اهلا بنات حلوين شكرا على الردود
يلا جاهزين وين ورقتج وقلمج
يلا جاهزين وين ورقتج وقلمج
اول شي بنات لازم قبل كل وجبه 2 كوب من الماء الدافيء اوكي
الريوق : اختاري وجبه وحده فقط مو تاكلينهم كلهم :eh_s(14):
1- كيس كورن فلكس صغير مع حليب خالي الدسم
أو
2-بيضه مفيوحه + سلطه + جبنه اريش او تستبدلين البيضه المفيوحه بشريحه توست اسمر وحده
وطبعا القهوه والشاي (الجاي) والشاي الاخضر كله مفتوح طبعا مع سكر اسمر ومسموح لج بيبسي دايت بعد او اي مشروب غازي بس دايت
الغدا: هما اختاري وجبه وحده
1- طبعا السلطه والشوربه شي اساسي اوكي شوفي ياطويله العمر سلطه + شوربه + شريحه دجاج او لحم او سمك مشوي او مسلوق ويفضل يكون مشوي
2- سلطه + شوربه + ربع كوب عيش مشخول او ربع كوب معكرونه الي يعجبج يبه
3- سلطه + شوربه + شريحه لحم مشويه + حبه فاكهه واحده
بنات انتبهو معاي شلون تبدين غداج اول شي كوبين ماي بعدين تبدين بسلطه بعدين بشوربه وبعدين وجبتج الرئيسه اوكي ( ترا الشوربه تلعب دور اساسي تزيد من عصاره المعده وتحرق الدهون)
العشا: راح اتقيدين فيه لانه لازم يكون خفيف
روب قليل الدسم مع حبتين فاكهه او روب مع سلطه
الممنوعاااااااات ياحلواااااااااات (قوانين الرجيم
)1- ممنوع انج توزنين الا بعد اسبوعين
2- مشي يوميا نص ساعه الى ساعه كيفج انتي وقدرتج
3- ممنوع العنب والموز والمانجو
4- الرجاء الالتزام بالمكتوب لنتائج افضل
5- بنات الماء ضروري جدا كثري منه ومرات اعصري عليه ليمونه بس مو كل اكواب الماي تعصرين عليهم ليمون لا بس جم كوب والباجي ماي دافي عادي
_03BA:اوكي حبوباتي باجر اكتب لكم برنامج الرمضان بس ترا نفسه ماتغير شي الغدا خليه فطورج والعشا خليه سحورج عاد هني صج راح تضعفين بحيل الله
ان شالله عجبكم وبحيل الله ان شالله تضعفون ماوصيج ترا العباده فيها افاده رياضه يعني عليج بالتراويح والقيام
:tek:
