اليوم يوم ذكرى الغزو العراقي الغاشم ||

[مس فاشن]

بســم الله الرحمـن الرحيم
​

​

​

​

كلمه الشيخ :جابر الاحمد الصباح رحمه الله تعالي بعد التحرير​

​

قبـل 21 سـنة ..
غـزونا .. غـدرونا .. اذبحـونا ! ..
انتهـكوا حرمـة الجيـره .. انتـهكوا أمـن هـالديرة ! .. ​

2\8\1990 ..
الـكويت .. تتصـدر أخبـار الصحف ! ..
الكـويت .. تعتـلي قمـّة العالم ! ..
الكويـت .. هي الحـدث الأبـرز ..
الكـويت .. وما الذي حدث للكويت ؟! .. ​

نصـف مليون جـندي عراقي .. يحتـلون دولة الكـويت في أقـل من خـمس ساعات .. معلـنين بـذلك عن قيـام أعـظم صـور الغـدر ..
أظهـر العراقيـون للعالـم “خبث” النـوايا .. حيـث خبئـوا الحقـد الدفـين على الكـويت و أهلـها لـوقت ٍمكـنهم من التخـطيط بـ كل لـؤم ٍ وخبث ! .. وتملـكتهم آفـة الحسـد والجشـع .. فـلم يحفـظوا حقـوق الجـار و وضعـوا مبادىء الإسـلام خلـف اكتـافهم .. ​

آآآخ يـ الغدر .. آآآخ يا سجيـــن المرارة ! .. آخ يا الكويت آخ ! ..
اكرمنــــــــاهم .. وكلنــــــــــــــاهم .. شربنــــــــــاهم .. حتى عيشه عيـشناااااااااااااااااهم ..
وغــــــــــــدرونا ! ​

اجـتاحوا الاراضي .. قـتلوا الارواح .. أزهقـوا الأنفـس ! ..
ارتكبو .. أم الجـرائم .. أعـظم البشـائع .. أكبـر .. الـمظالم ! .. ​

شـردونا ..
اذبحـونا ..
انهبـونا .. ​

لكـني أقسـم بـ الله .. ماشتتـونا ! .. ​

“كـل انسـان .. عـنده بـلاد .. عليـها يعيش ..
الا احنـا .. ديرتنـا مثل الـروح .. فيـــنا تعيش” .. ​

يـا 2\8 خلـك شاهد .. ​

منو اللي قـدر يورّي العـالم .. “منهـــي الكويـــت” غير شعبها ؟! ..
منـو اللي برهن على مقولة “اذا ما الشعب يوما ً اراد الحياة .. لابد ان يستجيب القـدر” ! .. ​

منـو غيرنا ؟! .. ​

الغـزو كـان اختبـار وابتـــلاء حقيـقي .. لـ شعب هذي الدولة الصغيـرة اللي وقتهـا مواطنيها كانوا أقـل من الملـــيون .. ​

أقل من المـليون .. لكـنهم بأفعالهم والله ..
عـن 60 مليـون ! .. ​

بعـد 2\8 .. اعتبـر بقـاء الكويتيين في الكويت دون مبايعة النظام “انتحاراً” .. لكـن الكويتيين صرخوا .. “يـامرحبا بـ الانتحار دامه بـ القعده بـ الكويت” ! .. ​

ربضـوا ..
احتسبـوا ..
صبـــروا ..
قـاتلوا ..
واجهـوا .. ​

واجهـوا واحدة ً من أعـظم القوى العسكرية في المنطقة .. وصـاغوا وجـود الكويت ..
قـالوا للمعتـدي .. “أنــــت في الكويت” ! ..​

اتـحد الـشعب الصغيـر بعدده .. العـظيم بأفعـاله ..
ماشفنـا سني .. ماشفنـا شيعي .. ماشفـنا “مسيحي” ! ..
لمن يسئـلونك منو انت .. شكـانوا الجماعة يقولون ؟! .. ​

كـــــــــــــــويتـــــــــــــــي .. ​

ياجماعة ! .. اللي صـار بفــترة الغـزو خلا العـالم كله “يتعجّـب” ! ..
أهـل الكويت .. شعب الكويت .. شعب النضـال .. شعب الإبـاء .. اهو اللي صـاغ وجود الكويت .. وأكد عليها .. ورجعـها غصبا ً على أكبـر راس ! ​

