انا الحمدلله وربي عالم فيني الوحيدة بين خواتي اللي ملتزمة وانا ليلحين ما اسوق لعدة اسباب منها خوفي من السواقة ومنها رفض امي انها تحط لي سيارة المهم فانا من البيت لي الدوام ومن الدوام لي البيت وتجي فرصة بالشهر مرة والا كل شهرين مرة <=تخيلوا .. تقولي وحدة من رفيجاتي امشي نطلع انا طبعا ما اصدق خبر و لان حتى لو جا بخاطري اطلع وقلتلهم (اقصد اهلي) قالولي احنا مو سواق عندج زين نوديج الجامعة ونردج ويجيني واحد منهم بعد جم يوم ولا جم اسبوع و مو شرط يكون الوقت مناسبني ويقولي يلا لبسي عشان اوديج واذا وداني يوقف فوق راسي بسرعة بسرعة مايخليني اشتري على راحتي واهو اصلن مايوديني دوم فاستغل الفرصة اللي يوديني فيها واروح اشتري كل الاغراض اللي ناقصتني (يعني تخيلوا حتى حق الضرورة مايودونج مو بس حق الوناسة وانج ترفهين شوي عن نفسج) يقعد يصارخ مو ساعة بسرعة خلصي انا مو سايق عندج المهم مثل ماقلت بعض رفيجاتي لا طلعو يدقون علي ويقولون لي خنمرج انا غالبا ارضى بس هذيلا شيسوون الأم اما انها تقول لا ماتروحين كل يوم والثاني رايحة(وانا بالشهر او الشهرين زين اذا طلعت مكان غير الدوام) ولا تقولي قولي حق اخوانج و الاخو يقعد يحقق فوق راسج ويتشرط ويفشلج عند رفيجاتج توه اليوم محاجي رفيجتي لما جت تاخذني وخازها خز ومخرعها لدرجة تقولي خلاص اذا السالفة جذي ماني طالعة معاج مرة ثانية .. يعني لا يرحمونج ولا يبون رحمة ربج تنزل عليج حسبي الله عليهم .. والباجيات (خواتي) اللي يسوقون محد يحاجيهم ولا احد داري عنهم وكل يوم والثاني طلعات و روحات وردات بروحهم او مع رفيجاتهم وبس انا متسلطين علي مع اني مثل ما قلتلكم انا الوحيدة الملتزمة والبس عبي وما احط مكياج الحمدلله وعسى ربي يثبتني بس .. اما الباجيات كلهم اللبس اللي ظيج واللي قصير ويصبغون بهالمكياج تصبغ .. بالله ناس واهل مثل هذيلا شلون تتعاملون معاهم قولولي دلوني عالحل ؟؟؟؟؟؟؟؟؟؟؟؟؟؟
التعديل الأخير:
