الي تبي اي استفسار عن لندن انا حاضر

[LAW_GiRL]

شلونكم خواتي الي تبي اي استفسار عن لندن انا حاضره بحكم اني عشت فيها 9 سنين ودرست فيها مرحلتين الثانوي والجامعي بحكم عمل ابوي الدبلوماسي الي تبي اي شي من عيوني وهديتي لكم الاوقات الي يكون فيها سيييل تنزيلات 80% وفوق




بس اشوف ردودكم:aha:

 

[om l3yal]

يلا يلا يلا عاشت بنت القانون
بسرعة شنو الاوقات

 

[*الزينه*]

حبيبتي :eh_s(4):LAW_GiRL احس موضوعج هذا طااح علي من السما :fun:

انا ان شاء الله ناويه اروح لندن تاريخ 25/7 شرايج في البرتش اير ويز :gr4uu:

ابي احلى وارقى واهدى منطقه في لندن ​

 

[وروود الحب]

أبي أسألج إذا في تنزيلات شهر 7 ؟
أبي فندق حلو و سعره معقول و يكون قريب من السوق ؟
وشنو الأشياء الحلوه و المميزه اللي أقدر أشتري منها ؟
و مشكوووووووووره يالغاليه

 

[chelseaya]

اي والله ياليييييييييت تعطيني من معلومااتج

نبي شغلات مميززه

ومشكووره مقدماا

 

[ذات الهمة العالية]

وينك من زمااااان
عيزت أدور وحدة جذية

تكلميلنا عن الديوتى فرى بلندن

وفى محل بجيب لك أسمه أبيك تدورينه لى بلا أمر

والله يوفقك دللينى بالإجابة والردود

 

[sweet lady]

حياتي انشالله ناويه اروووح لندن شهر 9 في تنزيلااات بهالفترة ولا لأ

 

[أم علاوووي 70]

وووووووينج ياحلوه نحن في انتظارج . أهم شي تقوليلنا عن وقت التنزيلاتتتتتتتتت . ثانكس

 

[mr000]

حبيبتي آنا سؤالي نفس سويت ليدي..ان شاءالله بروح ب7/9 عسى أكو تنزيلات؟؟ولو سمحتي بنتي تسأل عن بوتات ماركة hunter ماعندج فكره عنهم تقول لقت بالنت إن موجودين بهارودز..ماعندج فكره إذا عندهم محل ثاني ؟؟ حبيبتي مشكوره بنأذيج بأسألتنا بس أحاول أحط لج اللنك علشان تشوفينهم..

 

[mr000]

حبيبتي لو غيرل..بالنسبه حق البوتات مشكوره توني حصلت سايت فيه أماكن بيعهم..موجودين في هاوس أوف فريزر وجون لويس وجيغسو ووايد أماكن..آنا شخصيا ماعجبني شكله جنه مال عمال..بس بنتي تسأل عنه..شوفوا هذا اللنك حق اللي تحب تشوفه.. http://www.hunter-boot.com/3/Store-Finder/Store-Finder.aspx

 

[fri2010]

فندق هوليدي ان اللي بلندن فندق زين والا لأ؟

 

[انا ودنيتي]

موضوعك جا بوقته يالغالا
انا مسافره باذن الله في بعد اسبوعين
ابي انا ماركات شنط موموجوده عندنا
اناراح اطول تقريبا شهرين بس مو كله بلندن راح اروح باذن الله ما نشستر اذا زايرتها ليت تقولين ايش فيها مميز

 

[بناتي زينة حياتي]

ابي اسامي محلات شنط حلوه فيها كرستالات وغريب شكلها ,, واسامي محلات لبدل بنوتات كشخه وذربة,,ووين مكانهم بالضبط ..؟؟؟
وردي على باقي اسئلة البنات الله يعينج ,,, ومشكورة مقدما

 

[LAW_GiRL]

حبيبتي :eh_s(4):LAW_GiRL احس موضوعج هذا طااح علي من السما :fun:

انا ان شاء الله ناويه اروح لندن تاريخ 25/7 شرايج في البرتش اير ويز :gr4uu:

ابي احلى وارقى واهدى منطقه في لندن ​

اول ش هلا ومرحبا فيج حياتي
البرتش عجيبه وكراسيها مريحه واهي التوب
ثانيا لندن نفسها مافيها مناطق هاديا وشغل راحه واستجمام
عندج بورتسمث تبعد عن لندن بالقطار من محطة ووتر لوو 35 دقيقه وسوقهم حلو وارخيص يعني الماركات ارخص من لندن نفسهاا وعندج برايتن حلوه من نفس المحطه واثنينهم مناطق بحريه عالبحر بس بورتسمث اتينن والله روحيلها

تقدرين تروحين وتردين بنفس اليوم او اذا بتباتين اخذي فندق ايبز نظيف ومكيف وعالمي
هذيل جنوب عندج بالنص مالتن كنز هم بالقطار 40 دقيقه بس من محطه فكتوريا تاخذينها واتمنى انج تستانسين بلندن

بس لندن بالصيف مو ذاك الزود تبين الوناسه والتنزبلات والجو العجيب روحي باليستر من 20=3 لي 204 احلى وقت وتنزيلاتهم 80% وعندج بالكرسمس بس الايستر احلى لان يسوون تنزيلات عالشتوي والصيفي بس اذا بتشرين لاتاخذين من اكسفورد روحي بورتسمث او مستر فلج واااااااااااااايد ارخص يمكن نص السعر بسطبعا اصلي والي تامرين في انا حاضر:aha: احلى واهدا وارقى منطقه اكيييد نايتسبرج الي فيها هارودز بس غاليه نار فنادقها

 

[LAW_GiRL]

[/b]

أبي أسألج إذا في تنزيلات شهر 7 ؟
أبي فندق حلو و سعره معقول و يكون قريب من السوق ؟
وشنو الأشياء الحلوه و المميزه اللي أقدر أشتري منها ؟
و مشكوووووووووره يالغاليه

هلا حبيبتي ولا شهر 7-8-9 مافي سيل لان وقت سياحه ويدرون ان العرب كلهم هناك فيزيدون الاسعار
اما الفنادق الي بص السوق كمبرلاند -تشرتشل- سلفرج بس مانصحج في كلششششششششششششش
وعندج ايبز حلووو او شقق ارخصلج ويعتمد على المده الي بتقعدينها وتروحين بالسلامه كل شي تقدرين تشترينه عندهم كل شي بخاطرج وارخص من الكويت والله

 

[LAW_GiRL]

فندق هوليدي ان اللي بلندن فندق زين والا لأ؟

اي زين بس انتي لاتحجزين وبس \سالي اول اذا الفندق في مكيف لان اغلب فنادقهم بدون مكيف وشهر 7-8 حرر بلندن حبيبتي:aha:

 

[LAW_GiRL]

راح احطلكم موضوع كااااااااااااااااامل عن لندن لعيونكم

 

[LAW_GiRL]

نبدي بشارع العرب وشنو في

؟؟؟؟؟

بدأ شارع الادجور رود Edgware Road - شارع العرب بلندن –طبعا الشارع غني عن التعريف- جميع ما يلزمكم من محلات عربية وشاي وقهوة وشيشة وبقالات عربية ومحلات تعريب الجوال والكمبيوتر ومساج وبنوك ومكاتب إيجار شقق وسائقين ورحلات سياحية داخل وخارج لندن وذلك كله باللغة العربية بجميع لهجاتها حتى اللوحات للمحلات باللغة العربية.

