الي راحو شاليهات فيلجا وسكنو ف البيوت القديمه تقول لنا تجربتها

[وردة-الكويت]

السلام عليكم ورحمه الله وبركاته


شلونكم شخباركم يابنات

من زمان انا عن المنتدى انشغلت


اتمنى هذا الموضوع مايندمج مع مواضيع ثانيه


انا ف بالي اروح فيلجا في ناس تمدح وناس تذم


ابي الي راحت فيلجا واجرت شاليه مو فندق تقول لنا تجربتها شلون وشنو سلبيات والايجابيات

وبجم اجرت


والي عندها صور ياليت تحط لنا صور عشان انا وغيري نستفيد من الموضوع

 

[برميت]

انا رحت فيلجا ..و ناويه اروح هالاسبوع باذن الله

فيلجا ونيسه و حلوه و تغيير جو لا اكثر ولا اقل

يعني حدها يومين .. بالصيف لها طابع و بالاشتى لها طابع

انا سكنت بفندق سفير ..اهو عباره عن قصر قديم و مرمم ..صاير مثل فرجان قبل ..و بيوت عربيه و كل بيت غير عن الثاني تقريبا 30 بيت ..و في فندق ثاني اسمه ايكورس..مارحت له

بس كل الفعاليات بفندق السفير علشان جذي وناسه ..فيه حديقه حيوانات مصغره و قوارب بالبحيره و قهوه شعبيه و مطاعم ..ودكان ..و محل يبيع خبز ايراني و نخي و باجيلا و نطاطيات لليهال ..و اسطبل حق الي بيتمشى بحصان ..و حنطور ..و مرات يسوون فعاليات و فرقه و اغاني ..و خيمه شراع تتقهوين فيها .. وفيها قطار يفتر فيج بفيلجا ويوقف باكثر من مكان علشان تصورين ..
اما بالصيف تقدرين تروحين البحر وفي شي اسمه وناسه بيج ..فيه جيتسكيات و البحر شكله يشوق ..و قعدته حلوه

بس ما سكنت و لا افكر اسكن بالبيوت الي هناك لانه شكلها مهجور و يخوف ..و اثار الغزو للحين فيها

اذا حجزتي بالفنادق الي هناك ..تشمل تذكره العباره ووااايد اوفر
لانه ام الخير الشخص ب 10 و الصغير 7 و الي اقل من 3 سنوات 5
او تقدرين تروحين بالعباره مالت الشحن و السيايير ..بس مكشوفه يعني اذا برد بتتيمدين و اذا حر بتخيسين
و سعرها رخيص بس مده الطريج ساعتين اما بام الخير نص ساعه

 

[وردة-الكويت]

ماقصرتي قوليلي حجز الفندق جم طلع عليج

وعليج بلعافيه

 

[برميت]

كل شاليه سعره غير ..على حسب عدد الغرف

انتي دقي عليهم و ساليهم

احنا ماخذين عرض من وزاره الماليه غرفه حق 11 شخص 5 غرف ب 145 شامله تذكره ام الخير

 

[نسمة بحر]

اب اب ر

 

[% مرت زوجها %]

للرفع

 

[manoooram]

up up up up up

 

[مفرفشه عالاخر]

تانكس للي ردووووو

 

[eman12]

الموضوع حلو
انا رحت نص نهار قبل 3 سنين
وكانت موحشه وكان شهر 7 ومحد طالع من مكانه تقولين احنا بروحنا
وسمعت ان ماينبات فيها سكنهم مساكنهم
ياليت والله ترجع فيلجا مثل قبل 22 سنه وولحين ماسنعوها حرام

 

[قبوط ومرقوق]

نزين ياقلبي ممكن تعطينا رقم نتصل عشان نسال عالحجز وكل شي

 

[احساس سعوديه]

يعطيك العافية

 

[برميت]

انا توني راده منها
تغيرت علي اشوي
حسافه الاداره كانت اجنبيه صارت مصريه
و الاسعار نار
و مافي مطاعم وايد ..بصراحه في مطاعم بس ما يفتحون كلهم لانه مافي سواح وايد
حسافه عليج يا فيلجا

بس خلاص الي ماراح السنه لا يروح
لانه حلاتها شهر 2 او 3 ..حلاتها في هوا و نسمات برد
شهر 4 سرايات و بعدين راح يكون حر

 

[MiSs-HTNI]

والله فيلجا حلوه بس بالاعياااد والمناسبات
يكون فيها ناس ولا بالايام العادييه مهجووره مافيهاا احد
بالنسبه لي واحد حلوه لان جزيرتنا هههههههههه >> اتغشمر
البيوت نفس ماقالت اختي ليلحين فيها اثار الغزو
بس الشاليهات وفندق ايكاروس جيد بالنسبه حق الجزيره وماشفت قصور كلش كل شي متوافر
ممممممم ومادري بعد شنو اقوول

 

[دلوعته 89]

مافي صور حقها بليز

 

[sanyoretaQ8]

يسلموووو

 

[Daleela]

ودي اروح واتطمش الصراحه