الي راحوا لندن مع عيالهم صج هالشي بالفنادق ؟

[brettey]

اشلونكم يا بنات
الي راحوا لندن مع عيالهم وسكنوا بالفنادق
صج مايصير ينامون مع الام والاب بنفس الغرفه ؟
عاد انا عيالي صغار واحد بيكمل 6 سنين والثاني 4
تكفون فيدوني
عسى ربي ينولكم كل الي في بالكم

 

[زيـنـه]

برتي اسم الله عليهم كبار و اثنين .

اخذي غرفه لازقه بغرفتكم و بينهم باب يعني يصيرون كونكتد ..و خلي الباب دوم مفتوح بينكم .

 

[Maneena Manaana]

مو مايصير بس في فنادق الغرفة نفسها ماتكفي الا king bed او 2 كويين وايحطون لج 1 اكسترا بد ( اذا اتكلمين عن الغرفة العادية ..مو سويت)
فاما انكم تاخذون سويت
او مثل ماقالت زينه غرفتين وبينهم كونكتنق دور
او اذا قاعدين يومين 3 قزروها... انتي وريلج بفراش والشباب بفرااش وأهم شي انج اتصورينهم لول لأن الصبح الكبير بقوولج مانمت من ترفس الصغير والعكس فعندج دليل خخخخخخ
والله يعيينج عليهم.. خصووصا بلندن

 

[brettey]

انا بس بقعد اسبوع بس غالي السويت ابي اخذ غرفه نفرين عادي ننومهم بينا بس مادري يرضون الفندق ولا لا ؟

 

[توت عنكبوت]

انا كان معاي بس ولدي وما اعترضو عادي غرفة وحدة كان عمر ولدي 4 سنوات سكنت في كمبرلاند

 

[katko0ota]

connecting room awfar lech

men suite

 

[Maneena Manaana]

اذا بتنومينهم معاكم بالفراش عاادي بس الفندق لما يعترضون يعترضون على انج ماتزيدين كوت او فراش اكسترا بالغرفة عشان لاسمح الله صار ايميرجنسي الا في مخرج وماتكون الغرفة ضيجة.
بس وقت الحجز لما تقولون لهم انتكم 2 أدلتس و2 كدز ويقولون مايصير قوليلهم انهم بينامون معاكم وماراح تطلبون اكسترا بد.. أذكر صارت لنا هالسالفة بهيلتون هيثرو وعاادي مشووها