الي راحت هولندا تتفضل !!

[banoota_93]

السلام عليكم
بنات انا بخاطري اروح هولندا
بس ما اعرف شي عنها
ابي اعلرف شلون سوقتها و اسعارها و جوها
الي تعرف خل تفيدنا
وشكرا

 

[سيد-الغنادير]

انا رحت قبل العام وبصراحة روعة روعة روعة
واسعارها حلوة مو حيل غاليه وانا تسوقت اكثر شئ من h&m c&a وجوها يميل للبرودة لاني رحت وشريت لي بالطوين

بس بصراحة الرحلة ماراح انساها بحياتي وهي من افضل سفراتي ...

ويكفي انها حديقة اوروبا وين ماتروحين مساحات الورد على يمينك ويسارك.. روحي وماراح تندمين ..

 

[سيد-الغنادير]

[B]انا رحت قبل العام وبصراحة روعة روعة روعة
واسعارها حلوة مو حيل غاليه وانا تسوقت اكثر شئ من h&m c&a وجوها يميل للبرودة لاني رحت وشريت لي بالطوين

بس بصراحة الرحلة ماراح انساها بحياتي وهي من افضل سفراتي ...

ويكفي انها حديقة اوروبا وين ماتروحين مساحات الورد على يمينك ويسارك.. روحي وماراح تندمين ..[/B]

 

[فراولة^فوشيا]

وااااو شوقتيني

 

[banoota_93]

يسلمووو على مرورج العسل

 

[Venice]

هولندا روعه وعيبها متروسة عراقيين ههههههههههههه

لكن نصيحة هم اهي مشهورة بانحلال الاخلاقي

المخدرات تنباع بشارع وبنات الليل بالفترينات والله مانسى شلون ضعنا ودشينا شارعهم

الحذر واجب .. يعني انا رحت امريكا ودول اوروبية ماشفت جذي الا عندهم اشكره

بس تهبببببببببببببببببببببل طبيعة وجو روعه والورد ياخذ العقل:eh_s(17):

تستاهل تشوفونها

 

[عطر فواح]

انا رحت هولندا السنه اللي طافت
انا قعدت في امستردام بصراحه اول ما وصلت بغيت ابجي
شي ما كنت متوقعته شكلها كئيب حيل مع بيوتها القديمه
بس مع الوقت حبيتها
بس لا يخرعونج يقولون لج كلها مخدرات ومجرمين وبنات ليل
ترى هذول مو موجودين الا في شارع معين ويقولون لج مالوت التورز
ديروبالكم اذا بتدخلونه وانتي رايحه حق وناسه مو حق خرابيط فمالج شغل فيهم
عموما انا رحت نص مايو بصراحه جوهم بارد وهوا وايد ودايما خلي معاج شمسيه او بالطو مطر لانها عادي بسرعه ينعفس الجو وتمطر وبعد شوي تطلع الشمس
سوقهم حلو في شارع طويييييييل كله محلات طبي وتخيري كلشي فيه
احلا شي عندهم الجواتي واسعارهم معقوله
معاملتهم زينه بس بعدي عن العرب راح تشوفين وايد بنات متحجبات بعضهم عرب وبعضهم اتراك بصراحه انا اللي شفتهم ما عجبوني فيهم قله ادب شوي ومافي احترام حق احد بس الاجانب زينين
لا تفوتين التورز في عندهم اماكن وايد حلوه كافي انج بالباص راح تشوفين مناظر مو طبيعيه فزهبي كامرتج
التكاسي عندهم وايد غاليه فراح تشوفين وايد ناس كاشخين على قواري انا اسميها ديره القواري من كثرهم حتى عندهم موقف متعدد الادوار حق القواري واللي عنده عيال قاريه جدامه عربانه جنه مال الخضره :eh_s(6): فاحسن شي الترام لا تشترين التكت من الترام نفسه كل ما صعدتي راح يكلف وايد احسن شي اشتري التكت من الفندق او المحطه او محلات التحف راح تكون طويله كل ما ركبتي سويلها فالديشن من الترام في مكينه صفره حطي التكت فيها وتختمها بس وحده وترك ما ادري ليش بس اهي جذي (شويه غباء فيهم) واعتقد لج ساعه اوساعتين على الفالديشن
امستردام مدينه اثريه فكل شي فيها قديم اما روتردام العكس راح تشوفين فيها شغلات عجب واذا تبين مدينه هاديه وحلوه اخذي القطار حق هارلم تقريبا نفس امستردام بس اهدا وايد
بالنسبه حق الرحلات: انا رحت حديقه الزهور شي مو طبيعي وايد حوله بس اذا فيج حساسيه ديري بالج اخذي دوا الحساسيه قبل لا تروحين وخلي معاج فوطه صغيره وماي علشان تغسلين ويهج اذا زادت معاج
ورحت بعد مصنع الجبن و قريه الطواحين يورونج داخل الطاحونه
وهم في يوم رحنا بلجيكا رحله يوم واحد بصراحه ما عجبتني اتضيق الخلق وفيها عرب وايد بس احلا شي فيها الكاكاو وفي عندهم سوق اتوقع انه حلو بس ما مدانا الوقت نتفرفر فيه
بصراحه انا استانست وايد بهالرحله بس ذبحني البرد والهوا والمطر
واهم شي لازم تاكلين البانكيك مالهم جنه خبزه عوده وخفيفه يسمونه بانكوكن :eh_s(6): في مطعم ما اعرف اسمه بس شكره جنه ام الحصن حتى فيه حصن داخل يصير بدوار متخصص فيه

