:) الي راحوو قروبات حياااكم

[meme_alq8]

السلام عليكم ورحمه الله وبركاته
شلونكم ..؟
شخبااركم ؟؟؟
ميمي فكرت واستنتجت انه اغلبيه البنات هني ماراحو قروبات<<انا اولهم
وصرااحه حااابه اجرب هل تجربه خصوصا لما تكون العايله مكونه من اب وام مافيهم حيل للفراره وهما مايعرفون شي :krkrkr::krkrkr:

يعني نسافر ونروح كذا مكان والاماكن الحلوه مانقدر نروح لها لان مانعرفها ولا ندلها وعلى قولت ابوي ماقدر اغامر فيكم:eh_s(14)::0bee2e8d89::0bee2e8d89:

الي راحو قروبات مع سفريات ابي كل وحده تجاوب هل جم سؤال واكووون شااااكره لهاا لان راح تونسني:klhfl::dddds:

اي سفريات؟
وجم شخص كنتو؟
وين سافرتي؟
وجم الميزانيه تقريبا؟
شنو مميزات القروبات؟
وشنو سلبيات القروبات؟
وهل تضايقتي من شغله بلقروب؟
وشنو موقف صار لج بلقروب؟
بليييز بنات لاتطنشوون والله راح تونسوني:eh_s(6): لا راح اسافر انشالللله اذا رتبت الامور لهلي
يالله ناطرتكم

والي دش وماترد ترى ادعي عليها:krkrkr::krkrkr:

 

[meme_alq8]

وينكم بناااات شدعوووووه

 

[amoOoNA Al_mazyoNa]

والله ولا انا جربت القروب بس واايد ناس يقولون أحسن وأرخص
أب أب

 

[أم جوني]

ميمي حبيبتي عاد أنا أموت على مسلسل ميمي للحين أطالعه اما بالنسبه لموضوعج عن القروبات هذي السنه الثالثه الي أسافر انشالله بتاريخ 17 يوليو مع قروب الفضاء رحلة أورانج اول شي أول قروب لي كان مع سفريات الفضاء النمسا وألمانيا سنة 2005وكان اسمها رحلة الأحلام وكانت فعلا رحلة الأحلام سعر القروب دايما أرخص من الحجز الشخصي لأنه بالمجموعه يي بكيج كامل اما عن الوناسه فهي تعتمد على نوعية القروب انا سافرت انا وريلي وكان قروبنا كله شباب مافي الا ياهل واحد وكان هادي واغلبية القروب كله الريال وزوجته كانت متعه كلنا على قلب واحد نسهر بغرفة مرة القايد والشباب باللوبي والرحلات وناسه وضحك وتحذف بالثلج على جبال الكابرون روعه الرحله استمتعت فيها حيل حيل بس طيرانهم الفضاء الأولمبيه كحيان ويخرع اما السنه الي ورها رحت مع سفريات السيد كانت السفرة إيطاليا وسويسرا وكان الطيران توب الامارتية بس القروب يلوع الجبد كله يهال وشياب والحركة صعبه والرحلات تتنكسل واليهال ازعاج والقايد مايطلع رحلات كله سهران حق شربه وخرابيطه صج سويسرا جنه بس رحلة النمسا استانست فيها أكثر عشان القروب كان يونس وطبعا السعر مع السيد اغلى عشان الطيران والفنادق اما هل السنه وانشالله ادعولي اروح ارجع بالسلامه ومايصير فيني انفلونزا الخنازير سفرتي فرنسا وبلجيكا وألمانيا وهولندا مع سفريات الفضاء مره ثانيه مع انه هم طيرانهم رعب الأوكرانيه وتعب بس انا أثق بالقايد الي يطلعونه واسعارهم ارخص من باجي السفريات وهم السفريات الوحيده الي عندها رحلة أورانج وراح تطلع هل السنه لأني ابي اسافر هل الدول فخل اشوف شلون راح تكون سفرتي واعطيج المعلومات اما عن سلبيات القروب اول شي الكوتيين فيهم طبع مع احترامي للكل ماعندهم التزام كلش بالمواعيد يعني القايد يقول الساعه 9 تكونن بالباص يونج 10 او 11 وتتاخرين عن الرحله وسبه على مايقوم ويترقيق ويتسبح ويتمشى على الراحه يعني تنرفزين انتي قاعده ناطره ساعتين واهو ييج بالراحه واحنا قروب لازم نطلع مع بعض شنو هل الاستهتار وشغله ثانيه لازم حش بعض وكل واحد يطالع الثاني واذا يهال وانتي ويا ريلج لاني انا السنه الي طافت وهل السنه مايبت بنتي رايحه عشان ارتاح من الازعاج وتشوفين يهال وحنه تموتين من الحره وشغله ثالثه كل وناسة الرحلة تعتمد على القايد اذا كان شقردي راح تستانسين اخر وناسه يوديكم كل مكان اما اذا كان نفس قايد سفريات السيد فالله يسماحه قبل ماتحجزون باي سفريات سألو عن القايد اهم شي قايد الفضاء اولت العام كان روعه اسمه حمزه الشطي تري راح يطلع رحلة تاريخ 14/7 رحلته راح تكون اسبوعين وراح تكون باريس وبروكسل وامسترادام حسافه ماراح يكون مع نفس رحلتي لانه رحلتي 3 أسابيع وزياده فيها كولون بألمانيا بس اي قايد من الفضاء ممتاز كلهم شقرديين يالله حجزي تعالي ويانا تاريخ 17/7 رحلة اورانج اعتقد وصل العدد 25 وفي بعد أماكن واذا تبين اي استفسار انا بالخدمه:dddds:

 

[sara999]

جم كلفتج الرحله ؟؟؟؟ الحجز؟؟؟
واذا عطوج سعر القروب مايتغير ؟؟؟ انا مارحت مع قروب ولا مره فما ادري اذا اسعارهم صادقه والا نروح هناك يطلع لنا سوالف ؟؟

 

[أم جوني]

سعر تذكرة الشخص في رحلة اورانج 780 طبعا غير الفيزا سعرها 45 يعني يطلع المجموع 825دينار وهذي الرحله شامله الطيران والفنادق والريوق والتنقلات من ديره لي ديره مو الرحلات السياحية هذي انتي كيفيج تبين تطلعين مع الغروب او بروحج بس ارخص مع الغروب لانه الباص يعطي سعر اقل كل مازاد العدد اما عن رحلات العام والي قبله فنفس الشي المعروض بالجريده والي دفعناه نفس الشي مادفعنا ولادينار زياده والي يقول انه الغروبات يجذبون فاهو حده غلطان ممكن يكون التغير في حجوزات الفنادق بس هذا عادي لانه السفريات من اول ماتحجزين يقولج في احتمال يتغير الفندق ويحطونج بفندق نفس المستوى الي تغير كافي يكون القايد موجود حق شيلة الجناط واهو المسئول اذا مرضتي يوديج الطبيب يعني القايد وايد مهم بس ارجع واقول على حسب القايد الرحله ماتكون حلوه الا اذا عرفتي من القايد اهو المنظم الأساسي للرحله

 

[توته الدلوعه العسوله]

اي سفريات؟
سفريات الدبوس
وجم شخص كنتو؟
5مع امي وابوي
وين سافرتي؟
سويسرا و ميونخ و زلامسي و فيينا
وجم الميزانيه تقريبا؟
مم والله ماادري
شنو مميزات القروبات؟
احلا شي انا يودوج اماكن انتي مو عارفتها الان سبق ورحنا بروحنا ما شفنا شي
المواصلات عليهم بالمطار اهم يخلصون شغلج يعني مو تنطرين مع زحمه وو بعد قروبنا كان حلوو وضحك
كنا نتيمع بلوبي سوالف صج صج وناااسه يحلوها من ايام
وشنو سلبيات القروبات؟
القايد كان بواق على كل رحله يزيد بسعر وو خبل مايدري وين الله قاطه توقع لوكان القايد له خبره جان كانت رحله احلى
الفنادق عاديه3نجوم هذي ماكنا ندري عنها وو الطيران الاردنيه كان وقتهاا مو شي الفير ووو اي الفندق ترانزين خياس ماقدرنا نقعد فيه
وهل تضايقتي من شغله بلقروب؟
لااا صراحه اهم اللي يونسون الرحله

وشنو موقف صار لج بلقروب؟
مم واااايد اذكر مره ضيع فينا القايد ودانا حدود سويسرا فرنسا الحبيب راحت عليه نومه والسايق كمل فينا لين وصلنا الحدود و6 ساعات واخر شي قال اليوم راح تم هي وباجر نرد ونمنا على ملابسنا عاد سوينا فيه مثل ماسوا فينا خططنا انا نرد ونخليه لول
المسكين اخر الايام ما كان يودينا ماقام يوثق فينا

 

[meme_alq8]

ام جوووني بعد قلبي والله ماقصرتي شوقتيني حق سفريات فضاء بستفسر عنهم واشوووف ونشاللله تروحين وتردين بسلامه وتقولين لنا عن رحلتج

توته الدلوعه
مشكوووره بعد قلبي زين قلتي لي عشان ماحجز منهم
صرااحه وانا اقرى احس براااحه جنه القروبات اريييح بوايد
ومشكووورين حبااايبي

 

[دانة الروابي]

مشكورين على هالمعلومات بس نبي اكثر لأن مفكره اسافر بقروب السفرمه الثانيه​

 

[meme_alq8]

