فالبدايه احب اشكر كل بناتنا الي استفدت من تقاريرهم لبلاد الطبيعة (( تركيا ))
وكنت دايا اقول لزوجي (( اني احببت النوم في غير حينه لعلي القى في منامي سحر جمال تركيا )) :krkrkr: يحليلي ...
سفرتي كانت 10 ايام يعني تسع ليالي
على طيران الجزيره لان دايركت مافيه ترانزيت ننزل على مطار صبيحه
يبعد مطار صبيحه عن اسطنبول ساعه ونص
طبعا اخذت باص مكيف وارخص وااايد انا وزوجي 24
لو تكسي جان اخذ 100
:eh_s(14):
رجاااء كل الرجاااء طاف لبدلياتي
كلفتنا الرحله كامله ( تذكره 460 دك + اقامه 400 دك + ( اكل و شرب ههه مجاعه + مواصلات + هدايا ) = 550 دك
مواصلاتنا في اسطنبول اغلبها بالمتروووا لان فرق واايد بالسعر
الاجمالي = 1400 دك تقريبا
الرحلة :- اسطنبول 4ليالي + بورصه3ليالي + اسطنبول ليلتين
الفندق الاول من سفريات الخطوط الجويه الكويتيه روعه ورخييييص 4 نجوم بمنطقة السلطان احمد
قرييبه من شارع ( ديوان يولوا ) روعه هالشارع مافيه خليجين كله اوربين والمطاعم تونس والشارع قريب من آيا صوفيها ومن المتاحف
والله العصر تروح وترجع الغيمه ينن والهوا يهبل ابصراحه ...
بعدها
فندق الثاني بالبورصه 5 نجوم فندق الميرا كله خليجين حلوا الفندق وقريب منه مجمع كنت والمطاعم قريبه وكل شي منه قريب
الحديقه والمول
بعدها رجعنا اسطنبول
فندق ميريدا 4 نجوووم بس ويييع اخذته من سفريات ماك وسعره 53 الليله ويييع حده
الفندق الي صج صج عجيب قبل 3 سنين سكنته الشيراتون فندق بمعنى الكلمه اعطيه10 نجوووم
الرحلات من ااول يوم كالتالي :-
طبعا بدت رحلتنا من ثاني يوم وصلنا لاننا وصلنا متاخر قريب س8
اول يوم متحف توب كاب ( قصر السلاطين ) والحديقه الي يمه و آيا صوفيها و قراند بازار
ثاني يوم مبجر حجزنا من الفندق رحلة مضيق البسفور كنت حاجه يوم كامل بس مليت اخذت نص يوم
كان من الساعه 9 حتى س 3 .... تقريبا نص يوم 60دك
بعدها رجعت الفندق واخذت شور ونمت ههه لازم نام :rerrerek:وبعدها رحت مجمع كانيون
هالمجمع تصميمه روعه ومطاعمه لذيذه
اليوم الثالث : رحنا ميني تورك وااايد حلوه وتمتعنا فيها ... ولعب زوجي سباق سيارات تهبل قريبه الالعاب من مني تورك
بعدها رحت لشارع الاستقلال بتقسيم وتغدينا بمطعم فلافل يم يم الفلافل بحجم المية فلس :eh_s(15):
اليوم الرابع :- قعدنا مبجر تريقنا ورحنا بالباخره السريعه الى بووورصه
وصلنا الفندق لاااازم النوووم خخخخ :rerrerek:
قعدنا ع طول اندور المطعم :eh_s(9): قريب منا مجمع كنت وكلينا وتمشينا
اليوم الخامس : تريقنا بالفندق ورحنا التلفريك وانصدمنا من الزحمه :eh_s(1): ونطرنا قلنا يمكن يمشي ويمكن يمشي .. امبيه :eh_s(14): تخيلوا كل ربع ساعه يمشي 4 خطوااات
البايخ بالتلفريك الطاااابور
بس كان جدا ممتع
اهوا طبيعه ولا جو باارد اخييه روعه يستاهل الزحمه:ggdw:
من 12 لين 7 وشي احنا بالتلفريك في اعلي جبل اولادغ
كان معاي حب انواع مشتريته من الدوليه :ggdw:وبفكااات
وهالفواكه يالله والله ايام ما تنسي :eh_s(2):
لان انا وزوجي بروحنا ما حبينا نشوي
بس مشينا وركضنا ولعبنا
ركب زوجي الخيل
وشفنا البقر :eh_s(2): بقرهم غير بقرنا خخخخخ
وتاملنا خلق الله شي شي :eh_s(17):
بعدها رحنا نتعشا مطعم ( حجي داي ) واايد لذيذ المشاوي دياي ولحم + صحن عيش احمر + لبن وااو + اخر شي وختامها مسك كنااافه وجاي
اليوم السادس : قعدنا متاخر رحنا نتغدا بمجمع ( زافر بلازا ) ونتسوق
طلعنا منه ع المغرب رحنا سوق المسقف ينن والجوا بااارد قريب س 6
ونمشي وناكل من حلوياتهم وبقلاوتهم ولقيماتهم يم يم
------------------------
فاصل بسولف
كنت حاطه ببالي اروح الشلال واروح لونا بارك
او اني امر يلوا
بس ابصراحه انفت حيلي من الخوره والصرف هههه:eh_s(22):
--------------------
اليوم السابع : من بورصه الى اراضي اسطنبول الساحره بالباخره السريعه
طبعا كالعاه الفندق البايخه للاسف غالي ع الفاضي وبعيد عن الشارع ( ديوان يولوا )
كالعاده لازم نوووووم:eh_s(9): خخخخ
قعدنا رحنا لمجمع قريب من الفندق نسيت اسمه وكليت من ماكدونلز تتخيلون شنوا
وجبه ماك كفته اخيه لذيذه تهيل همبرجر لحم كفته
وتسوقنا
مرينا مجمع جواهر
بعدها بالمتروا الي هالشارع الممتع والله يا بنات
نقعد بالشارع
حولينج الاتراك والكستنه تنشوي
والرقي
النافوره
وتندرمه
والمسجد
يهبل الشارع
اليوم الثامن : مجمع فورم اسطنبول
هذا المجمع يعتبر من معالم اسطنبول
تغدينا + وتمشيا + وتسوقنا + ودخلنا اكوريم + والثلج
وبعدا تعبنا وريحنا بستار بكس
وتالي رجعنا نودع شارعنا المفضل:eh_s(16):
اليوم الاخير
عودتنا لديرنا ديرت الخير
ولعيالي :eh_s(16):
خو توني اتذكرهم ههه تحسون مو خوش ام
الحمدلله على سلامتي
ههههههههه:eh_s(8):
اتركم مع الصور