وقلـناها فـترة الاحتلال .. و لانزال “نصرخ” فيها .. ​

الكــــــــويت للكويتيين .. ​

ماهي لغيـرهم

ياجماعة .. آمـانة .. المحـنة ماعلمتكم شي ؟! .. ​

آنـا واحد .. عرفـــت ان بـلادي ماهي أي بلاد ..
عرفت ان بلادي نعـمة من الله لكـل كويتي ..
عرفت ان اهل ديرتي .. “جماعة” .. لا فرق الله شملهم .. معدنهـم يبان وقت الشدايد ..
عرفـت ان ديرتي .. اهي حياتي .. عرفت ان ديرتي .. أغلـى شي عندي بهالوجود ..
وهذا كله موبس انا عرفته وتعلمته .. كـل اهل ديرتي عرفوه ​

على الرغم من مرور 21 عاما ً .. لن .. لن .. لن ننسى .. ​

“غصبـا ً على الآلام .. ترجــع وطن جـديد ..
وطـــــن النهــــار” ! ​

مرّت على الغـزو 21 سنة ..
حسيتـوا فيها ؟! ..
اغلبكـم بيقول لأ .. مرت بسرعة ..
تدرون منو اللي حس فيها ؟! ..
أم الأسير الفـلاني ..
مرت الشهيد العـلاني ..
يـا كويتيين .. اللي صار لكم ..
لدغـة ..
عبرة ..
عـظة ..
درس ! .. ​

تكـفون لاتنسونه ! ​

اللي صار لنا .. جريمة مستحيل تنّـسي ..
اللي انكـــسر مايتصلح ياجماعة ..
وثقـتنا بـ الجار الشمالي الغادر .. انكسرت ومستحيل ترجع ! ..
ياجماعة .. التفتوا لـ ديرتكم و شوفوا مصلحتها ..
حطـوا حساب للكل .. ​

ياجماعة .. الا الغزو .. درس ماينسي .. وطراق .. لايمكن .. ننساه ! ​

جـــــــــــابر

أمـيرنا .. ولي أمر الكـويت ..
رجـل الكويت الأول ..
ذلـك الرجل الذي أبـكى العـالم بـ كلمته في الامم المتحـدة .. ​

يتبع
​

​

​

 

[مس فاشن]

ذلك الرجـل الذي لفـت انتبـاه العالم الى القضية الكويتية ..
ذلك الـ ” عظيم ” .. الذي سعى ان تعـود بلاده حرة ً أبيـة ً من أيـدي الظالمين والطغاة ..
شكـرا ً يـا ابوي .. شـكرا ً يـا ابونا جابر .. لـولاك .. مـاكنا بهـالحرية ! وماعشـنا بهـالعز ! ..​

ابوي وانت في القبـر الآن .. لا تعلـم كم تهيج قلوب الكويتيين اشتياقا ً لعبـير عطرك ..
ابوي .. لم ننس َ مافعلته لـ شعبك ..
ابوي جابر العثرات ! .. أفتخــر أنني من ابنائك .. افتخـر اني كنت تحت قيادتك ورايتك ! ..
رحمك الله يا ابوي ! .. ​

اللـه يرحمـك يـارب .. وجـعل مقـامك الفـردوس الأعلـى .. مع النبيين والصديقيـن والشهـداء والصـالحين .. ​

ســـعـــــــــد

وداعا ً يـا بطل التحـرير ..
وداعا ً يـا ولي عـهدنا الأمين ..
وداعا ً يـا من كـنت خيـر ممثل لأبـناء بلـدك ..
وداعا ً يـا مـن أحسسـت بـ آلام شعبـك .. فـ نقلتها للـعالم ..
وداعا ً يـا من كـنت سببـا ً في تحريرنا من أيـدي الظلم .. ​

الله يرحمـك يـا شيخنا .. ويغـمد روحك الجـنة يـارب .. ​

لـن ننســـاكم يـا فخر الكويــت

أحسـبتم أننـا سننـساكم ؟ ..
يـامن بـذلتـم الغـالي والنفـيس في سبـيل بـلادكم ..
يـامن وضـعتم مصلـحة الوطـن وأمنـه و حريـته و عيشـه الـهنيء فـوق مـصالحكم ..
يـامن ضـحيتم في سبـيل الكويـت العـزيزة بـأرواحكم ..
يـامن كـنتم ” ظهر ” الكـويت وعـونها ..
يـامن كـنتم رجـال الكويـت الذين اعتـمدت عليهم ..
يـامن كـنتم ” عزوة ” و ” فزعـة ” دار جـابر ..
لـن ننسـاكم .. و دمـكم لم يـذهب هبـاء ً منثـورا ..
تعـجز الأقـلام عن اعطـائكم حقـكم .. و يـعجز لسـان كل كـويتيّ أن يعـبر عـن امتـنانه لكـم ..
انتـم الذين صغتـم وجودنا الحالي ووجود الكـويت كـ “دولة” ذات سيادة وريادة ..
لولاكم .. لما كنا هناك .. ولولاكم ولولا امثالكم .. لماقامت امارة الكويت على ارجلها مجددا ً
لولا دمائكم الطاهرة التي اريقت على تراب الكويت .. لما نعمنـا بـكل ماننعم به الان .. ​

وصـج ! .. ​

” يـمّـه لا تبـجين لـي يـابوا خبر مـوتي .. يـمّـه فـدى الكويـت أصـنع بـايدي تـابوتي ” ! ​

ولكـل من لم يعرف معنى “الشهيد” او “الاسير” ..
ادخل على الرابط هذا .. ​

http://www.pows.org.kw/messages.html​

واعرف شنو احساس 570 أسرة كويتية ..
شنو احساس البنت واهي فاقده ابوها ..
شنو احساس الولد واهو فاقد اخوه ! ..
شنو احسـاس المره وريلها بـ الاسر ! ..
شنو احساس الاخت .. واخوها شهيد ! .. ​

شوف رسايلهم .. شوف مأساتهم .. اللي كانت ولا تزال وستظل ..
مأســــاة الكويت العظمــى

“الكويتييـن اخوان الاماراتيين .. يعيشون معا ً على أرض الإمـارات و يتقاسمون معا ً لقمة العيش” ..
الله يرحمه و يغمـّد روحه الجنـة ..
رحب فيننـا .. شالنا بـ القلب قبل العين ..
حســّس الكويتييـن انهم بالكويت فعلا ً .. !
ماقصرت ..
بجينـــــــا عليك بوفاتك ..
ودعينـــالك بعد مماتك ! ..
فـزت انت و شعبـك بمكـانة عالية و هايلة بقلوبنا ..
والله يدوم عليكـم نعمة الأمن والأمـان والعيش الهنيء ..​

فهــد ​

اللـه يرحمك و يغمـّد روحك الجنة ..
آوى حكومـة الكويت ..
الداعـم الرئيسي لـ تحرير الكويت ..
ياااااه ..
فتـح حدوده للكويتييـن .. ودخلهـم للسعوديّـة بدون اي اهداف او شروط ..
اعتبـر قضية الكويت قضيته .. و اعتبـر الكويتييـن اخوانه و عياله و حبــايبه ! ..
الله يرحمك ويغمـّد روحك الجنة يارب .. ​

دول الخليـج قاطبـة ً ..
شكـرا ً من القلــب .. الى القلـب ..
ماخليتـونـّا بروحنا ..
الإخوان بـ البحرين والسعوديه وقطر وعمان والامارات قـُصفوا معانا بـ الصواريخ العراقية ..
اما باقي الدول .. جمايلـم تنحـط ع الراس ..
مشكورين .. مشكورين .. ​

“”وسيعلـم الذين ظلمـوا أي منقلب ٍ ينقلبون”" ..
صدق الله العظيم ..
​

​

اللهـم لا شمـاتة ..
نــُـحِــر مجـرم الحرب الأول ..
نــُـحر هتلـــر العرب و حـــزّ عنقه ..
الكويتييـــن فرحـة العيـد صارت عندهـم فرحتين .. وعيديـــــــن ..
بحـــــز عنق طاغيـة الشرق الأوســــــط .. ..
صدام حسين ..
الى مزبلــــة التاريخ ..
ويــــــــــــالثارات الكويت .. ​

