الي زارت (( اسبـــــــــانـــيــــــــــــا )) تتفضل

[q8 nono]

صباح الخير

:33_1185028183:


قاعده هالحزه اجمع معلوماتي حق السفره لوول

ابيكم تفيدوني يلي زرتوا اسبانيا .... شلون الوضع في اسبانيا خاصة المناطق الحيوية مثل مدريد و برشلونه ؟!؟! هل الوضع ينفع للعائلات ؟؟؟ في اماكن او مناطق نبتعد عنها ؟؟ لاني و انا اشوف برشلونه باليوتيوب لاحظت ان في مكان برشلونه بالليل كلها رقص و شرب و خرابيط يعني ديسكو مفتوح :cxxxp: و انا بصراحه ما يعجبني هالوضع كلش ؟؟ خاصة اني رايحه انشاءالله مع ولدي و اهو صغير مابي يشوف هالمناظر

و من خلال متابعتي للتقارير الاسبانية كان كذا واحد يقول بالليل ينصح بالابتعاد عن هذا الساحه و انا بصراحه مو مثبتة شنو هالمكان و مابي امر فيه بالغلط !!

ثاني شي الي اعرفه ان برشلونه منطقة بحرية و ممكن نتقوا او نمتشى البحر فهل يا ترى بحرهم خالي من المناظر الخلاعية خاصة بالنهار يعني عادي نتمشى بالبحر من غير ما ينخدش الحياء العام ؟؟؟؟؟؟؟

خلصنا من اخلاقيات الدولة و بقلب على ال shopping في ماركات او محلات بماركات اسبانية .. يعني غير الماركات العالمية المعروفة مثل ديور و شانيل .......... الخ يني شي مو منتشر و يكون جوده طيبه ؟؟

و اذا تعرفون فنادق زينه في مدريد و برشلونه اكون شاكره لكم بعد

والله ياليت احد يسوي تقرير مفصل و شامل لاسبانيا علشان نعرف الي لنا :tek:

 

[q8 nono]

رد : الي زارت (( اسبـــــــــانـــيــــــــــــا )) تتفضل

و عندي سؤال و انا ااشوف حجز الفنادق من www.booking.com في فنادق من مواصفاتها يكتبون انها صالحة للمثليين ؟؟؟ انا اول ما قريتها على بالي الممثلين لوول بس طلع معناته شي ثاني بس مادري شالمقصود يعني ان مو صالح للعوايل ؟؟

 

[Q8tya_GirL]

رد : الي زارت (( اسبـــــــــانـــيــــــــــــا )) تتفضل

انا ان شاءالله ورى العيد بروح اسبانيا مدة 15 يووم
وايد ناس امدحلولي اياها ويقولون عادي امان
بس كل من قالي انه مدريد مافيها شي بس حدها يومين..فانشاءالله بروح مدريد وبرشلونه وماربيا وطبعا بمر على ملقا وغرناطه واشبيليا..
وعلى التسوق ماادري عن الماركات الاسبانيه بس عطونى كذا مجمع برشلونه وماربيا والاولت لت

وعن طاري الفنادق ما ادري شنو يقصدون بالمثليين لانه احنا حجزنا بفنادق ناس مجربينهم ومادحينهم لنا

 

[q8 nono]

رد : الي زارت (( اسبـــــــــانـــيــــــــــــا )) تتفضل

نويرا و انا انشاءالله بعد رايحه ورا العيد يالله زين يمكن نتعرف على بعض هناك لوول

و مدريد انا راح اقعد فيها يوم و الباجي ببرشلونه 4 ايام ...

و اذا ما عليج امر ممكن تعطيني اسماء الفنادق !!!

