الي راحت امريكا تتفضل

[awashamen7asha]

السلام عليكم بنات
انشالله بروح امريكا لمرافقة زوجي و عندي استفسار
انا الحين حامل بالسابع
و بروح على الدرجة السياحية
هل تفضلون الخطوط القطرية؟ ولا البريطانية؟ و ليش؟


طبعا ادعو الله انه يثبت الي فيني و يحسن اخلاقه و خلقته
ومشكورين
:eh_s(6):

 

[awashamen7asha]

اكو خيارات ثانية؟ يونايتد؟
بنات انا ابي ارتاح بالرحلة! اهم شي عندي الكرسي!
لو كرسي الكويتية درجة رجال الاعمال مريح و يصير ينفتح و يصير سرير اقدر اريح ظهري. بس الي اعرفه ان الكويتية كراسيها راحت عليها و مو وسيعة و لا مريحة!
بليز help

 

[اشراقة الحياة]

حبيتي عسا الله يثبت حمالج .........

والله انا جربت الامارتيه حق مسافات اوربا وشرق اسيا كان الوضع مريح .....
بس حبيتي انتي اصلا حامل ....يعني الله يعينج حتى لو كرسي وسيع ... لازم كل ما حسيتي بتعب شوي امشي داخل الطياره
حركي ريولج ..........

الله يسهلج انشالله ......... ويثبته ويرزقج الولد الصالح

 

[كويتيه مزيونه....]

حبيبتي انا اتوقع اكثر وحده سافرت لامريكاا ملللييييييييييييييييت منها

انا اقولج انتي اول لاي ولاييه بتروحين
وانا قولج اذا قدرتي روحي على الكويتيه صج انها مو وااايد
بس الطياره كبيره ومو زحمه احنا لما اروح كل واحد ياخذ
له لاين وينسدح واذا تقدرون الاحسن على الاماراتيه علشانج
انتي علشان لا تتعبين لانها دايركت على الولايه وماكو انتظار
احسن بوايد وخذي البزنس احسن واذا تبين على الكويتيه الكويتيه
بيوقفونج وديري بالج اتروحين بطيارة دلتا اللي تكون داخل الولايات
خذو غير دلتا احسن لكم والله يما دلتا رحنا فيها عذااااااب والله
حتى ماي ما عطونا وكل وااحد ملزق بالثاني والله عذااااااااااااااااااااااااب عذااااااااااااااب
وعلى سالفة تمشين بالطيااره لانج حامل اهلي والحمد الله ما فيهم شي الا انهم يمشون بالطياره
حتى اهما يقولون لكم لانه مو زين على الريول ما بالج انتي حامل وتعبااانه
والله لا تقعدين فترة طويله كل شوي امشي ديري بالج حبوبه
واي سؤال او استفتار انا حاظر من عيوني والله يوصلكم بالسلامه يااارب

 

[rawona]

هلا حبوبه ..


الله يعينج ويثبت مافيج ويتمم عليج اللهم امين وتولدين بالسلامه


شوفي انا سافرت على الكويتيه وانا طالبه وكنت حامل بالسابع بس انا كنت قاعده درجة اولى وقعدت بالداخلي سياحية ..

السفر مو مشكله بس لازم قبل لا اطيرين من اهني تاخذين معاج ورقة من طبيبتج "لامانع السفر" وانتي بالشهر لان احتمال اهناك بامريكا يسوون لج سالفه

الشغله الثانيه الرحلة طويله يفضل اذا بتروحين على الكويتيه تحجزين درجة اعمال والا شوفي الاماراتيه او اليونايتد او الديلتا بالطيران الاخير "اليونايتد او الدلتا" الكراسي بالسياحيه لج عليها شوي بس اذا حابه اخذي الايكونومي بلس "سياحية بس اوسع شوي" او رجال الاعمال


الرحلة طويله حرصي على الاكثار من شرب السوائل بالطياره "الماي خاصة" شربي كثر ما تقدرين ولا تحاتين الحصره لووول لان مو زين لج مع ضغط الطياره تورم ريولج

حركي ريلج وانتي قاعده واذا حصلت لج فرصه تتمشين فيها شوي بالطياره تمام


والله يسهل عليج انشالله

​

 

[awashamen7asha]

مشكورين حبيباتي وايد وايد!
انا ميزانيتي بس على بزنس الكويتية
او اكنومي درجة طيران ثاني.
الاماراتية شوي بتطول علي الطريج لأنها تروح الامارات بعدين تنطلق امريكا. يعني 4 ساعات اضافية على الرحلة
ماجربتو البرتش؟ او القطرية؟

 

[awashamen7asha]

انا بروح ولاية اوهايو "منطقة كليفلاند"

 

[brettey]

الله يسهل دربج يارب ويهون عليج اهم شي لايدرون انج حامل بمطار الكويت ولا مايخلونج تركبين الطياره

 

[awashamen7asha]

brettey:
شدعوة! ليش مايخلوني اركب اذا حالتي مستقرة و معاي تقرير الدكتور؟؟؟؟؟

 

[um 3li]

حبيبتي توكلي على الله وروحي على البريطانية عجييييييييييييييييييييييبة
انا قعدت على البيزنس بس روعة فوق الوصف وتنزلين ترانزيت بمطار هيثرو لندن
بس اول شي اخذي كتاب موافقه من الدكتورة لان في طيران يرفض انج تركبين وانتي بهالوضع

 

[awashamen7asha]

british حدها مشوقتني!! بس سعرها حق الون واي 1200
تو وايز 900! شوية اغلى من ميزانيتي! بس احسها تسوى! و انا خايفة ادفع وايد على الطيران و تنقصنا الفلوس بالسكن و المواصلات و المعيشة هناك

 

[malekatsabaa]

حبيبتي
انا جربت الاماراتيه والكويتيه والقطريه واليونايتد

بس افضلهم للمسافات الطويله في السياحيه هي البريطانيه

 

[طوق الياسمين]

انا جربت القطريه بس مو سياحيه..وبصراحه كانت احدث الطايرات وسييييييييييييييييييييييييعه وخدمه ممتازه واحلى شي ان مب زحمه فالمضيفات كانو متوصييين فينا انا وعيالي

 

[Queen-q8]

انا جربت البريطانية

وهمن القطرية

بالنسبة للبريطانية جربتها على البيزنس وهمن الاكونومي بلس
اهيا زينة بس معاملتهم برا الطيارة مو ليهناك

وطبعا الاكونومي بلس اوسع شوي من السياحية وهمن الكراسي اكبر شوي شوفيها يمكن تناسبج وشوفي وين اقرب مكان توديج خصوصا انها توصل لوايد ولايات بامريكا

بالنسبة للقطرية زينة بس بالوسع عادية ما تفرق وايد عن غيرها

وبعدين انتي تصيدي السعر ترى مرات يسوون خصومات حلوة جود تلقين بيزنس يناسبج