الي حجزت عن طريق موقع بوكنج ابيج بليز ضروري

[~ ام توته ~]

السلام عليكم
بنات انا ناوية اروح دبي ان شالله بعد 3 شهور

وبحجز عن طريق موقع بوكنج بس مو عارفة طريقة الدفع

بليز الي عارفة تساعدني يعني ادفع بأي فيزا يسير بكرت البنك مال المعاش اهوه في مكتوب عليه فيزا

واول ما احجز راح يسحبون الفلوس ولا لما اوصل هناك

ولما احجز لازم اكون حاطة الفلوس كلها بالحساب ولا بس لما اوصل

ادري طولت عليكم اسفة

مشكوريين​

 

[عواشه القرقاشه]

حبيبتي اذا تبين تحجزين لازم فيزا
او تقدرين تطلعين فيزا انترنت انتي تعبينها احسن لج
وسهاااله ما يبيله شي
وما يقصون منج لما تدفعين
لما توصلين هناك يشخطون بالفيزا و ياخذون المبلغ

ولما تحجزين يدزون لج ايميل طبعيه واخذيه معاج

 

[~ ام توته ~]

مشكورة عالرد حبوبة

انا عندي فيزا الانترنت من الوطني بس اذا حطيت فيها فلوس مايقدرون يسحبون منها لازم من الموقع

كرتي العادي مال لكي من الوطني مكتوب عليه فيزا جذي قصدج؟

 

[فارسة خالد]

لا حبيبتي مو بطاقة الكي نت

لازم بطاقة فيزا او ماستر كارد بطاقات ائتمانية انا زوجي عنده ماستر فا كله نحجز من الماستر ولازم يكون فيها فلوس طبعا

طبعا بعد ما تحجزين تطبعين الحجز مالج ولما تسافرين تسلمينه للفندق ويطلبون منج الماستر او الفيزا تعطينهم ويقولون لج تبين نسحب منها حق الفندق والا بتدفعين كاش لان الفلوس اللي بالبطاقة ما انسحبت بس انحجز عليها لكن المهم حجز الغرف موجود وكل شي واحسن لج تحجزين من هالموقع لان امان وارخص وسهل جربناه حق دبي وتركيا واستراليا وامريكا ممتاز

 

[bal8es]

مادري انا حجزت حق دبي من موقع فندق دوت كوم

كان حلو وحجزت من البطاقه العاديه مالت المعاش

ووحجزو على الفلوس يعني ماقدر اتصرف فيهم ولما وصلنا هناك سحبوهم

 

[~ ام توته ~]

اوكي مشكورين والله ماتقصرون ​

 

[UniquẼ ♥ ώomaN]

افضلج سوي فيزا انترنت

وعندج خيارين اما تحجزين ويخصمون بنفس الوقت
او تحجزين بدون ماتدفعين مكتوب (الغاء مجاني) وهالخيار يخصمون الفلوس لما تسكنون الفندق بس يكون اغلي بشوي من الخيار الاول

 

[عيون الدار]

بنات عفيه شنو افضل مواقع حجزتوا منها وممضمونه
لاني ناويه اروح تايلند

واشلون اسوي فيزا انترنت ؟

وشنو الافضل فيزا انترنت او بطاقتي مالت البنك ؟؟


بليييييز عطوني رايكم

 

[Joy Designs]

حبيبتي احسن شي طلعي لج بطاقة فيزا Pre Paid هاذي انتي تحطين فيها فلوس لان فيزا الانترنت بس للانترنت
انا توني ياية من تايلند وكل حجوزاتي بالفيزا مسبقة الدقع
وكل حجوزات الفنادق عن طريق موقع بوكنغ .. اهو ما يسحب المبلغ مباشرة بس يسوي هولد على سعر ليلة وحدة واول ما تروحين الفندق تدفعين هناك

 

[هنـــد]

عادي تقدرين تستخدمين بطاقتج مالت المعاش بس شرط جيكي خلف البطاقه في ثلاث الارقام او لا

لان بطاقة بنك الوطني فيه

وبنك التمويل مافيه

 

[أم سيف وسلطان]

عادي حجزي منه انا جربته وما يسحبون شي الا اذا كان مكتوب عليه دفع العربون