الي عندها خبر بهرمون الحليب ياليت تفيدني

[Mareyh33]

السلام عليكم
كيفكم جميعا ،
سجلت والله منشان اكتب موضوعي واشوف من الي عندها فكره كود ارتاح
انا لي خمس سنوات الدوره موب منتضمه عندي
عندي هرمون الحليب حيل مرتفع والحين قالو لي عند تكيس في المبيض الايمن
الدكتوره خوفتني قالت بنعيد التحليل حق هومون الحليب واذا طلع مرتفع بتحولني عند دكتور مختص بالغدد تقول علشان يشوف ليش الهرمون عاااالي وقالت بيسوي لك تصوير لدماااغ علشان يشوف الغده اذا فيها تضخم ولا وانا عدت التحليل وانتظر الحين النتيجه وحيل خايفه وش اسوي وش تنصحوني اسوي
وانا ابي احمل وابي الدوره تتضبط علموني وش اسوي اكون شاكره لكم

 

[معنـى الحنـان]

حبيبتي انا نفس الشي سوولي تحليل هرمون الحليب وقالوا مرتفع قالوا 2500 الفين ونص تقريبا وعادوا التحليل 3 مرات وسوولي فحص للرحم بس الحمدلله ماكان عندي تكيس وقالوا بيسوولي اشعه للراس ومراجعات وفحوصات للنظر وغيره تعبت 4 شهور على هالوضع وبالنهايه حملت وما اخذت علاج ولا شي الحمدلله
وبعدين سويت التحليل وقالوا مافيني شي !

بقولج اللي سويته
1- كنت اشرب مرقدوش عباره عن عشبه اذا تعرفينها يقولون تنظم الهرمونات
احط ملعقه بكوب وعليه ماي مغلي واخليه يدفى واشرب كل يوم كوب او كوبين

2- احط ملعقة عسل على كوب ماي واشربه كل يوم على الريق
3- كنت اقرا الرقيه الشرعيه على لترات ماي واقعد اشرب يوم يومين لما يخلص اقرا مره ثانيه .. الرقيه الشرعيه للحمل اخذتها من قوقل ايات قرانيه وادعيه .. وقريت قران على زيت زيتون مره او مرتين ودهنت صدري وبطني .. والقران شفاء باذن الله
4- قيام الليل والدعااااااااااء كنت اقيم الليل وادعي ربي يشفيني
5- الصدقه تقريبا يوميا كنت اتصدق حتى بقايا الاكل اعطيهم للحمام والطيور بنية الصدقه
والحمدلله خلال شهر حملت بدون علاج وخلال الحمل رجعت عدت التحليل اتاكد وقالولي مافيج شي مرتفع بنسبه بسيطه مامنها ضرر والحمدلله ..
تقربي من الله واحسني الظن فيه و الله يشفيج ويرزقج بالذريه الصالحه يا رب

 

[Mareyh33]

ياليت يارب يصير لي مثلك انا قلت بشرب ميراميه يقولون زينه
وان شاء الله بشرب مرقدوش من اليوم ببتدي فيه
ولو قالت لي الدكتوره ان الهرمون مرتفع برجع اعيده لاني بشرب الاشياء هذي
ومن ناحيه الصدقه انا والحمد لله مستمره عليها
باقي الرقيه بحملها من الجهاز الحين وبسوي مثلك
جزاك الله كل خير واللله يجعل فيهم شفاء باذنه تعالي

 

[sweeta77]

مرحبا
انا نفسك كان وايد عالي وطبيعي يطلبون اشعه الراس لان اكو غده بالراس لما تتضخم يرتفع الهرمون وايد انا الحمدلله سويت الاشعه وكل شي طبيعي
هرمون الحليب يرتفع مع الضغوطات والتوتر

 

[Mareyh33]

اشكرك اختي ع الرد
داومت ع البدقدوش والمراميه تعدل الهدمون

 

[معنـى الحنـان]

الحمدلله حبيبتي
استمري مع المرقدوش ممتاز انا نزلت الهرمون وحملت نفس الشهر ماشاء الله استمري مع الدعاء وان شاء الله تبشرينا بحملج ولاتنسيني من دعاءج