الي عندها الحل لهااااااا ....بوسة جبين

[كبرت قبل اكبر]

[ساعدوووووني بلييز انا متزوجه وعندي ولدين واحد سنتين الثاني 8اشهر(ماعندي وقت):RoadRunner: (6):مشكلتي اني مااعرف اوفق بين اهتمامي بنفسي وبزوجي وبااولادي :krkrkr:ان اهتميت بحالي وكشخت نسيت البيت وان نظفت البيت نسيت زوجي من جد ساعدوني ماادري شسوي خصوصا برمضان وسي السيد مايبي خادمه بصراحه احس اي مكتئبه:23_asmilies-com::23_

 

[لا للخدم]

اول شي لازم ترضين بالواقع و ان زوجج ما يبي خدامة و تحاولين تشيلين فكرة الخدامة نهائيا من راسج و ما تتذمرين و كل شوية تذكرين ريلج بالموضوع

ثانيا اذا كنتي موظفة اخذي اجازة رعاية اسرة لمدة سنة او سنتين على ما يكبرون اعيالج
او وديهم الحضانة اذا مضطرة تداومين

اهم شي اخذي لج غسالة اتوماتيك مع نشافة و اذا تبين احسن نوع بنظري دزي لي على الخاص عشان ادور لج الصورة و احطها
و بعد اخذي لج غسالة مواعين
اذا خذيتي هالغسالتين خلاص باقي الشغل امره هين
و اكيد ابو العيال ما راح يقصر معاج اذا كانت هذي رغبته

موفقة حبيبتي

 

[كبرت قبل اكبر]

[[تسلمييييين حبي بس الاتماتك صعبه لان غسالتي جديده بس غسالة المواعين فكره رائعه شكرا:tek:
بس سؤال ليش (لا للخدم ) بصراحه وجودهم مهم !!!
وسؤال انت متزوجه وعندك اولاد؟ طيب كيف برنامجك اليومي_03BA:>>>> خلينا نتعلم على يدك

 

[طيرشلوا]

شوفى حبيبتى رتبى وقتج
يعنى الوقت الى عيالج يكونون نايمين اشتغلى والوقت الى زوجج بالدوام خلصى الشغل الى عندج
غسلى ملابسج \\\ الاوتى خلصية
والمواعين لاتكودينها اغسلى الشئ اول باول ماراح يكون عندج حوسة
صدقينى شغل البيت من اروع مايمكن واسهل مايمكن بس لان احنا مالنا خلق نقول جذى
برمضان خلصى الاكل قبلة يعنى جمدى بالفريز ومايبقى عندج الا الشوربة والعيش
والشغلات الخفايف وماراح تاكلون بروحكم طول رمضان
خلو كل يومين عند اهلج واهلة واخذى معاج جم طبق
لاتحطين فى بالج انج ماتقدرين ترتبين شغلج وانتى تقدرين
ترا واللة عن تجربة انتى الى تبرمجين عقلج على الشئ الى تبينة وتعودين علية

 

[سما الكويت]

حبوبه ترا انا خبره..10 سنين جبت فيهم 3 اطفال وبدون خدامه وكنت قايمه فيه وباهله..وبنفسي وبعيالي وكانت حياة ولالااروع..

بس قوليلي ظروفج لو عالخاص..واضبطج..

موظفه..والا لآ...متى تنامين ومتى تقومين..ودوام زوجج شفتات..والا الصبح ويرجع الظهر..وتحبين تقيلين والا لآ...<<<<تحقيق..لووووووول...

 

[كبرت قبل اكبر]

سامحوني على التاخير اهلييييين طيرشلوا مشكووووووره ياعمري>>> بس لما ينامون يكون البنزين خلصص
هلا والله سما الكويت >>> ماشاء الله عليك من جد لو انا مكانك كان مت
وانا مخلصه الجامعه وبالبيت جالسه وزوجي دوامه الصبح ويرد الظهر
ونومي نظل لين اصلي الفجر وانام انا وعيالي واقوم لظهر >>>>خطا كبير بس عجزت انظم نومهم
ومشكلتي الاكبر اني متعوده عالشغاله في بيت اهلي من يوم كنت صغيره لما اتزوجت انصدمت

 

[أم عبوودي11]

انزين اشرايج تقنعينه مرة بالاسبوع على الاقل خل نقول الخميس او السبت اتيبين خدامه نص دوام في بالنت هني معانا 6 ساعات بعشره يبيها وكرفيها وخلي هاليوم خاص حق اهتمامج بزوجج اشرايج او كل اسبوعين اذا الميزانيه ماتسمح بس العشره بتنقط بتنقط فقطيها على راحتج احسن وقبلها بيوم راحح تستانسين علشان مافي شغل