الي جربت ربط الأسنان تتفضل بليييييييز..،

[Haru]

السلام عليكم ورحمة الله وبركاته
كيفكم يااحلى صبايا ??!
ان شاء الله بأتم صحة وعافية...،
سؤالي.واضح من العنوان ابي وحدة جربت او سمعت وشلون صارت وشنو النصائح اللي اتبعها
لأني 99٪ ان شاء الله بسوية
يلا انتظركم ياعسولات:eh_s(22):

 

[فجر_الكويت]

حبيبتي انا سويته بسنة ٢٠٠٣ اهوا الدكتور نفسه يقولج كل اسبوعين يفتحلج ياه ٣ ايام وتردين اتصكرين اول اسبووووع تنزلين ٤ الا ٥ كيلوو ثاني اسبوع يثبت تنزلين ٢ او ٣ بسسس وطبعا برايي ما انصحج فيه لان بعد ما تفتحينه بصير هجوووم علا الاكل ماكووو فايده الا اذا عندج اراده وتتمين كل اسبوعين تفتحينه يومين او ٣ وتردين تربيطينه ممكن تضعفين طبعا مكانهم عيادة البلازا الي بحولي اول مره عشان يحطولج حدايد ب٥٠ دينار بعدين كل اسبوعين لمن بتربطين بس تدفعين ١٠ لان الحديده اتكون موجوده بس السيم يحطولج ياه وطبعا لحد يومج هذا الاساس الحدايد موجودين ما شلتهم عشان اي وقت بربط بس ادفع ١٠ وطبعا ما ظنتي افكر اربط كلش بس تقدرين اتفولين معطي منظر حلووو جني حاطه ستراس وسلاااااااامتج

 

[Haru]

مرحبااا قلبووو ..
انــا كنت مقرره اخليه 3 اشهر ومافوق عشان معدتي تصغر..
اناإأ مو بالكويت .. عندنا يسوونه ب300 ريال تقريبا تساوي 23 دينار كويتي..
ياقلبوووو تيب كيف نتيجته معك..؟؟! نقصتي عن اول ؟!
وكم شهر تركتيه ؟!

 

[توتــه]

اتمنى تشوفين هالفيديو قبل ماتقررين

http://www.youtube.com/watch?v=8-A4dUhThpI

 

[حلاتي غير]

مادري بس مره سمعت انه خطر لانه حتي لما تبين تعطسين ماتقدرين لو لا سمح الله شرقتي موزين ممكن يصير فيج شي

 

[** رش رش **]

وين في عيادات تسويها بالكويت

 

[sara sarang]

حبيبتي لي جون كي شرحيلي اشلون يربطونهم ما فهمت ودي اعرف

 

[Fo$hY Mo$hY]

انا ربطت السنه الي طافت

ما انصحكم فيه يعني الصراحه ما شفت نتيجه حلوه !

ما تقدرين تبطلين حلج - ما تقدرين تتثاوبين - عادي تقومين من النوم تلاقين السيم منقطع وهني يبتدي الهجوم ع الاكل

و ماتقدرين تعلجين

و اكثر شي يضايق ماتقدرين تفرشين اسنانج من داخل ! و هذا الشي يسبب ريحه في الفم معني كنت اتمضمض بغسول للفم بنكهة النعناع و يقتل البكتيريا بس ماكو فايده

اممم يعني الصراحه ماشوف ان يسوا الوحده تسويه و عن نفسي ما ضعفت عليه و كل شوي السيم منقطع

 

[%F&R%]

ودي احطا بس خايفه

 

[WAAAW]

امبي لاااااااااااااااااااااااااااا والله والله لاتسوينه حددددددددددددده خطر انا سويته من زمااااااااااااااااااااااااااااااااااااااااااان

والله العظيم تعبت منه اذا بتعطسين جنج بتموتين واذا نسيتي وبتتثاوبين تموتين تكرهين حياتج وماتقدرين تتكلمين عدل .. وغير جذي ماتقدرين تفرشين اسنانج من داخل تعالي شوفي البكتيريا شلون ترقص .. والله رجعت حق الطبيب خلال 5 ايام قلت له بطلي لي اياه
وتعالي شوفي البلاوي اللي على لساني ويييييييييييييييييييييع كرهت نفسي .. مادري شلون كنت غبيه وفكرت اسويه

 

[chnoof11]

هلا حبيبتي انا زيك من السعوديه من الرياض وسويته عام ٢٠٠٥ ب٥٠٠ ريال وع وع وع نصيحه من اخت لا تجربينه عدملي اسناني وبعدين خطر لو شرقتي مايمديك علي طول القبر ولا شفت منه اي فايده هو هو وزني ماتغير وكل الاعراض الي قالوها الاخوات كلها صارت فيني خصوصا تفريش الاسنان والحمدالله الحين جالسه استخدم رجيم ينحف في الاسبوع من ٢-٣ كيلو. مرتاحه عليه

 

[Sparkle]

أهم شىء توني أسوي بحث عنه أول مرا أسمع فيه,, @@ مو من صجكم تبون تربطون الأسنان بأسلاك وفوق هذا مسكنات للصداع ومضادات حيوي للجروح الي يمكن يسببها الأسلاك ولا تقدرون تفرشون ضرسكم وغسوول للحلج من الروائح...!!!!

أتمنى يصير فيج اراده هل حل ما ينفع مع أحد بيخسر وزن خصوصا لو كميه كبيره راح يهجم على الثلاجه,,تابعي نظام صحي ووخري عن الفاست فود والحلويات

 

[modern]

اكرهها هالطريقة مو نافعة أبدا حبيبتي وايد طرق لتنزلين و ناكو شي مستحيل ماشالله في بنات نزلو اكثر من ٣٠ كيلو عبر الريجيم و الغروبات الرشاقة

 

[دنيتى انا]

حبيبتي جربي امنتي تتخيلين انجحاطتها وشوفي احساسج شنو يكون


اكبر غلط والبنات كلهم ذمووها واللي مجربين خلي عندج اراده وبلا هالدوخه

كلنا بالاول ماكو اراده وتعبنا على اللي وصلناله في رجيم عبدالله المطوع اسمه

((رجيم عبدالله المطوع الصاااروخي )) بالاسبوع ينزل بشكل خيالي كل التجارب تكلمت عنه

ومدحته ...مع شوية رياضة ...ينزلج من 3 الى 6 كيلو بالاسبوووووووووووووع

 

[RicardO]

مادري شصار عليج الموضوع صارله 5 شهور يعني يمديج ضعفتي

اي التسييم قصدج انا رفيجاتي مسوينه وضعفو عليه حيل نزلو 20 كيلو وام اسبوع 5 يعني حيل زييين
صج ماقدرو يتحملون بس يفجون بمقص من الدكتور يكون معاهم دايم ويردون يحطونه
بس فج فكهم من كثر الشد مايقدرون يتكلمون واما شكله كرستاله يعني ذرب
ومن صوب واحد يعني طبقو اسنانكم على بعض تخيلو 3 سن مربوط باللي فوقه وتكلمو عطسو كحو ماتقدرون
كنت والله بسويه بس العطسه شلون وانا شهر كامل اكحكح واعاطس