اليوم تقريرنا غير مع مطاعم سوق المباركية ياولد الحجيه

[*LATOOFA*]

اليوم تقريرنا عن مطاعم ومقاهي سوق المباركية الشعبي ملينا من المطاعم الكشخه قلنا نغير شوي ونجرب شي يديد
سوق المباركية غني عن التعريف وحلو تزورينه هالايام مع نسمات الهواء البارده وهالسوق صار وجهه للاجانب اكثر من اهل البلد وصار معلم من معالم الكويت لانه يفوح بعبق الماضي الجميل الجاذب للسياح والمقيمين في البلاد لبساطته واسعاره المناسبة لجميع الناس من جميع الطبقات.

انواع المطاعم اللي بسوق المباركيه مختلفه فهناك الاكل اللبناني والايراني والمصري والهندي والكويتي، وغيرها من المأكولات الشعبية.يجلسون حول طاولات بيضاء وكراسي بلاستيكية بيضاء تأكل ما تشتهيه من دون النظر الى الاسعار.

والحين راح اخذكم بصور سريعه وحلوه تدشين بجو من التراث الكويتي

* مطعم بوابة الشامية

* مطعم شطه ودقه

أهم شي الشطه والدقه

* مطعم الشمم

صوره للمطبخ

 

[*LATOOFA*]

عيش وكباب ( الكباب مدفون تحت العيش )

ميد مشوي

مرق بطاط

 

[*LATOOFA*]

واخر شي علشان تهضمين اللي كليتيه جاي على الفحم ياسلام ويقولج تبين خفيف وسط ثقيل

وطبعا منو ما راح سوق المباركيه وما جرب سمبوستهم حسافه ماعندي صور لازم وانتي تتسوقين جنه كب كيك والا برد سمبوسه وكبه وباكوره وسيبرنق رول

وفي مطاعم وايد غير اللي حطيتهم دلق سهيل لذيذ العرايس والكباب مالهم وفي ملك الصاج والوليمه وغيره وغيره وفي العاب حق اليهال يم المطاعم اتمنى انكم تجربونهم


* الصور فقط جمعتها لكم من النت *

و انشالله يعجبكم التقرير :q8:

 

[xxx]

خوش تقرير

يعطيج العافية

:tek:

 

[نيولوفر]

مشكووووره ع التقرير خوش مكان و شكله يشووووووق

عاد ع كثر ما راوح مطاعم و اماكن راقيه و غاليه ع كثر ما ودي اروح المباركيه و اقعد هناك احس هناك المكان غير ... بس محد راضي يروح معاي ...

 

[78MariMar78]

تسلمين حبوبة

 

[Queena_85]

رووعه ..
يسلمووو و عواافي

 

[miss elegant]

تسلمين عالتقرير الروعة

 

[@رومانسيه@]

واااي فديتهم على ايام ابوي كان بصحته دايم يودينا هناك
بس اكلهم حلو مشاءالله عليهم

يسلمووو عالتقرير

 

[angel 3ohaa]

عليج بالعافية والصراحة خوش تقرير..... بس ما أدري ليش أخوي وربعة كلة لازم يتسممون إذا كلوا بالمباركية

 

[طرطعانه]

يعطيكم الف الف عافيه عالتقرير

 

[pretty sarona]

الله يعطيج العافيه , المباركية حلاته الصبابيح او العصاري حده ,, اما بالليل ما يندش

 

[marshmelo0o]

بالعافيه

 

[أسيرة_أحزاني]

بالعافيييييييييييييه

 

[أوكسجين]

يعطيج العااافيهــ

 

[حلوة ومملوحة الكويت]

مشكووووره حبيبتي على الموضووع الحلووو
ياحلااات المباركيه والقعده فيهااا خصوصا في ال هالوقت من السنة
لااا..وحلاتهااا معاج يمعه وسوالف ..صج تحسن انج بالكوووووويت..
ما ادري عن نفسي استانس لا مريت صوب المباركيه،،،

 

[ام_حسون]

عليكم بألف عافية​

 

[al7anona]

يعطيج العافيه تقرير يهبل ايي والله ياحلاته بهالوقت واهم شي مشوياته والعرايس لذييييييييييييذه

يسلمووو لطوفه

 

[بحرينية محرقية]

فديت الكويت واهلها ..

توني ياية امس من عندكم واللي ما يروح هالمطاعم جنه ما زار الكويت
روعة المكان صج انه شعبي بحت لكن رهيييييييييييييب والمكان روعة
احنا دوم نقعد صوب مطعم لوزان روعة الكباب يهبل ويا سلام على الشاي عقب الاكل الدسم

وااااي صار خاطري ايي مرة ثانية ..

تسلمين على الصور حبوبة ..

 

[FOZQ8]

اسلم ايدج على هالتقرير ودي اروووح صج