الي سوت اسنانها بورسلان !او اتعرف عنهم تتفضل!!

[ام مهدي الحلوه]

اشلونكم يالحلوين وشخباركم،،
بنات عرفتو شنو الاسنان البورسلان الي هابين فيها الممثلات و البنات الاسنان البيضه حييييييييييييييييل فمنووو سوت اسنانها او اتعرف احسن دكتور يسويهم عدل ويضبطهم ،،يلا خلنستفييييد من خبراتكم

 

[yam_yam]

حياتي انا مسويه اسناني الامامية
بس نصيحة اذا ماتحتاجينهم لا تسوينهم
لان مشاكلهم اكثر من شكلهم
و انتي كيفج
انا لو ادري كنت سويت تقويم و رتبتهم و لا هالعبالة

 

[اوراد العشق]

حبي انا سويت استشاريه مجانيه وكذا دكتور حت له نصحني بالتبيض المنزلي يعني استعمل قوالب لان البورسلان مادري السيراميك هذا للشخص اللي سنانه تعبااانه حييييييييييييل واسااساا اكثر شي يسوونه المشاهير لانه غااااااااااااااااااااااااااالي الضرس الواحد ب 400 دينار وهو فلوووسهم زااااايده

وانا مسويه المنزلي والله حلووووو ومبين ان اسنان بيض

 

[ام مهدي الحلوه]

مشكورين علي الرد بس شنوو اضرارهم و انتي وين سويتهم ،،وانا سآلت عن الاسعار قالولي الضرس الواحد ب٧٠ و في عيادات ب ٨٠ بس ٤٠٠ ماسمعت كلش

 

[BateeNenaa]

يمدحووون عيادة ابها للاسنان والسن الواحد ب80 وشغلهم وايد حلووو و مضبوووط وحتى عيادة البيان الم\يعه اماني البلوشي امسويه اسنانها عندهم

 

[ام الحارث]

انا مسوية اسناني الامامية تلبيس بورسلان روعة ...
عند الدكتورة احسان في عيادة بيرفكت دنتل كير في السالمية على البحر ...

 

[احساس طفلهـ]

بنات شنو سياتها بلييييييييييييييز ودي اسوي وليش ماتنصحون فيها انا سمعت انه يمدحون عياده البياان بس بغيت اعرف جم اسعارهم والشغله جم تقعد على مايركبونها وجم تظل بنات بليز ابيها ضروري واللي سوت تذكرلنا شصار معاها من طقق لسلام عليكم

 

[BateeNenaa]

بنات عيادة البيان ب70 الضرس الواحد وحدة عجيب شوفي اسنان المديعه اماني البلوشي امسويه عندهم ..وسولفولنا اشلون الطريقه و في عوار ولا لا..لان صج حدهم حلوين و يغير الشكل

 

[رانزي]

انا سويت تبيض ليزر صارو حساسين ويع سويته بالميدان اسبوعين صارو بيض تالي صارو صفر

 

[FOZQ8]

يعني اهما للتبييض والا حق ترتيب الاسنان مو فاهمه !!
يعني اسناني ابيهم شوي اصغر وأرتب ينعفني البورسلان؟

 

[ام مهدي الحلوه]

البورسلان صاير مثل التلبيس يعني يحفرون الضرس ويركبون ضرس يديد ابييض حيل مثل الثلج شفتوو اسنان اليسا بغنيتها بتموون امسويتهم فضيعين حيل

 

[Bamya]

اهو صج يعطي مظهر رووووووووووعه للأسنان

بس بتخافين على اسنانج كل ما كليتي شي يابس او طق ويهج بالغلط بشغله او .. ماعرف اشرح.. بس بتكونين على طووول خايفه عليهم لا يحوشهم شي وينكسرون او يطيحون

يبردون الاسنان وتصير مثل البرغي وبعدها يلبسونها الضري اليديد السيراميك ويكون بالدرجة المناسبة لباجي اسنانج

وطبعا بعدها لازم تلتزمين بتنظيف مكثف للاسنان وتنظيف اللثه والا مع الوقت يخيس الضرس وتطلع ريحة مو حلوة << هذا حسب كلام الدكاترة

انا مجربه التركيب عند دكتور فتحي بمستشفى الأميري واايد ممتاز شغله بس بما ان حكومه يبيله صبر وطولة بااااال

 

[slk]

