مرحبا يالطيبة ..
بالنسبة لطريقة طبخ خلية النحل هي نفسها عجينة الفطائر ..
مثلا اني استخدم حاليا هالعجينه ومنها اطبخ الفطائر وخلية النحل ..
كوب ماء
ونص كوب سكر
ملعقة صغيرة ونص بيكنج باودر
2 ملعقة صغيرة خميرة
ثلاثة ارباع الكوب او كوب حليب ( 3 او 4 ملاعق صغار حليب بودرة وصبي ماي عليهن وخلطيهن وبيكون حليب )
تخلطيهم المقادير مع بعض لين تذوب الخميرة وبعدين اضيفي نص ملعقة صغيرة ملح ونص كوب زيت واربع اكواب طحين ابيض ..
ضيفي كل مرة كوب واعجني لين توصلي لعجينة ملساء وناعمه ..
تختمر نص ساعه او ساعه الا ربع انتي بتلاحظي العجينة تنتفخ وتبدي اتشكلي منها دواير وداخلهن جبن من نوع المثلثات .وادهنيها بالبيض ورشي السمسم اختياري .
ادخليها الفرن ربع ساعة وفتحي الفرن ورفعي العجينة من تحت بسكين / إذا لونها بني من تحت خلاص نضجت اطفئي من تحت وشعلي نار خفيفة من فوق خمس دقايق او لين يتحمر من فوق ..
