الي عندها خبرة بلندن

[قطرية كشخة]

السلام عليكم عندي استفسارات عن لندن اولها ابي مطاعم حلوة ومشهورة العرب يروحونها وتكون بهاردوز واكشفورد وجورود وابي صالونات خاصة للمحجبات هناك للن احتمال اقص واجرب صبغهم وابي اماكن الماركات وكذا وابي اعرف اماكن سياحية متاحف او قصور هناك ازورها

 

[M!SS.LOBY]

رفع

 

[شوارفسكيه حمره]

والله انا ما عندي علم حبي ... ان شاءالله ناويه اروح لندن وان شاءالله يفيدونا البنات


موووفقه

 

[busy-bee]

اجواردروود كله مطاعم عربيه و لبنانيه و هنديه و حلال ،، انا احب المطاعم الي بهارودز و خصوصا مطعم البيتزا بالدور الثاني و عندج مطعم سلفرجز الي بالسطح حلو و في مطعم بالاكسفورد اسمه سباغيتي هاوس احبه و حق الريوق جربي كافيه اسمه بيور وافل قبال سلفردجز و يم اديداس مممممممم و البنات يفيدونج اكثر بالمطاعم انشالله

في صالون اسمه tony&guy وايد احبه دايما اقص و اصبغ فيه و عندهم عرفه برايفت للمحجبات

اذا تبين ماركات روحي هارودز و سلفردجز او بوند ستريت كل البوتيكات تلقينها بهالشارع يهههههبل
قصور و متاحف ماعرفها لاني ماحبهم بس اذا اول مره تروحين لندن روحي متحف الشمع هم حلو
اذا معاكم يهال ودوهم الzoo ب ريجنت بارك و اذا ودكم يوم تروحون ملاهي روحو thorp park او alton towers حلوين
روحو بستر فيليج كلها اوتلت ماركات حلوه بصراحه
في عرض حيل حلو اسمه the lion king show يشوق و كل مره اروح لازم ادشه ��
اذا بتقعدون مده طويله روحو بلاك بول ويكند و رجعو احبها حلوه ملاهي و مطاعم و تمشي على البحر

طبعا الحدايق بلندن حلوه منها الهايد بارك و ساينت جايمس بارك و ريجنت بارك تمشو فيهم حلوين
و اذا تحبون بالليل تسهرون روحو البيكاديللي مطاعم و قعدات لي وقت متأخر وناسه
وبس هذا الي الحين تذكرته و تصبحين على خير قلبي و انشالله تكون رحله سعيده ��