الي تعتبر نفسها خبيره نركيا ادش

[عيد الفرح]

بنات صباح الخيرات :eh_s(7):
انا بسال الي عندها خبره بتركيا تساعدني لان اول مره بسافر تركيا وعندي كم سؤال
1- شلون الجو بشهر ابريل :eh_s(10):
2- تنفع لليهال سعني فيها اماكن ترفيه لليهال
3- شنو ترشحولي فندق راقي بوسط اللويه والعيطه بمنطقة تقسيم
مشككككورين ماقصرتو
مو اطنشوني عاد

 

[law love]

اللي اقدر اجاوب عليه

ما تنفع للاطفال وايد

و ما افضل السكن بتقسيم

 

[هاديهـ&مطيعهـ]

السكن بمنطقة السلطان احمد برايي افضل بليل يكون المكان هادي والقعده بالكفيهات عجيييبه والفنادق ارخص من تقسيم
تقسيم بليل موشي اذا عندج يهال يكثرون بنات الليل بالشوارع خصوصا شارع الاستقلال وصوب الفنادق العرب متكودين من جميع الجنسيات وشيشة وتفرج على الرايح واللي راد واليهال يستانسون بالجو الحلو والألعاب لهم بكل مكان والجو بشهر ابريل حلو بس بارد شوي شهر مايو افضل شهر لتركيا

 

[عيد الفرح]

يامال العافيه بنات ديرتي ماتخيبون ضني فيكم
زين ممكن تحددوليي اماكن تنفع لليهال

 

[القصيدة]

السلام عليكم و رحمة الله و بركاته

من وجهة نظري السكن في سلطان أحمد أحلى و أونس

و عندك كل المزارات التاريخية ( قصر طوب كابي + جامع السلطان أحمد + متحف آيا صوفيا + خزان الماء + الأسواق الشعبية المسقوفة )

المنطقة حيوية كثيــــــــــــــــر و كلها كافيات و مطاعم و محلات و قروبات سياحية و حركة و تبدأ منها الباصات السياحية اللي تسوي جولة باستانبول

فيها الباعة المتجولين و اللي يبيعون الايسكريم و يسوون حركات بهلوانية للأطفال و أحياناً فيها استعراضات عثمانية

فيها حديقة جولهاني بارك و هي منتزه كبير فيه ألعاب بسيطة للأطفال زي المراجيح و فيها كافيات ع البوسفور

و فيها برضو الحمام و يقدرون أطفالك يوكلونهم

و قريبة من أمين أونو اللي تطلعين منها معظم الرحلات البحرية

و العاملين فيها بالمطاعم و الكافيات و المحلات كثير فريندلي و بشوشين أكثر من العاملين في تقسيم اللي أحسهم رسميين كثير

سلطان أحمد كبيرة و كل أماكنها توصلينها على رجولك بس خلي معك ماء :ggdw: و راح تلاقين كثير يبيعون ماء هناك

ممكن تروحون فوروم مول يعتبر من أكبر مولات أوروبا و جديد بعيد شوي عن سلطان أحمد

تقدرون تروحون له بتاكسي فيه أشياء كثير مناسبة للأطفال زي صالة الثلج و الاكواريوم و صالة الألعاب المائية

و فيه استوديو يصور الأطفال و كأنهم طايرين على بساط الريح في شوارع استانبول


ما أدري عن جو تركيا بأبريل لكن أتوقع إن شاء الله يكون حلو ،، إحنا رحنا بأوغست و كانت الشمس حارة شوي لكن الهواء بارد و كم يوم نزل علينا مطر

إن شاء الله تروحين لها و تعجبكم :eh_s(7):

Have a nice journey ​

 

[سالي كوليكشن]

هلاا حبوبة الجووو برد شوي في شهر 4 خاصة بالليل بارد حيل اما عن الاماكن اللي تصلح للاطفال
عندك عرض الدلافين في منطقة ايوب التذكرة ب25ليرة الشخص
عندك مجمع فروم اسطنبول وفية الاكواريوم وصالة المنحوتات الثلجية في تذكرة عائلية
عندك مجمع جواهر مول فية ملاهي كبيرة مغطاة للاطفال
عندك حديقة الميني تورك في منطقة ايوب ايضا اللي فيها معالم اسطنبول علي شكل مجسمات التذكرة 10ليرة
عندك المدينة الثلجية تزلج ووناسة حق اليهال في مجمع اسمة توريوم سعر التذكرة 15 ليرة الشخص
عندك مدينة الملاهي في الجانب الاسيوي اسمها لونا بارك
عندك المنطاد في الجانب الاسيوي جنب محطة القطار حيدر باشا سعر التذكرة15 ليرة
عندك رحلة في البسفورفي سفينة كبيرة سعر التذكرة للشخص 10 ليرة
عندك منطقة اورتاكوي كلها محلات حلويات وايس كريم وبطاطا مشوية وكافيهات ومطاعم مطلة علي البحر
انا عندي عيال وهذي كلها الاماكن اعجبتهم وتستحق الزيارة ودشي وشوفي الصور في تقريري 2011

 

[عيد الفرح]

فديتكم ماقصرتوا
اختي القصديه تكفين عطيني اسم او عناوان المصور حق اليهال :eh_s(7):
سالي الله يحرم ايدج على النار ويحفظلج عيالج :eh_s(7):
ممكن ترشحولي اسم فندق حلو وراقي

 

[القصيدة]

السلام عليكم و رحمة الله و بركاته

مراحب اختي عيد الفرح

المصور موجود في فوروم مول بالطابق الأول
​

 

[قلب وردي]

اي والله نبي خووووووش فندق بسلطان احمد يكون بشارع حيوي كافيهات ومطااااعم ووناااااسه

 

[<miss botamba>]

في فندق اسمه كرتون بتقسيم

هذا اسمه و عنوانه


Cartoon Hotel


Tarlabasi Boulevard 36 Istanbul, 80080 Turkey

 

[جنـــا]

:

بشهر ابريل اتوقع يكون الجو بارد و ممطر

بالننسبه حق العاب الاطفال لاحظت اغلبها تكون بمجمعات التسوق

والفندق انصحج بفندق رمادا في منطقه شيشلي موقعه حلو و فندق راقي

بعيد شوي عن التقسيم ..

وتروحون وترودون بالسلامه ان شاء الله

: