اليوم12 وصلاة الاستخاره

[q8_mother3]

السلام عليكم رجعت الاجنه بتاريخ25 ابريل وسويت تحليل دم بتاريخ 1 مايو باليوم السابع وتحليل منزلي باليوم12 ومافي حمل طلع سلبي شسوي؟ افقد الأمل؟ ولا اسوي تحليل دم هرموني ؟ وشنو طريقته؟ امس صليت استخاره قبل ماروح مستشفي دار الشفا وقالولي السستم عطلان ورحت الهادي قالنا الريال اللي بالمختبر انصحكم ماتسون لان مارح يبين وآخر شي رحت الفروانيه لقيته زحمممممممممه وقلت اكيد صلاه الاستخاره هاذي نتيجتها والحمدلله علي كل حال تكفون قولولي اسوي اليوم ولا لا؟

 

[ياحُبِي لِلكويت]

احمدي الله على كل حال ولاتفقدين الامل وخلي ايمانج بالله عز وجل قووي وعسى ربي يوفقج ويرزقج يرزق كل محرووم بالذريه الصالحه واحتسبي الاجر :eh_s(17)::eh_s(17)::eh_s(17): واذا محتاره بشي صلي الاستخاره وعسى ربي يكتب لج اللي فيه الخييييير :eh_s(8):
​

 

[q8_mother3]

مشكووووره ياحبي للكويت

 

[حنو الحنينه]

السلام عليكم

والله حاسه فيك وانا صار لي اللي صار لك لكن المؤمن دايم يقول الحمد لله علي كل حال

واي شي يصير احمدي الله لكن وصيه الزمي الاستغار فيجعل الله لك من كل هم فرجا ومن كل ضيق مخرجا

 

[q8_mother3]

مشكووووره يا حنو الحنينيه ماقصرتي والله يرزقنا ويعطينا هذاي 4 تجربه ومره نجحت وربي رزقني من بعد ماقالولي الحكومه افقدي الامل اتحملين
الحمدلله ياربي
انا ناطره وباجر اليوم ال13 والله كريم

 

[alhnan]

نطري لا تستعجلين لا تفكرين و تهتمين انطري يا اتييلج الدوره يا تغيب عنج بعدين حللي
وان شاء الله ما تييلج

 

[Q8_QT]

نطري حبوبة اذا شفتي الدورة تأخرت عليج حللي وان شاءالله تكونين حامل يارب

 

[shjoonaa]

الله يتمم عليج نطري المفروض بعد 14 يوم تسوين التحليل عشان يبين اكثر ولا تفقدي الامل

 

[q8_mother3]

سووووووويت طلع كويك بوستف باليوم ١٣ يعني حااااااامل بإذن الله*

 

[قلب مغليك]

ماشاءالله الله يتمم عليج بخير يارب

 

[دلوعة صلوح]

ياعسى ربى يفرح قلبج وتطلعين حامل بتؤم يارب العالمين.

 

[نورالضمير]

بإذن الله الواحد الاحد انك حامل وربنا يرزقك بتوم يا رب

 

[بغمزة اطيح خمسة]

الف الف مبروك والله يتمم على خير وتشوفينه بين ايدينج