الي راحت تركــيا او شرم الشيخ تدخل

[دوا الغوري]

مرحـــــبا بنــــات

انا ابي اسافر تركيا او شرم الشيخ محتاره بينهم

ابي الي راحت حق وحده من هالدول تكتبلي كل شي عنها تكاليف السفره من الالف الى الياء والاماكن الحلوه فيها لاني انا وزوجي اول مره نسافر

بليـــــــــــز لا تبخلون بردودكم...​

 

[hona elkuwait]

انا رحت تركيا تقريبا سنة 2004 اعتقد

رحنا مع قرووب

اسطنبول ، بورصه " بورسا " ، أبانت

شوفي تركيا دولة حلوة وشرحه واكلهم وايد وايد لذييييييييذ ، وبضاعتهم عجيييييبه تينن

خاصه للاتنسين تروحين أكَـ مركز ، ونسيت الثاني

سوري حبوبه ماذكر لانه من زمان بس هالشغلات الي اذكرهاا

اسطنبول بما انها بالعاصمه فحوسه ولويه ـ بورصا نص ونص شوية حوسه وهدوء وحلوة

اما ابانت مثل بجبل فوق وعجييييييييبه ـ وبالليل بالفندق تسمعين صوت ذيابه لول بس وناسه تحسين طبيعه

والله يسهل عليكم سفرتكم ان شاء الله وتستانسون

 

[shajasha]

انا توني راده من شرم الشيخ صارلي تقريبا اسبوعين
بحر عجيب رحلات بحريه وقهاوي بالليل

 

[ظلال القرآن]

شرم الشيخ مو سفره صيف حلاتج تروحين لها بالبراد لانها حااااااااااااااااااااااره بالصيف
وحدها 4 ايام بس مو اكثر

 

[nandoshia]

بالنسبه لي توني راده من شرم الشيخ معاي زوجي وبناتي 2، التكلفه كانت تقريبا 1000 دينار شامله التذاكر حجزت طيران الجزيره ، الفندق هيلتون فيروز ، الرحلات والاكل ...طبعا مافيها سوق يسوى فماشريت شي من هناك.
الحمدلله رحله سعيده واستانسنا فيها وايد

 

[Om.Fisal]

اناا تونى راده من شرم بصراحه اتهبل رحلات بحريه والبحر عجيب وفيها رحلات الصحرى بالبقيات او الحصن او البعران كلفتنى 4 ايام كلفتنى بحدود 800 شامل كل شى سكن وتذاكر ومصرف بس انا كنت رايحه بعرض الجزيزه بنسبه للتذاكر بس ما فيها سوق حلو بس سياحه وتغير جو

 

[أم عبداللطيف]

شوفي حبيبتي قبل أسبوعين يايه انا مع ريلي من شرم

تهبل استانست فيها وكلفتني مع اقامه 5 ليلي بنوفيتيل اللي على شارع نعمه ومطل على البحر 850 دينار شامل التذاكر من الجزيرة والافنادق

حلوه كلها بحريه رحلات بحريه وبصراحه اهي كسر روتين وماتعتبر سفرة بمعنى الكلمة وبحرهااا يهبل وجوها زين حر بنهار وبراد خفيف بليل بس طبعا اذا رحتي لها ابجر يكون الجو حلو

اما تركيا فيمدحونها البنات للسفره جذي حلوه من ناحيه المناطق والجو والاكل والرحلات لان شرم تروحين لها كسر روتييين وكلها بحر وقهاوي وسهر بليل وسباحه بالبحر

وانتي براحتكموفقه

اما عن تركيا

 

[cheese cake 84]

طبعا ارشحلج تركيا واااي تركيا وما ادراك ما تركيا جو عجييب واكل يميييييييييييييييي لذييييييييييذ تموتين وانتي بس تاكلين من لذه الاكل والسوووق واااااو واااو واااو خصووصا المحلات التركيه واااي تيييننن هالديره استانست حدي انا رحت لها العام ورحت بورصه واسطنبول ويلوه وتقريبا صرفت 1500 بدون التذاكر والسكن لان السوق مينووون والديره اتينن ولا يقصوون عليج يقولولج الاتراك ناشفين وعصبيين بالعكسسسس بس يضحكوون ويسولفون معاج طبعا بالانجليزي المكسر نصييحه تركياااا بدون تفكيييييييير

 

[تمنيتك]

روحي تركيا ... وبتدمنينهااا

ياحبي لها ..

انا كذا مره اروح لها واول مره سنه 98

مثل ماقالو البنت كل شي فيها حلوو اكلها اسكندر كباب اخييييييييه ولبن وطبيعه وناس واسواق وكل شي

 

[ombaza]

امبيه روحي اسطنبول صج صج شي خيال
اذا بتروحين عالجزيره بتنزلين مطار صبيحه يبعد عن الستي ساعه تقريبا بس مارخ تحسين على ماطالعين المناظر الحلوه
انا تعاملت مع مكتب الحران صج صج امان ويخدمونج هذا رقمهم يتقبلونج بالمطار ويودونج فندقج السايق ايي الصبح ومانرجع فيه اللا بالليل يفر فينا فر
00905352560388

 

[¤§ زيتونة §¤]

انا ارشح لج تركيا خصوصا بورصة لان اسطنبول بالصيف زحمة موووت وحررر

بورصة وايد احلى وابرد واماكنها اشرح وناسها وايد طيبين وترتاحين نفسيا


وروحي منها رحلات خارجية حق ترابزون - بولو ابانت - اوزنجول


احنا نروح بالسيارة وااايد وناسة وممتعة بكل الاوقات


ولا تنسين تروحين التلفريك للجبل الجو عجيب والمحلات ومطاعم وقعدة على كيف كيفج


واوافق اختي تشيز كيك الراي بانهم طيبين ويحبون يتعرفون علينا وكلهم ذوق الصراحة





شرم الشيخ حلوة بس مالت 3-4 ايام حدها لانها بحر وسباحة وبس ماكو طبيعة ولا براد ولا مناظر حلوة
موفقة حبيبتي

 

[3e6er alwrd]

روحي تركيا اكيد لان شرم الشيخ ما تصلح بالصيف حر وما يبيلها اكثر من 4 ايام اما تركيا ما تنمل