اول شئ مبروك وياربي اهنيج ويعطيج السعاده وراحة البال ( البنات وضحولج بالنسبه للفيزا ما قصروا)
اهم شئ الشانزيليزيه التمشي والسينمات اللي بالانجليزي طبعا والكافيهات والمحلات تظل ليه وقت متاخر مثل سيفورا هناك غير لازم تشوفين احد مشهور هناك
وآنا شخصيا كنت عايشه في باريس بحكم شغل زوجي ولازم اروح لها كل صيف وترى يعتمد على الشخص نفسه باريس عاصمه لها تاريخ فعدي وخربطي بالمتاحف والاماكن السياحيه :
متحف اللوفر , متحف العرائس اللي يسوون فيه الالعاب , قصر فرساي ورحله في بحيرة القصر , جوله بنهر السين سواء سياحيه او مع وجبة غداء او عشاء ولازم يكون اللبس رسمي ,برج ايفل , قوس النصر , النوتردام , وروحي شارع الرسامين مدام انتو بشهر العسل:friends: واذا تذكرت برجع اقول بعد
نيي حق عشق الكويتيين للسوق : جاليريا لافاييت , ويمه طبعا برنتوم , وحق الرخص يمه c&a وطبعا الشارع اللي ورا
اللوفر محلاته عجيبه و شارع سان جيرمان ومجمع الاديفونس يعني بس هذيلاك اكشخ والبوتيكات موجوده ورا الشانزيليزيه متفرع من شارع جورج سانك وعلى فكره فيه جمعيه اسمها مونوبغيه بالشانز وبكل مكان تحصلينها فيها قسم ملابس وايد حلوه خصوصا الصيفي راقي واعرف بعد خليني اعصر مخي في مجمع راقي الملكه رانيا كله تروح هناك وقت التنزيلات آنا شايفتها والكل يتكلم عنها لكن مايحضرني اسمه الحين بس اتذكر برد اقوله :gr4uu:
وهذي يبيلها درب شوي بس ماتتطوف الفلج مالت الآوتلت اللي قريبه على دزني حلوه وخصوماتهم حلوه والمجمع اللي يمه رهيب يخوف من كبره
المطاعم الكل يعرفها اشهر شئ نوره والديوان بشارع جورج سانك وفي مطاعم ايرانيه بعد يم البرج تقريبا
وكل وحده عندها تزيد لان الواحد ممكن يكون ناسي ولنا عوده انشاء الله تكونين استفدتي
