الي استقالت من التربيه ، تعالي قولي تجربتج :)

[eastfem]

السلام عليكم بنات

مثل ماتعرفون التربية مقبرة لكل طموح

ومتوقعه عدد كبير استقال من هالوزارة وقدم في وزارة ثانيه

وحابه ااعرف تجاربكم يابنات وين قدمتوا وشنو الجهه وشنو مميزاتها وطبيعة العمل فيها ...

اتمنى التفاعل يابنات .. ومشكورين

 

[امل السعادة]

رفع​

 

[love^angel]

حبيبتي اذا شهادتج تربيه ما تترشحين بأي مكان الا اذا اخذتي كتاب احتياج من الوزاره الي تبينها وهالكتاب يوقعه لج الوزير او الوكيل بس ماراح يعطونج كتاب للديوان الا اذا كان رقمج ١ غير جذي ماكو
اما اذا شهادتج مو تربيه عادي قدمي عالديوان و شوفي وين يرشحونج
الله يوفقج

 

[عزتي مالها حد]

كلام love angel صحيح

وعسى ربي يسهل لج امرج

 

[eastfem]

الترشيح بالديوان اخرر خياراتي قاع اقدم على كذا مكان او انقل لمدرسة ثانيه واشوف

بس اببي تجارب البنات

وين راحو .. والمقارنه بين الوظيفه بالتربيه والعمل الثاني

انا موتربيه .. خريجة أداب ..

 

[ساندريلا]

حبيبتي عندج واسطه روحي خاص النفط او الكهربا والماي اي مكان امن انج تقدمين علي الديوان راح يردونج
رفيجتي قدمت استقالتها واهي تدرس متوسط قدمت علي الديوان ردوها مدرسه ثانوي ماشالله طوروها ماقصروا خخخخ

 

[eastfem]

يابنات ابي تجاربكم وينكم بعرف وين اروح واقدم واشعر انه مكان افضل من التربيه ؟؟؟؟؟؟؟؟؟؟؟

سندريلاااا منو قال بقدم على الديوان الحييين بقدم على الفنط والداخليه هذي خياراتي الحين وبشوف نصايح البنات

بليز ابي تجارب

 

[أبلة مس]

اسمحيلي اختي ...

آنا بعد خدمة 10 سنين استقلت .. كان هذا بالصيف .. في رمضان .. قدمت بعدها للديوان .. رشحوني بعد شهر للتربية مرة ثانية .. فرفضت و رشحوني بعدها على طول للأوقاف .. طبعا و آنا أمشي بورقة الأوقاف اتصلوا علي الجامعة عشان مقابلة عمل لأني كنت مقدمة عندهم قبل شهر ..
خلاصة الموضوع .. إن خريجين الآداب إن شاءالله ما ينخاف عليهم .. ممكن يشتغلون بأي مكان لا تحاتين .. و على فكرة وزارة النفط ما أنصحج فيها .. كانت اختي تشتغل هناك و ما تمدح المكان و لا المعاش .. يمكن الداخلية أفضل .. بس وسعي دائرة رغباتج أحسن عشان ما تحصرين نفسج في مكانين بس ..

و بالتوفيق حبيبتي

 

[* شوية أمل *]

رفـع

 

[Angel_store]

اب اب اب

 

[eastfem]

أبله مس طمنتيني والله ماقصرتي

وتسلمون بنات على الرفع

 

[Om_Ksha]

تصدقون هم مع الكادر مافرق هم الناس تبي تنحاش تستقيل !!!

 

[ريانا]

الحين اغلب الي استقالو كاتبين بالجريرده قاعد يردون لان فرق المعاش بين اي وزاره والتدريس من ٤٠٠ وطالع

 

[eastfem]

والله الفلوس موكل شي
انا مالقيت نفسي بالتدريس
الله كريم

 

[فنيسيااا]

والله يا بنات انا كنت مدرسه واستقلت ولا مفكره بهالوظيفه الودره جان زين مخففين من الاعباء اللي علينا حتى لو مايزيدون معاشنا
كنت اكرف على 860 وغيري على مكتب قاعد ويقبض 650
بس الحين الماش صج فرق ودي ارد عشان المعاش بس كل ما اتذكر الهم اللي كنت فيه اهوم

 

[eastfem]

عيل انا ليلحين عايشه نفس الهم فنيسا وعشان جذي ناويه اهج

حتى لو يفرق المعاش بالطقاق .. الله يوفقج ويوفق الجميع

 

[beren saat]

كلامكم ما يشجع بصررررررراحه ​

انا قبلووني الاوقااااف معلمه بس حيييييييييييييل حيييييل حيييييييييل حيييييييييييل بكل ماتحمله الكلمه من قووه صعبه النجاااح ​

ابيه حسسوني بصير وزيرررره مو معلمه بالوقاااااف 5 كتب اختبار والنجاح من 75 وفوق ولا نجحتي بالتحريري​

تسوين مقابله 5 دروس شرح نموذجي وبعدها حفظ 3 اجزاء من القرآن مع الجويد​

وسقطووني بالاختباااااااااااررر​

وررررراح ارررفض الاوقاااااااااف وأقددددددم ع التربيييييييييييه احسسسسسسسسسن لي​

بس كللللللللللش كلامكم مايشششششششششججع ​

 

[eastfem]

حبيبتي ماعليج من كلامنا الناس قدرات وطاقات انا عن نفسي اول سنه وللأسف المدرسه زحمه وضغط ويختلف الوضع من مدرسه لي مدرسه انتي بس ضبطي امورج ويا المنطقه وان شاء الله توفقين .

 

[يارب نور حياتي]

بنات انا مدرسه صبياااااااان. اه اه اه جنننوني وممنوع الطق وفيهم اللي اقل ادبه والفاظه وصخه مع لصبيان شي يغث واكثر ما انغث اذا مجتهده للدرس وساعه مقابله الكمبيوتر وبور بوينت وفيديو وشغلات وشوف استهبال في الحصه طبعا نو الكل لاكن الاغلبيه تعب تعب تعب الله يعين

 

[beren saat]

حبيبتي ماعليج من كلامنا الناس قدرات وطاقات انا عن نفسي اول سنه وللأسف المدرسه زحمه وضغط ويختلف الوضع من مدرسه لي مدرسه انتي بس ضبطي امورج ويا المنطقه وان شاء الله توفقين .

والله شكله جذي مالي الا التربيه

لان لو بقعد ع الاوقاااااف ما راح اتووظف الا بعد دهررر

مادري ليش عليها طق عصي هالوزاره عآد :eh_s(10):

آجمعييييييييييييييييييييين يااارب الله يوفقج يارب ويرزقج الوظيفه اللي ترتاحين فيهاااا:eh_s(7):
​