الي رايحه (المغرب) ياليت تفيدني

[غـاده]

السلام عليكم

مرحبا حبيباتي

بنات بختصار شديد

الدوام مطرشيني دوره المغرب على الصيف انشاء الله
وحبيت اسأل اذا احد عنده خبره بالمغرب

ووين الاماكن الحلوه هناك
وتصلح لي انا وزوجي ؟؟ ولاّ لاا ؟؟
وصج يقولون انهم يسحرون الواحد
وانا خايفه ياخذون رجلي مني وانا اشوف

المهم حبيباتي الي رايحه لها تفيدني عفيه

 

[ذات الهمة العالية]

للرفع

 

[خبيرة اعشاب]

يسحرون زوجج .....هههههههههههههههههه مو للدرجه هاذي عاد

انا حاليا اكتب لج ترى من المغرب من كازا بالضبط ...

بالنسبه للاماكن الحلوة صدج واجهنا مشكله ان ما في امكنه زينه حق السياحه و كل شي غالي غالي غالي نااااااااااااااااااااااااااااااااار

بالنسبه للمطاعم عندج شارع الكورنيش فيه كذا مطعم حلو بس ترى غاليين يعني لا تفكرين ان نفس اسعار الكويت ...شغلات عاديه على 30 و 40 دينار لشخصين طبعا

عندج مطعم ميستيك مفتوح على البحر حلووو _ طبخ فرنسي_
مطعم باسمان اختصاص مغربي و ديكور مغربي و يعطونج مكان خاص اذا تطلبين بس اكيد اغلى

في مطاعم ثانيه في شارع الفنار اختصاصهم غالبا سمج لانهم جنب البحر و منهم مطعم الصخره الصغيره le petit rocher
و في بعد مطعم صيني رحنا له اسمه كيتوري في شارع انفا


غير المطاعم اذا تبين اتسوين حمام مغربي في حمام الزاكي بالمعارف بس رحت له ما عجبني ..و رحت حمام ثاني اسمه الزياني و الحمام التركي الاول في شارع بن جديه و الثاني في الوازيس ...اسعارهم تتراوح بين 8 الى 12 دينار
بس لا تغامرين اتدشين الحمامات العاديه ههههههههههه الي مو مكتوب عليه نادي صحي لا تدشينه لان رح تنصدمين ذاااخل هههههههههههههههه

المهم تاجير السيارات بالمطار بس ممكن اتدقون من الكويت على الشركه هاذي نيانس كار 21222994445 و اتاجرون سياره و ايجيبونها لكم للمطار

فبالتالي ترتاحين اكثر

الصالونات انا للحين جربت جاك في شارع انفا حلو
بس يمدحون لي صوالين بالمعارف و مفكره اسوي ميش قبل لا ارد الكويت بعدين لا طلع حلو اعلمج

بس سشوارهم فعلا عجييييييييييييييييييب ..اي صالون عادي اتدشينه يسوون لج السشوار ب 750 فلس الى دينارين حسب طول شعرج طبعا بس شغلهم نظيف مو نفس الكويت

بالنسبه للشيره و التنظيفات و المنكير و البدكير الخ الخ ....لا تفرين سيدا روحي اقرب مركز yves rocher هذولي اسعارهم نفس الكويت بس شي شي راقي ...غرفه بروحج و موسيقى هادئه و اختصاصيه اتضبطج عدل ..بس لا تشترين مكياجهم خرطي ...الكريمات حلوة صح بس المكياج مو ثابت ...

 

[خبيرة اعشاب]

الاسواق المركزيه
دايما تسوقي من مركز مرجان او اسيما او فرونت بري ..لا تشترين من البقالات لانهم اغلى نفس الايرانيين عندنا

اذا ناويه تسكنون بشقه و تطبخين جيبي وياج شيييل هههههههههههه
عيش / شاي ليبتون / قهوة و هيل / بهارات / معجون طماط / اذا تقدرين بعد على القيمر و شغلات ثانيه يكون احسن ههههه

لاني هني فعلا واجهت مشكله مع الاغراض يعني تسوق بالجمعيه و شغلات عاديه جدااا نطلع ب 80 او 100 دينار و يا ليته على شي يسوى
اخر شي اكتشفت ان القيمر بوك ب 750 فلس ...
تجنبي تشترين شغلات مستورده اخذي دايما انتاج محلي لان سعره ارخص اكيد

الخبز نفس مال الكويت ب 7 دراهم الكيس شوفوا الفرق ....بينما الخبز الفرنسي الي صمونه طويله بدرهم

بالنسبه للفنادق اكيد حاجزين لكم بس اذا اتفضلين مكان ثاني في شقق فندقيه و هذا رقمهم 21222972052

 

[ذات الهمة العالية]

كملى الله يبارك فيك

وما رديتى على رسالتى حق كتاب شمسية

أبى تقولين لى عن دراريعهم وعن محلات الدراريع وشلون موضتهم وبكم أسعارهم وتختلف عن الكويت وإلا لا

ناطرة إجابتك يالطيبة

 

[ذات الهمة العالية]

وينك يا حبيرة الأعشاب