اتمنى ان هالمعلومات تفيدج واني ما نسيت شي وسامحيني انا مشكلتي ما احفظ اسامي المناطق

 

[sadan]

شوفى حبيبتى هولندا غاية بالرووعه

طبعا العاصمة فى كل دول العالم لج عليها وعادية ففى امستردام تقدرين اذا انتى من محبى القطارات تلفين العالم عن طريقها بسهولة

يعنى انا رحت بلجيكا وبلغاريا وفى مدن جريبة ما يحضرنى اسمها لانى بالدوام الحين

المهم تقدرين تروحين الصبح وتردين المغرب بسهولة

امستردام فيها اسوقة مثل اسوقة الدول الاوروبية المعتادة والمكررة يعنى ملوت لندن

المهم انتى اذا سافرتى حاولى تشوفين معالم الديرة مو الاسوقة لانه كل اللى يبناهم لقيناهم بالكويت بس زيادة وزن

الحلو فى هولنا فى منطقة يسمونها ( اشخيفننق) اللى اهى لاهاى

منطقة على البحر راااااائعه ساحلها عجيب فى الوان واشكال من المطاعم وفى مجمع وايد حلو للسينمات وفى مجمع للتسوق

وبعد فيها المدينة المصغرة نسيت اسمها يمكن نوتردام تشوفين هولنا كلها عنووووونة روووعه لا تفوتج

وفيها مدينة ترفيهية

على فكرة انتى اول ما توصلين اخذى البروشرات اللى بالاوتيل وكل يوم روحى رحلة

كل وحدة أحلى من الثانية انا ما فوت شى بس للاسف انا بالدوام واللى انا كاتبتهم بالبيت

وعلى فكرة خلى قعدتج بشخيفننق أحسن وسوى اشتراك فى الترام اللى اهو مثل القطار بس باص

ولفى الديرة بأقل فلوس

وبعد فى امستردام فى متحف الشمع لا يفوتج

انا مسافرة باجر اذا بغيتى زيادة معلومات اقولج بعد اسبوع لما ارجع

والحين يالله بيبااااااااااى

 

[موني موني]

هولندا ..

من اروع الدول اللي زرتها .. تهبل تهبل ,, كل مكان ورد انه ما كنت اظن انها بهالحلاوة الصراحة سوقها حلووووو .. و طبيعتها احلى و احلى ..


رحنا اول شي لاهاي (( مدينة الاثرياء )) اللي فيها محكمة العدل الدولية ..

و من خلالها رحنا (( شخيفنج )) تابعه للاهاي وهي اتطل عالبحر و كلمة روعة شويه عليها تهبببببببببببببببببل اسواااق و بحر و جو ولا اروع و
كافيهات و هناك انه طحت على محل مكياج و عطور يهبل عنده ماركات مكياج مو موجوده بالكويت ..

اي و طريقة التنقل بالترام او التاكسي بلاهاي ...

و بعدين رحنا امستردام ... سكنا بفندق نوفوتيل يهبل و نظيف .. و يمنا هوليدي ان هم يمدحونا و بالترام نروح ساحة الملكة اهناك اهي تعتبر ساحة حمام و فيها متحف الشمع نفس اللي بلندن بس على اصغر و فيها هالفقارة اللي يلبسون لبس و يوقفون تحطيلهم يورو و تصورين معاهم

و متفرع من ساحة الملكة شارع السوق فيه محلات C&A و وايد محلات و بالفترة اللي انه رحت فيها كان اغلب المحلات فيها خصومات و تقدرين بالقطار تروحين واااايد اماكن ...

عندكم مصنع الجبن حلووووو و الريف الهولندي عند الطواحييين انه شخصيا اموووت على شي اسمه طاحونه و يودونج تقدرين تدخلين الطاحونه من داخل لي سطح الطاحونه

و احنا من لاهاي بالقطار رحنا مدينه (( روتردام )) اهي منطقه تجاريه تهبل كلها سوووق و سياحه و بحر بعد ...

و من امستردام رحنا بلجيكا (( بروكسل ))

و اي استفسار انه حاضرة

 

[بنت بلتيمور]

هولندا أحلى ما فيها جوها و طبيعتها ، بس أسواقها غاليه و لا تناسب الذوق الخليجي .. يعني راح ينتهي فيج المطاف بـ C&a و H&m ... و بعد ما تسكر الأسواق الساعه 6 استعدي لضيقة الخلق لأنها مو بلد عوائل ... تبين نصيحتي روحي و بلجيكا و مري على هولندا لقضاء يوم أو يومين فقط عن خاطرج بس لا تضيعين العطله كلها هناك ...​

 

[noty]

ماحبيت امستردام كلش

الوناسة انه رحنا مصنع الجبن و الجواتي و متحف الشمع

بس كسنتر و سوق و اجواء مو زوود وايد فيها عرب و لويه

حبيت شخيفنج و لاهاي واايد حلويين