الي سافروا ماليزيا ممكن تفيدوني

[ميسوره]

السلام عليكم

انا بسافر ماليزيا بشهر 8

ورحلتي هي لانكاوي بينانغ بعدين كوالالمبور

شنو الاماكن الحلوه في المناطق هذي

وشنو المحلات الغريبه فيها ابي ملابس اطفال وجناط حلوه وغريبه مو تقليد ماركه لاني ما احب التقليد

واذا بشتري هديا من وين تنصحوني

واشرايكم بالكاميرون تنصحوني اروحلها ولا لا​

 

[شرطيه حلوه]

الكاميرون حلوه كطبيعه فيها مزارع الشاي وااايد حلوه الصراحه ليمه تشوفينها ما جنه بماليزيا والجو فيها بارد يعني روحي يومين راحه واستجمام فيها شلالات و مزارع الفراوله تقطعين فراوله على كيفج بعدين تحاسبينهم ومزارع النحل اذا بتشترين عسل طبيعي وحديقة فراشات وبحيرات بس ما فيها مطاعم يعني لازم تسوين حساب ال؟أكل

لنجاوي تلفريك شلالات طبيعه تقدرين تاخذين قارب جوله بالبحر من خلاله تمرين على كهوف
بيننغ برشوتات جتات هم في شلالات وحديقة طيور حديقة قرده و حديقة فراشات وحديقة فواكه و القطار الجبلي تروحين أعلى قمه هناك وتشوفين المناظر وفيها مجمعات تسألين التاكسي وين السنتر يوديج وفيها سوق الليل يمه في ملاهي صغيره حق الأطفال

كوالمبور سوق مجمعات بشارع العرب سوق الليل تقدرين تروحين جنتنق مدينة ملاهي سن واي لاغون مدينه مائية مجمع الماينز أفاموزا

 

[brettey]

يا هلا
حبوبه انا تحسفت اني مارحت مرتفعات الكاميرون يمدحونها وايد
جناط حلوه عندج مجمع لوت 10 وبيبي بلازا اهم يم بعض موجودين بشارع العرب لوت 10 فيه محل مكياج وعطور وجناط مثل دكني وماركه حلوه اسمها بونيا مادري البونيا نصيحه اخذيها اصليه ورخيصه طقه غيس يعني من 30 الى 60 اسعارها
عندج مجمع klcc الي في برج التوام عندهم ماركه غوتش بس اسعارهم من 100 لي 200 دينار بس فرصتج اخذيها لانها مو موجوده بالكويت وهم غوتشي بس عاد غاليه وايد 300 لي 1000 دينار بس ما تسوى لانه موجوده بالكويت بالفنار وبفيلا مودا وعندهم جناط بعد حلوه مو تقليد لا جناط عاديه اشكال والوان

 

[شهدQ]

والله احلى مجمع سنجوي ونغ بلازا بلا منازع مووو طبيعي

بدل شحاطات كل الي يحبه قلبج

دعواتج

 

[ميسوره]

شرطيه حلوه
brettey
شهدQ

شكرا على ردودكم

وعندي سؤال في هناك مطعم فرايديز او شيليز او ابل بيز

 

[مليت من الغربة]

هاي حبيبتي
في ماركة ماليزية اغراضهاتجنن somerset bay للاطفال و الكبار و تفاجأت انها ماليزية كأنها صناعة اوروبية راقية جدا.تلاقينها في mega mall في محل اسمه برجايا.وفي ماركة اسمها lovely lace l هذا المحل موجود في klcc
رحلة سعيدة انا السنة الماضية كنت هناك.
......ادعي لي بالتوفيق لي و مع زوجي و يفرجها علينا ان شاء الله

http://www.daleel-malaysia.com/modules.php?name=*******&pa=showpage&pid=104
استفيدي من هذا الرابط بكل ما يتعلق بماليزيا

 

[ميسوره]

مليت من الغربة

مشكوره حبيبتي

 

[ملاك بين البشر]

لايطوفج مجمع تايم سكوير قريب من شارع العرب مشي يعني
وووميجامول ولايطوفج محل تكرمون الجواتي اسمه فنسي وجواتيه حلوه ورخيصه ويارييت يفتحونه بالكويت لان قالوا بيفتح بالمارينا
ولييش ماحجزتي بجنتج ليلتين لانها بارده وحلوه وكلها العاب وكافي انج راح تكونين فوق السحااب والله فوق السحاب وفيها بعد سوق
بالنسبه حق مطاعم كوالالمبور في مطعم عراقي اسمه خيمه الصحراء عراقي في شارع العرب لذييييييييييييذ كل اكله حلو خصوصا مرق الباميا والمحاشي لدرجه ان بيتنا ليلحين يتشرقون باكله ولا تنسين حديقه الفراشات حلوه والطيور عاديه وحتى صن واي لاجون المدينه المائيه فيها مجمع كبييييييييييييييييييييييييييييييييييييييير بس ماليزيا ماراح تتحسفين اذا طافج سوق لان محلاتهم بكل مكان يعني الافرع بكل مكان ووووووو-------ووووو تروحون وتردون بالسلامه وماوصيج لاتنسون تستخدمون القطارات السريعه حده استخدامها سهل ووووووايد رخيصه ولاتنسين لما تروحين التلفريك تاخذين معاج كستن يبيعونه ويسمونه ابو فروه عشان وانتي راكبه التلفريك تتسلييييييييييييييييين فيه وادري هذرت وايييييييييييييييييييييييد خلاص اخر وصيه انج وانتي راكبه الطياره تذكريني وتدعيلي لان دعوه المسافر مستجاااااااااابه ادري على طول راح ايي في بالج وتدعيلي موتنسين راح اسئلج بعدين موتنسين

 

[dalprincess]

فرايديز بكوالالمبور موجود بمجمع بافليون عند شاررع العرب .. وموجود مكان ثاني بروحه وانتي رايحه التون تاور يعني عالشارع يبين .. وشيليز موجود بمجمع klcc .. وفبيننغ بعد فيه فرايديز وتشيليز بمجمع يديد وكبير بس ماذكر اسمه بالضبط بس لنكاوي مافيها شي ومطاعمها الله يزيد النعمه حتى مكدونلز مافيه .. بس كنتاكي

 

[شرطيه حلوه]

في فرايديز وهاردروك وتشيليز
من ناحية المطاعم لاتحاتين هناك أكلهم يينن
انا عجحبني فرايديز مالهم اكثر من الكويت