بنااااااااات معقوووله محد سافر قرووبات؟؟

مااحبكم

 

[meme_alq8]

اففففففففف جد جد مو شي طلعتوو

 

[أم عزيـز]

قاعده اكتب صار لي ساعه جان يروح كل اللي كتبته

تجربه اهلي مع الوسيط كانت روعه من ناحيه القايد والقروب والرحلات والتعامل كان وايد حلو القروب على قلب وحبوبين ومحترمين

بس تجربتهم مع السيد والرابيه حدها مأساه السفريات تغير الرحله والفنادق بآخر لحظه
والقايد الله بالخير خاصه السيد يحط لج قايد اي كلام مو ثقه تلقينه ولا مره راح هالدوله ويخليه قايد ؟؟

فأنا انصحج بالقروبات بس سفريات مضمونه
مثل الفضاء والوسيط والدبوس والمستقبل
ومثل ما قالت الأخت ام جوني اهم شي تسئلين عن القايد

شوفي انا هالسنه بإذن الله مسافره مع قروب بسفريات المستقبل اول ما ارجع من السفر راح اقولج تجربتي

 

[meme_alq8]

مشكووووووره واللله اختي ام عزيز
يالله تروحين وتردين بسلامه وطمنينه عنج وبشرينا عن السفريات زينه ولا لا

 

[أم@الحلوين]

انا مرتين جربت المستقبل ماشالله عليهم قول وفعل

ووايد استانسنا معاهم من كل النواحي مضبوووووووطين وثقه

وهالسنه انشالله سجلت مع الوسيط الكل يمدحهم

انتي وين بخاطرج تروحين؟

 

[meme_alq8]

ميونخ وزلمسي وفينا يعني هطقه

انزين وشلون بنسبه للاسعار يعني بس علي مشترياتي والباقي كله عليهم؟؟

 

[أم عزيـز]

ميونخ وزلمسي وفينا يعني هطقه

انزين وشلون بنسبه للاسعار يعني بس علي مشترياتي والباقي كله عليهم؟؟

لا حبيبتي مو الباجي عليهم
الفندق والريوق والتنقل من دوله لي دوله عليهم
بس الرحلات عليكم وطبعا اكلكم ومصرفكم ومشترياتكم

بس الالفنادق والريوق والتنقل من دوله لي دوله عليهم

 

[louraa]

خووووش موضوع
ياحلو السفر وسوالفه

اي سفريات؟
السيد

وجم شخص كنتو؟
6

وين سافرتي؟
فيينا - كابرون - انسبرووك - ميونخ

وجم الميزانيه تقريبا؟
6000 طبعا مع التذاكر و السكن و جم رحله
يعني المصروف من اكل وشرب كفيهات على حسب الايا م تقريبا كنا قاعدين 21 يوم 2000
بس حطي ببالج الرحلات بالذات اوربا تكلف لان هم بتحسبين حق المواصلات
التسوق عاااااد انتي اللي تحددين الميزانيه _03BA:

شنو مميزات القروبات؟
امااان لا سمح الله صار شي إلا في احد
اذا كنتوا عايله انتو وحظكم في نفس اعماركم وتقضونها سوالف بالطريج

وشنو سلبيات القروبات؟
ممممم بس المواعيد بما احنا كويتين لازم نتأخر قالو الرحله 9 نتيمع 10 لان في يهال وكبار ومحد يلتزم اذا كان القايد متساهل

اكبر سلبيه المفروض اول ديره نطبها ميونخ قالولنا بنفس يوم السفره صار تغير ميونخ اخر ديره هذا العيب ان صار تغير بخط السير
الشغله الثانيه قالولنا بروح زال ام سي بس ودونا كابرون مع العلم ان بين المنطقتين 10 دقايق هذا اللي هون علينا المشكله بس هم يعني المفروض يلتزمون بالاخير استانسنا الحمدالله

وهل تضايقتي من شغله بلقروب؟
لا الحمدالله

وشنو موقف صار لج بلقروب؟
مممم ما اذكر
بس اهم شي اعمار القروب وشخصياتهم
عاد كان قروبنا وااايد كوكتيل عجيب و مثقفين
دكاتره محامين مدرسين مهندسين وعيالهم على حظنا نفس الاعمار شباب وبنات وهم اليهال

وفي عايله للحين نتواصل معاهم بين فتره والثانيه يعني صار معارف:klhfl:

 

[meme_alq8]

واااااااااااو لورا وايد شووقتيييينيييييييي


اهم شي انه بلسفر يكون في احد معاج بلعمر خصووصا شباب هههههههههههههههههه وحتى بنات بعد

يالله لا يووقف بنااااااااات

 

[meme_alq8]

up
up

 

[meme_alq8]

جيكو جم رد وجم مشاهده !!وبعدييييييين