تصحيح معلومه ما يبردون الضرس حيل مثل البرغى لانه مو تركيب ضرس بس حك طبقه خفيفه ويتلبس قشره خفيفه وعلى حسب لون ضروسج الباحين

 

[كويتيه كويت]

نصيحه اختي سوته وبعدها بفتره قعد تقرض حب بسنونها انكسر حافة السن ويه لويه روحي ركبي وبلشه؟؟
انا استخدم المسواج حيل روعه واسناني بيض الحمدلله والكل عباله مبيضه والله؟؟
وهم سمعت عن استخدام التبيض الوقتي بفرشه نفس صبغ الأظافر يمدحونه؟

 

[خليج***]

انا ضروسي الجدام كان فيهم كسر بالاطراف
مكان الاطراف المكسورة حطوا حشواة برسلان وصارلي سنتين عليهم لونهم عادي مو ابيض وايد,,
يمكن لاني سويتهم بحكومي,,
وماكان في الم بس الدكتور وصاني وقالي ديري بالج حاولي اكثر شي تاكلين على جنب بعدي عن البورسلان,,
وقلتله شكذر تظل الحشوة علما اطيح,,قالي عالاقل سنتين

 

[ملح بدويه]

انا مسويه الضرس الواحد 250 دينار عند الميدان وطلع شكله عادي

 

[القرآن ربيع قلبي]

بنات ترى التلبيس غير
هذي قشرة تجميلية س مايحكون السن وقيمتها سمعت دكتور بالتلفزيون 400 دينار للسن الواحد

 

[angle girl]

بنات انا اختى مسوية بس جم ضرس تعبت وايد اولا حكوا الضرس لحد ما صار جنه برغي صغير يعني مو بس يحكون طبقة بسيطة او قشرة مو مثل ما الدكتور قال لها انشيل بس القشرة تقريبا شال ثلاث ترباع الضرس و فيه عوار فضيع و يحط لج ضرس تركيب لمده اسبوع تقريبا لحد ما يجهز ضرسج و تجربين اللون و الشكل اذا ما عجبج تنطرين بعد اسبوع لحد ما يسويلج شكل ثاني اتحبينه وكل هالوقت تعانين العوار باسنانج و في احتمال يحوش العصب بالغلط فتطرين اتسوين العصب هم عوار ثاني

و لما يركب ضرسج لازم اتكونين وايد حريصة بالأكل عشان لا ينكسرون - ليش كل هالعبالة و اتخيلي في بنات مسوين كل اسنانهم الله يعينهم -

يعني لا تقارنين نفسج بالممثلات الى عندها كذا شخص يشتغل لها مدير اعمالها و واحد مسؤول عن شكلها و مكياجها و
ملابسها هو الى يراكض لها لاحسن عيادة و في اى منطقة بالعالم موجودة هالعيادة ما يهتمون فيحصلون على احسن علاج و احسن تركيب و طبعا ما يهمهم جم يكلف -

بس احنا كناس عاديين انحاتي وين انسوي و جم يكلف و إذا انكسر منو يسويلنا - فلا اتقارنين نفسج بالفنانات لكن حافظي على نظافة الأسنان كل يوم و اهم شي فرشاة زينة و خيط الأسنان وايد مهم و عالجي السوس باسرع وقت لا تخلينه يوصل للعصب و إذا وصل سوي العصب بسرعة و لبسيه بسرعة لا ينكسر فالأسنان الطبيعية تعيش معاج فترة طويلة اذا حافظتي على نظافتها و اتكون وايد قوية

خليكم على اسنانكم و حافظو عليها و لا تفكرو بالسيراميك

 

[مميزة خلقة]

حبيبتي خليج على سنونج احسن لج من هالخساااير
تخيلي انا اسناني صفتهم تهبل بس جتني هفه بمخي لمن شفت اسنان اماني البلوشي مع انه ما عجبوني عجبني بياضهم وانا والله اسناني مو صفر حلو بياضهم بس ابي ازيد رحت لعيادة بيان اللي سوت فيه اماني البلوشي عند دكتورها بالتحديد تخيلي قالي 380 السن الواحد وهذا الدرجه الثانيه الدرجه الاولى اللي نفس اماني ب 400 دينا للسن الواحد عطيته مقفاي وطلعت

 

[كويتيه منكم وفيكم]

انا اسناني شوي متحركين عن مكانهم وقالي الدكتور ان اسناني ماتتحمل تقويم واذا عدلهم بالبر راح يوصل للعصب بشنو تنصحوني