​

​

​

​

ولكــــل من وافق على الاحتلال او دعمه لغزو دولة الكويت​

​

لا نقول لهم غير حسبي الله ونعم الوكيل ​

وبـ نهاية حديثي .. اقول جملة كنت من سنين وليلحين وراح ارددها طول حياتي .. ​

لي شــفت ضيــم الناس في كـل ديرة ..
أسجــد لربي اللي خلقني .. كـــــــــــــــــويتـــــــــــــــــــية .. ​

ياجماعة .. احنا انصدمنـا ..
وساعات .. الصدمـة “تقوّي” البني آدم ..
وصدمـة الغاصب الغادر ..
قوّتنـــا
نترك لكم المجال .. وسامحونا على الاطالة .. ​

​

​

​

لــن ننسـى .. :: احدى وعشـرون عاما ً مضـت .. على ذكـرى الإحتـلال العراقـي



منقول
http://www.meenakon.com/


لاتنسون تدعون للشهداء والاسرى

 

[بنوتة كول]

والله دمعت عيني لا حول ولاقوة الا بالله
الله لا يعيد ذيج الايام
وحسبي الله ونعم الوكيل ، حسبي الله ونعم الوكيل
بس حبوبة ليش ما حطيتي هالموضوع في وطن النهار؟؟
يسلمو

 

[tt2tt]

اي والله كنت ناسيه الله يرحم شهدانا ويبعد الشر عن الكويت ويطول بعمر بابا صباح ويرحم ابونا الغالي حبيبنا بابا جابر ويجعل الجنه مثواه يارب:yaaaaaarb:

 

[مس فاشن]

85 مشاهده ماكو الا رد 1 !!!!!!!!!!
ويييييييييييه لي هالدرجه صار مايهمكم هاليوم !!!!!!!!!!!

 

[مدام فراوله]

اللهم ادم علينا الامن والامان مشكوره

 

[كيكه ترفه]

والله العظيم اني بجيت

حسبي الله ونعم الوكيل
حسبي الله ونعم الوكيل
حسبي الله ونعم الوكيل​

يارب تحفظ ديرتنا وبابا صباح وترحم بابا جابر وبابا سعد اللهم امين
ويارب الي يفكر علينا بشر ترد كيده بنحره وتشغله بنفسه
الله اكبر لاحول ولاقوة الا بالله العلي العظيم
استغفرالله واتوب اليه
حسبي الله ونعم الوكيل ​

 

[الأميرة جوري]

يوم ماينسي....الله يرحم شهدائنا ويرحم امير القلوب جابر الاحمد..

 

[@ DLOO3TAH@]

اللــهم أرحــم شــهـدائــنـأ ،، وأأرحــم أمــير قـــلــوبــنـأ الششــيخ جــأبر الأحمــد |>
اللــهم أحفــظ الــكويـت |>

 

[Gatwa DaloO3a]

اما اللي قالت الحرب يمكن غلطه !! حلوه هذي" غلطه" والشعب ياكلها !!! لا ماهي غلطه هذي جريمه بشعه

اي احد يحب الكويت واهل الكويت لايمكن يحب صدام !!!


الموضوع حيل مؤثررررررررررررررر ،

 

[مشمش أحمر]

بكيتينـــي


الله يرحم الشهداء يارب

وينعم علينا وعليكم بالامن والامان والسلم والسلام يارب

 

[يالبيه يشماغه]

اه وووالله دمعت عيني

يااارب تحفظ الكويت

الله لايوفقك يااااصدام حسبي الله عليك

 

[Taktoka]

الله يرحم شهدائنا ويحفظ ديرتنا ديره الخير

 

[أوركيدااا]

الله يرحم الشهداااااء

 

[q8ia7]

يمكن الحرب غلطه !!!!!!!!!!!!


شنو يعني ؟؟؟

اكيد بنفرح لموته !!

وشنو اذكرو محاسن موتاكم

شفيها الاخت مضيعه ؟؟؟؟

اللهم ارحم شهدائنا الابرار الله ينتقم منك ياصدام وكل اللي معاك واللي يحبونك جهنم وبئس المصير انشالله هذا ظالم مجرم مريض شنو يعني ما يصير نشبهه بكافر ؟؟ شفرقه صداموه عن هتلر يعني ؟؟ وبعدين هذا بعثي ..

