الي عندها كوليسترول تدخل

[ms gucci]

السلام عليكم يا بنات










اليوم طلعت نتيجة التحليل حقي وطلع نسبة الكوليستول الضار عندي عالية ...... وطبعا أنا تعبت نفسيا لما قال انه يأثر على القلب وممكن يسبب جلطة .... مع إني يا بنات ضعيفة وماني سمينة وتوني رايحة حق أخصائي تغذية عشان يعني أحافظ على رشاقتي وأشيل الكيلوين الي زدتهم .... انصدمت بالتحليل .... يقول انت ما تاكلين خضروات ... والله العظيم أنا على طول آكل سلطات في البيت وفي الدوام وبشكل يومي ... ويقول انت تاكلين وجبات سريعة وأنا في السنة أحسنة آكلهم.... فيا ريت الي عندها أي معلومات تفيدني .... أنا الدكتور عطاني معلومات بس محتاجه خبرتكم .... وجزاكم الله خير وعسى الله يحفظكم من كل مرض ويدوم عليكم الصحة

 

[ZajiL]

ماتشوفين شر حبيبتي

حاولي ماتكثرين اللحوم
والربيان
والبيض
والسبال
والدهون والدسم

ونصيحه امشي لانه المشي وايد زين للمعاهم كلسترول
يمن انتي صج ضعيفه بس يمكن كل جسمج دهون

وسلامتج ماتشوفين شر

 

[عنيّد]

عادي
خالتي طول عمرها محافظه على جسمها واكلها بين كل اهلي بالبيت
بس الكلسترول مرتفع حيل حيل حيل عندها ، وراجعت عند د.حسين دشتي ٦ اشهر ولا ينزل واستغربوا وياب لها دكاتره ثانيين قالولها انتي حاله غريبه ! لول
بعدها راحت حق د.بدر نصرالله ونظامه نفعها ونزل الكلسترول عندها لكن الله يهداها ماستمرت معاه
طبعا الرياضه مهمه حيل
قطع عنها الخبز والككاو

هممم هذا الي اذكره ، وانشالله ماعليج شر

 

[فجر_الكويت]

رد : الي عندها كوليسترول تدخل

عسى ربي يشافيج ويشافي كل مريض يارب ياكريم

 

[ام سعود ديكسون]

الله يشفيج أنا نفس الشي
مع أني نادي و دايت
قالوا لي رفيجاتي يمكن وراثة!!!!

 

[كويتية مودرن]

اب اب اب

 

[أحلى البشر]

انا نفسج الكلسترول عالي

انتي تاكلين كاكاو وايد صح؟؟؟
الككاو والشبس يرفعون الكلستروول حيل
انا ادمان ككاو اهوا اللي رافعلي اياه

الشغله الثانيه انتي تاخذين حبوب روكوتان ؟ مال حب الشباب؟ اذا اي همن هالدوا يرفع الكلسترول

الاشياء اللي تنزله :
الشاي الاخضر
الافوكادو بس مو بكثره شوي حييييل مفيد
المشي
شرب الماي بكثره
وانج توخرين عن الممنوعات : صفار البيض, المرتدلا والنقانق واللحوم بانواعها قلليها حيل واهي شي متروس دهن والمقالي وخري عنها والككاو والبطاط اهم شي وخري عنهم وراااح ينزل بعد شهر الى شهرين

هالكلام كله ناقلته لج من لسان دكتورتي