 

[kndora]

أنا الحين باسبانياا وكنت اب ماربلا ((ماربياا)) الوضع اشوفه ما ينفع حق عوايل و كله بوق وبلييل يصيير كل سكر وشرب وباراتهم مفتوحه انا كنت قاعده بمنظقه بورتوبونس كان امان مناك .,, وسوقوهم قدييييييييم مال شهر 4 بالكويت ,,, بالنسبه حق مدريد مافي شي بس بحر ,,, ولازم تسوين لج جدول يومي قبل لا تسافرين والدنيا تظلم 10 بعد شنو بعد بس ماربلا(( ماربيا )) اكثر منطقه فيها عرب واكثر مكان يروحونه الناس,,وانا الحين ابرشلونه وبالتحديد شارع اسمه رامبلس وتقريبا كل شي فييه ودخلي قوقل وكتبي المعالم السياحيه في برشلونه واحسن لج تقعدين بهالشارع لان كل شي فييه بس مو اماان كله بوق وايد واذا بطولون ابرشلونه زرقو فرنسا يووم الطريج ساعتين تقريبا

واتمنى انج تستانسين مناااك

 

[kndora]

وبالنسبه حق البحر لوووول كله مفاصييخ

وتمشين 2 يبوسون بعض بالشارع عادي خلي الوضع طبيعي بس اهم شي لما يسوون شي ما تطالعونهم او تعلقون ويبين عليكم لان ما يرضون ويمكن يسوون لكم مشكله صارت مع رفيجة خالتي وبس

وبالنسبه للتكاسي لازم توقفون بمحطه ويكون بالدور اول تكسي تروحين له واذا مافي وناس واقفين اهما قبلج

وبرشلونه ما يعرفون انجليزي وايييد بالياله يفهمونج التكاسي

ولما كنت ابماربلا كان اغلبية المطاعم الي ابورتوبونس تفتح المغرب لان عندهم سهرر بلييل

وروحي مال الرقص الاسباني

وروحي مصارعة الثيران ((( ما تنامين بلييل))
وترى غاليه ع الفاضي كل شي اغلى من الكويت

 

[kndora]

والصراحه ان ابرشلونه الحين والفندق الي ساكنه فييييه خاااااااااايس خاااااااااااايس خااااااااااااايس اسمه citadinesعندهم كل شي بفلووس حتى الي ينظفون الغرف بفلوس وغرفهم خااايسه و حماماتهم خايسه وليلة 35 حق غرفه وحده حق شخصين وما يسوى والله

روحي اي سفريات واهما يورونج الصور ويحجزون لج ويعطونج ورقه وتروحين الفندق وبس وتدفعين كل شي بالكويت بدون لا تعبين نفسج اهما يسوولج كل شي وحتى اذا تبين طيران الداخلي مالهم يحجزون لج وترى مدريد مافيها شي وبرشلونه زحمه و ماربلا لااء

 

[عذوق]

أنا كنت فيها بشهر العسل شهر 12 اللي فااات بالبرررررررد

رحت برشلونه ومدريد

مدريد ماانصحج فيها كلللش الا اذا كان فيه مباراة مال يومين

برشلووونه عجيييبه عجبتني حييل سوقها ومطاعمها والاماكن الاثرية حيييل حلووة

ولا يطووفج مطاعم الاولمبك ع البحر السي فوود حدددده عجييييييييييييييييب شي في الخيال بس غالي شوي يعني مال مرة مرتين بس


وع فكرة انا مسوية تقرير سياحي عن رحلتي اذا حابه تشوفينه تفضلي

http://www.q8yat.net/showthread.php?t=629223
بالنسبة للاخت اللي تقول مدريد بس بحر مدريد مافيها بحر كللش والمدينه بما انها العاصمة فالمكان عملي حيييل

اممم بعد انا اشوووف ان الديرة مو مالت سهر وسكر بس الشعب عموما وكل شعوب اوروبا كله خمر وسكر بس مايتعرضون لأحد كلللش حتى لو تمرين ع كازينو ما يتعرضون لأحد

انا توني جايه من جنيف والفندق اللي كنا فيه النوفوتيل منطقه كلها عرب وخليجيين والفندق كله كويتيين وامارتيين وسعوديين بالليل لما نرد الا بنااات ليل في الشارع اللي فيه فندقنا يتمشوون !!

