الي بنات الكويت اختكم من السعوديه

[ملاك الخبر]

السلام عليكم ورحمه الله وبركاته
اخواتي انا سعودييه وعندي ظروف ماديه صعبه وبحاجه ماسه للوظيفه وعندنا بالسعوديه مالقيت وظيفه وقدمت بالكويت وقالو ماكو احتياج
ابي احد يتوسطلي ويساعدني عشان اتوظف بالكويت علما اني من الخفجي
تكفووووووووون يااخواتي ساعدوني والله بدعيلها اللي تساعدني تكفوووون اختكم بحاجتكم كان الله في عون العبد ماكان العبد في عون اخيه
شهادتي بكالوريوس دراسات اسلاميه مع مرتبه الشرف

 

[ضــمــاد]

انتي متزوجه ؟ واذا متزوجه هل زوجج كويتي ؟

عموما ً .. تقدرين تدخلين موقع وزارة التربيه وشوفي شروط القبول لاخوانا من دول مجلس التعاون

 

[ملاك الخبر]

لا احنا زوجي سعودي يااختي موب محتاجين تخصصي

 

[افريقيا]

المطلوب يامدرسه او دكتورة

 

[ملاك الخبر]

اختي انا ابي اكون معلمه بالكويت تخصصي دراسات اسلاميه واللي تقول قدمي بالوزاره ماهم بحاجه تخصصي عندهم اكتفا

 

[um lama]

دوري لك بقريه قريبه ممكن تلاقين اما المدن صعبه

 

[رمادية الهوى]

الله يرزقك من فضله ... قدمي على موقع جداره وان شالله تحصلين

 

[ياهم لدي رب]

عزيزتي شنو مساندج؟؟لغه عربيه لان احنا يوضفون بالمساند والعربي عندهم نقص..خلي زوجج يشوفلج واسطه من احد الرجال افضل بهلامور والله لو اعرف احد بالوزاره ماقصرت معاج لكن للاسف بالتربيه م اعرف

والدعاء الله سبحانه وتعالى افضل من واسطات البشر

وكلمه اخيره ترا التدريس عندنا هلاااااك شي مو طبيعي يمكن خيره لج عدم القبول

 

[اهذريبك~]

نفس كلام اختي ياهم شوفي المساند اذا عربي راح يقبلون ان شاء الله بسبب النقص و عسى الله يسهل لج طريقج و يفتحها عليج يارب

 

[DALALEY]

اللي اعرفه سهل تتوظفين بحضانه و براتب تقريبا ٢٠٠ والله يوفقج انشالله

 

[DALALEY]

اللي اعرفه سهل تتوظفين بحضانه و براتب تقريبا 200 والله يوفقج انشالله