجم ترا زين لهشعلات وترا شفاء ويوم الخميس إلي تشافئ
فيه ايوب عليه السلام برادة رب العالمين لأني قريت قصة بالنت واحد راح كل مكان
وقالو انت عقيم وآخر واحد قاله رجال كبير بالسن قال له يااولدي عليك بالحجامة
والله إلي قريتة بالقضة أنه زوجته من ثاني شهر هي حامل أنتو أتكلوا على الرحمن
وإنشوا كلام الدكاترة وربي يفرح قلوبكم يارب بالولد الصالح عاجل غير أجل. يأختي

 

[دارسين]

الله يرزقج من اوسع ابوابه

وينج عن قصة نبينا يحيى

الدعاء مخ العبااااااااده والصدقه مفعولهااا سحر

واخيرابذل الاسباااااب وعسى الله يرزقكم يارب

 

[متوترة]

شوفي
تصدقي انتي وزجك
واكفلو يتيم وترا الكفاله سهله حيل اي جمعيه وادفعو لهم مبلغ وهم يساعدون اليتامى المسجلين
وغير كذا صلي اخر الليل وادعي ربنا يرزقج بالذريه الصالحه

ولاتذمرين ولا شي .. الي يكتب الي فيه الخير
وعسى ان تكرهو شي هو خير لكم

 

[الاهله]

بعد عمري انتو

كلامكم بلسم

يارب كل وحده فيكم ينشرح صدرها ويحقق لها امنياتها

من اليوم باذن الله بصلي قيام الليل

جزاكم ربي الجنه

 

[رووح ابووها]

مافي شي اسمه مستحيل

ادعي ربج واكثري الاستغفار والله يرزقج

 

[SHD ..]

ماعليييج من الدكاترة الرزق من الله موو منهم

ادعي الله وماراح يردج خاليه بإذنه سبحانه

 

[منكم وفيكم22]

خبيبتي ابذلي الاسباب للعلاج جميع الاسباب الدينيه والشعبيه والطبيه لا تقنطي من رحمته
عليج بعسل بو طلال اللي بعطار الطبيعه بالاندلس وخلي زوجج ياكل ع الريق سبع تمرات عجوه المدينه مع ماي زمزم ع الريق ولا ياس مع الحياه
مافي شي مستحيل ولا في عقم بهالوقت الطب تطور والامل بالله كبير

 

[النووف]

تفائلي بالخير

وانشالله بيتحسن حاله

لان في حالات واجد نفسه وتحسنوا

 

[قلوس وردي]

ما دام كل دكتور تروحيله هذا كلامه
خلاااص حبيبتي خليهم يولون شنو الرزق
بيدهم عشان يقولون مستحيييل
حبيبتي اسمعي عليج بالاستغفار والحجامه
انت وزوجج واقري سورة البقره
وبأذن الله بعد كم شهر تبشرينا بحملج يااارب
بس سمعي لا تستعجلين بالايجابه وتقولين
الله ما استجاب لي وتياسين
لا خلي ثقتج بالله سبحانه قويه
والله يرزقج ان شاءالله

 

[الاهله]

بعد عمري انتو

الحمدالله رب العالمين لكل حال

بيروح زوجي يسوي حجامه انشاءالرحمن

الله يرزقكم من حيث لاتحتسبون

 

[سحايب برنس]

السلام عليكم ورحمة الله وبركاته​

حبيت اشارك واطمنج انه امر رب العالمين امره بين الكاف والنون وان الناس او تجري جري الوحوش غير رزقها متاتحوش بس وحدة من اهلنا كان زوجها صفر وراحت لأم ممدوح اللي بحفر الباطن وعطاهم عسل وماشاء الله اللحين عندها بنتين وهذا خبري فيها ولا شي بعيد عن قدرة الله وادعيلي معاج ان الله ييسر اموري ويرزقني ذرية صالحه انا وكل محرومه

 

[زين ودلال]

حبيبتي ربي قادر على كل شي

وماكو شي مستحيييييل

وان شاء الله يااااااااااااارب الله يكتبلج الذريه الصالحه اللي تسعدج

لا تيأسيييييييييين

 

[الاهله]

يارب الله يطمن قلبكم بذكره