يلزمك جولة بالشارع "تكثر فيه بالليل عصابات الأكراد اللي يتربصون للسياح الخليجين احذر منهم" وإذا أحسست بالجوع تلقى الكثير من المطاعم الحلوة مثل مطعم قصر النخيل اللي تجده على يدك اليسار بعد العربية للعود –لديه مشاوي لذيييذة وشاي مبخر على المزاج-والكثير غيره....

-انتبهووللموبايل لا تتركهونه على الطاولة في المطعم أو الكافي لأنه أكيد بيتعرض للسرقة-

-يوجد بقاله اسمها ألول وورث على نفس الشارع هي أرخص من يبيع لك الكيت كات والكراميل والحلويات اللندنية اللي لا تقاوم وأكيد بتأخذون منهاا-

 

[LAW_GiRL]

ميدان البيكاديللي:

أحد أشهر ميادين مدينة لندن في جهة ويست إند في ويستمنستر. بني الميدان عام 1819 لربط شارع ريجنت. و أسواق ومحلات في بيكاديللي .
يعتبر ميدان بيكاديللي أحد أهم وجهات السياح وسكان لندن على حد سواء حيث تضم هذه المنطقة و ما حولها العديد من أماكن الترفيه والمحلات و الأسواق و السينمات و المسارح و المطاعم و المقاهي والتي تنتشر لقربها من ليستر سكوير (ميدان ليستر).و مركز تروكوديرو (تروكوديرو سنتر) الذي هو جزء من لندن بافيليون (سرادق لندن) London Pavilion . يضم الميدان شاشات عرض (نيون) ضخمة كما يضم نافورة ميموريال Memorial fountain.أو نافورة ايروس Eros.
يعتبر الميدان عقدة مواصلات حيث يوجد في ميدان بيكاديللي محطة مترو أنفاق تابعة لشبكة مترو أنفاق لندن و تسمى المحطة بيكاديللي سيركس Piccadilly Circus station و التي يمر فيها خط بيكاديللي( ذو اللون الأزرق) الذي سمي نسبة إلى هذا الميدان كما يمر فيها خط باكرلوو (ذو اللون البني الفاتح) Bakerloo Line. إضافة إلى ذلك تمر في الميدان العديد من الباصات مما يجعل الوصول إلى الميدان سهلا باستخدام وسائل النقل العام. هني تلقونمطاعم فرايديز وبلانت هوليوود مطعمي المفضل والهارد روك

 

[LAW_GiRL]

ميدان البيكاديللي:

أحد أشهر ميادين مدينة لندن في جهة ويست إند في ويستمنستر. بني الميدان عام 1819 لربط شارع ريجنت. و أسواق ومحلات في بيكاديللي .
يعتبر ميدان بيكاديللي أحد أهم وجهات السياح وسكان لندن على حد سواء حيث تضم هذه المنطقة و ما حولها العديد من أماكن الترفيه والمحلات و الأسواق و السينمات و المسارح و المطاعم و المقاهي والتي تنتشر لقربها من ليستر سكوير (ميدان ليستر).و مركز تروكوديرو (تروكوديرو سنتر) الذي هو جزء من لندن بافيليون (سرادق لندن) London Pavilion . يضم الميدان شاشات عرض (نيون) ضخمة كما يضم نافورة ميموريال Memorial fountain.أو نافورة ايروس Eros.
يعتبر الميدان عقدة مواصلات حيث يوجد في ميدان بيكاديللي محطة مترو أنفاق تابعة لشبكة مترو أنفاق لندن و تسمى المحطة بيكاديللي سيركس Piccadilly Circus station و التي يمر فيها خط بيكاديللي( ذو اللون الأزرق) الذي سمي نسبة إلى هذا الميدان كما يمر فيها خط باكرلوو (ذو اللون البني الفاتح) Bakerloo Line. إضافة إلى ذلك تمر في الميدان العديد من الباصات مما يجعل الوصول إلى الميدان سهلا باستخدام وسائل النقل العام. هني تلقونمطاعم فرايديز وبلانت هوليوود مطعمي المفضل والهارد روك