اوروبا كلها جذي ماتقدرين ماتروحين الا وتشوفين مناظر

والديرررة امااااااااان ولافيها بوق ولا شي اللهم ممكن نصب يمكن لأني رحت لها بالشتا مو وقت سيااح

بس ع فكرة مو مالت صييييف كللللش لأنها تصيرررر حااره نفس الخليج تقريبا

احنا قعدنا بفندق الهيلتوون ابرشلونه حددده عجييييييييب 5 نجوم حتى لما كنا فيه كان ويانا بالفندق حزتها الشيخ الاماراتي اللي توفى بحادث شي جذي توه متوفي ومرة شفت امير سعودي ويانا عيب الفندق بعيد من السنتر لازم تاكسي بس اهو صاير بالسنتر الجديد اللي ناوين يسوونه وقريب من البحر غرفتي ع البحر وقريب من مطاعم الالومبك

اما في مدريد قعدنا في الريتز 5 نجوم بعد حلووو حيييل بس اهو تصميم ع النظام القديم يعني القرن 17 جذي

واي شي تبين تسألين عنه انا حاضرة

 

[q8 nono]

رد : الي زارت (( اسبـــــــــانـــيــــــــــــا )) تتفضل

مشكوووووووورييييييييييييييييييييييييين ل الي ردوا ما قصرتوا والله

و انا شخصيا بس راح اقعد في برشلون .... الي فهمته من كلامكم ان لابد من هالمناظر الي انا احبها افففففففففففففففففففف عاد انا ما احب جذي !!!!

انزين الساعه جم يبلشون باراتهم و خرابيطهم علشان الحق عالفندق ؟ً؟ً

شكلي بكنسل لووووووووووووووووول

 

[عذوق]

ترى مو مثل ما انتي متصورتها البارات والسكارى بالشاارع مو جذي وبعدين اساسا اوروبا اغلب الدول الساعه 8 خلاص مسكرين كل شي مطاعم واسواق

يعني بتردين الفندق ع السبع او الست وماراح يحوشكم هالمناظر
وانتو عاد لا تقربون هالاماكن

 

[addict to me]

المثليين يعني الشواذ

انا وحده اعرفها ساكنين في منطقه فنخرولا عالبحر وقريبه من ماربيا ويأجرون سياره ويدورون

وبالنسبه للمناظر الموحلوة والشرب موجود بكل مكان ومحد يتعرض لج اذا انتي ماتعرضتي له

 

[q8 nono]

رد : الي زارت (( اسبـــــــــانـــيــــــــــــا )) تتفضل

ثانكيووووووووووووووووو لكل الي ردوا و بنت الذيب تقريرج وايد حلو حبيبتي انشاءالله اكمله و ارد عليج !!

و ادكت تو ي اي انا عارفه بس هالفنادق الي صالحة لهم مو صالحة للعوايل ؟؟

لوووول انا خلاص مو قادره اقعد بمكاني ودي في طيارة ناطرتي عند الباب علشان اسافر الحين لوووول شسوي شوقتوني

بس انا سألت هالسؤال لان اختي الحين في باريس و تقول ان المناظر الي هناك وصخخخخه و عكت عليهم السفره من جذي اهيا استثقلت باريس و كارهتها فانا مابي يصادفني هالماظر ابي اسافر و انا مرتاحه و مستانسه

 

[Meeesh]

برشلونه روووعه انا رحتلها مع زوجي وعجبتنااااا
انصحك فيها

خاصه شارع rambla حلووووووووو وكله اسواق ومطاعم وقهاوي

عموما البلد كلها حلوووه ياليت اروحلها مره ثانيه

 

[q8 nono]

رد : الي زارت (( اسبـــــــــانـــيــــــــــــا )) تتفضل

حبايبي ما قصرتوا و ميش الله يرزقج روحه لاسبانيا

بس حاليا خلاص هونت عن اوروبا انشاءالله السفرات اليايه

و ما قصرتوا