المنتدى منتدى كويتيات يعني منتدى كويتي مايصير تتكلمين جذي وتستفزين مشاعرنا ... اوكي ندري فيه وايد عرب وحتى خليجين يحبونه ويدافعون عنه ويقولون عنه بطل ... عمى بعينه امحق بس !!! بس عاد ماتوصل ان فمنتدى كويتي تتكلمون جذي ... تبون روحو منتدياتكم وتكلمو عنه .. اما هني لا .. روحو مواقعكم ومنتدياتكم وكتبو اللي تبون .. مو تتكلمون بهالطريقه هني .. شنو بيكون موقف بنت يقرب لها شهيد او اسير وما رد وشافت كلامج ؟؟؟ شنو بيكون شعورها !!! شلون جذي ماتحسون ؟؟؟ شنو يعني ممكن تكون الحرب غلطه !! هذا باق وقتل ناس وعذب لين قال بس شنو غلطه لفهم !!!!!
وانتو ضاق خلقكم لما دعينا عليه وسبيناه ..؟؟؟؟؟ محد يحس كثر اهل هالديره باللي صارلها عبالج اللي صار شويه ؟ عبالج القتل والاسر والبوق و اساليب التعذيب الوحشيه والاغتصاب اللي صار شويه ؟ وشلون مسلم على قولتج يسوي كل هالاشياء .. عبالج هالاشياء الفضيعه كلها "غلطة" على قولتج ويمكن ننساها او نغفر هالشي لصاحبها .؟؟؟؟؟ لا والله كلنا ندعي على صدام الله لا يسامحه ياربي دنيا وآخره آمين !!!!!


لن ننسى ولن نسامح بعد !!!!!!!!!!!!!!!!!!!!!

اللهم ارحم شهدائنا الابرار

بسم الله الرحمن الرحيم .. ولا تحسبن الذين قتلو في سبيل الله امواتا بل أحياء عند ربهم يرزقون .. صدق الله العظيم

الله يخلي لنا بابا صباح حبيبي ويحفظ ديرتنا ويتمم عليها الامن والامان ويحفظها من شر الحاقدين والحاسدين وجيران السوء آمين يارب العالمين

 

[معزوفه حنين]

اللهم اغفر وارحم موتناااا

 

[لحظهــ سكونــ]

على قولتهم ما يجتمع حب الكويت و حب صدام في قلب واحد

 

[UNICORNA]

الحمدلله انتم اليوم صرتو بخير والله يرحم موتاكم وموتى المسلمين جميعا

ولو على صدام فهو بشع وياليته بس قتل الكويتيين ولكنه بعد كان يذبح العراقيين سنه شيعه

اكراد ومسيحيين وماخلى شى وكان بيسوى ابادات جماعيه لشعبه حسبنا الله

هم الشعب العراقى عانى منه ابشع معاناه

تسلمى مس فاشون ورمضان كريم

 

[شندوخه]

ورجاااااااااااااااء
راعوا مشاعر الاخوات اللي استشهدو عيالهم وابائهم مو اي كلمه تنقط وخلاص

يكفيييييي عالاقل شيوخنا الله يرحمهم
ابو الكويت جابر الاحمد طيب الله ثراه
اسد التحرير سعد العبدالله طيب الله ثراه
خادم الحرمين الملك فهد طيب الله ثراه
الشيخ زايد ال نهيان طيب الله ثراه
الشيخ خليفه طيب الله ثراه
ماتووووا موته تشرف عكس الطاغيه صدام اللهم لاشماته
هذا عقاب الدنيا فأرنا فيه يارب العالمين عذاب الاخره
مثل ماعذب نساء ورجال الكويت لارحم كبير ولا صغير

 

[Mrs_Orchidia]

الكلام يعور القلب

نقل موفق حبيبتي .. و اللي معترضة على جزء من هالحجي .. لو سمحتي اللي ايده بالماي مو مثل اللي ايده بالنار


الله يحفظنا كويتنا و خليجنا من كل شر و حاقد و حاسد يارب