الي عندها خبره في شهادة الماجستير تدش ولا عليها امر

[شقاوتي غير]

مســاكـــم الله بالــخـــــيـــــــر :eh_s(17)::eh_s(17):
انا طالبة في التربية الاساسية تخصص رياض اطفال فبغيت اسالكم انا ابي شهادة الماجستير شنو شروطها بالكويت ؟ يعني لازم اجيب تقدير معين بالكليه او عادي مفتوح لي ؟؟ واذا اخذت الشهاده ان شاء الله شنو اقدر اكون وجم الزيادة في المعاش ؟

والي يعافيكم الي تعرف تقولي او ترفع الموضوع لي الله لايهينها
وسلامتكم ومبارك عليكم الشهر :eh_s(8):​

 

[شقاوتي غير]

اشدعوه بنات الي ماتعرف الله لايهينها ترفع الموضوع

 

[cool-princess]

up

up

 

[( المـلاك )]

حبيبتي انا توني خريجه تربية اساسيه وليلحيني ما تعينت
بس يوم سألت عن شهاده الماستر
قالولي اذا مو مطرشينج بعثه
لازم انتي يكون عندج خبره 3 سنوات و بعدين تكملين ماستر
و موجود بجامعه الكويت بعض التخصصات الخاصه لنا

و هذا الحجي سألته وحده تشتغل بالمنطقة التعليمية وانا اسوي اوراقي للتعيين
وقالتلي انه كلامها متأكده منه وصحيح

 

[ام جــابر]

والله هم انا ودي اكمل دراستي مع اني تعيين جديد ابله رياض اطفال موفاهمه الشروط عدل بس الي اعرفه ان دراسه الماجستير في كلية التربية يشترط خبره 3 سنوات اما في كلية العلوم التربوية مايحتاج خبرة وانا متوهقه الحين موعارفه شسوي وضايعه في نظام الطلبة المقيدين وغير المقيدين
بليز بنات الي عنها خبره بالموضوع تفيدنا لو ماعليكم امر​

 

[الماس حر]

هلا حبيباتي الله يوفقكم
اللي تبي تكمل عندج كذا طريقة
1) انج اجازة دراسية بربع راتب او نص راتب او راتب كامل على حسب خبرتج الرتب والدراسة انتي تييبين قبولج باي مكان برا الكويت وانتي تتكفلين بالمصاريف الدراسية
2) اجازة دراسية عقب 3 سنوات بربع راتب وتقدمين على جامعه الكويت ينزل اعلانهم شهر 11 كل سنه ولازم توفل او ايلتز ولازم يكون عندج خبرة 3 سنوات اذا بتقدمين على ماجستير التربية ام اذا بتقدمين تخصص ثاني عادي مو الا خبرة
3) بعثه على الوزارة حق البحرين ولازم يكون اخر تقديرين امتياز عندج وفي سنوات خبرة بس ماعرف جم الصراحه وهذي البعثه تنزل نشرتها سنويه تفتر علمدرسات كل سنه والوزارة تتكفل بكل شي معاشج يمشي كامل بس تطيج البدلات يعني فوق 650 دك يمشيلج
4) تفتحين ملف بالتعليم العالي وتقدمين على جامعات مصر وتاخذين اجازة اداء امتحان 40 يوم لج 40 يوم بالسنه يخصمون منج البدلات بال 40 يوم بس وتكون مده الدراسة سنتين ونص وتداومين دوامج بالكويت بس تروحين تمتحنين وقت الامتحانات
5) بعثة على التطبيقي او جامعه الكويت لازم معدلج فوق 3 نقاط وتنجحين بالمقابله وواسطه طبعا
وسلامتكم والله يوفقكم واعولي دعوة حلوة من قلبكم اذا استفدتو من كلامي واي استفسار طرشولي عالخاص يمكن اقدر افيدكم

 

[الماس حر]

اسفه بنات الاجازة الدراسية عقب 3 سنوات راتب كامل بدون بدلات للتصحيح فقط